اخواني جماعة عمان اندعولي اني بضيق وكرب

[سهم التميمي]

اخواني اندعولي اني بضيق محد شايفة والله العظيم   محد يعرف بحالي بس الاخ العزيز رايان كيس والاخ الن اخواني اندعولي راح اموت والله

ماعندي احد  المن اشكي بل غربة لاام لا  اب لا اخوان كلهم بامريكا  والله حالتي تصعب  على الكافر ماادري شسوي اخواني دعائكم الي

ارجوكم الله يفرجها علية بعد  مااتحمل والله العظيم 

[rayanchase]

حبيبي سهم الله يفرجها عليك ان شاءالله

صدكني  بيوم وليله كلشي يتغير


و ان شاءالله   تفرحنا بسفرك

[ابو زيـــن]

الله يفتحا بوجهك وان شاء الله تسافر بأقرب وقت
تحياتي

[كوكي 2004]

الله يسهل امرك ويفرج همك ويعجل بسفرك ·· آمين يا أرحم الراحمين
كول يا الله أخي وماضاقت الا وفرجت بأذن الله

تحياتي والله يصبرك ويوفقك

[espero]

الله يفرج عليك يارب
متضيق اخويه الا ماتفرج ..بس خلي عينك بعين الله

[الفراتي]

مع الاسف عليك وين رب العالمين خلي اتكالك على الله واكثر من الاستغفار فانه يزيل الهم ويفرج الكرب ولو بعد حين  والصبر مفتاح الفرج
"وعلى الله فليتوكل المؤمنين " ولاتنسى الدعاء واسال الله العظيم رب العرش العظيم ان يفرج عنا وعنك وعن كل مكروب

[saeedsaeed]

حبيبي سهم خلي عينك بعين الله وأبد ما راح يقصر عنك واكثر من الاستغفار وربك أبد مراح يتخلى عنك
الله يفرج همك ويسعد كلبك ويعجل بسفرك وسفرنا اجمعين

[CHICAGO STAR]

الله كريم كول يا الله

[m.a.m]

اخي اتوكل على الله سبحانه وتعالى ويارب تفرج عليك وع الجميع
صدك اخي اني من اتصير عندي ضوجة وكآبة ويأس اقرأ قرآن وارتاح لأن رب العالمين مينسى عباده وقوله تعالى (الا بذكر الله تطمئن القلوب)


         ان مع العسرا يسرا.....ان مع العسرا يسرا.....ان مع العسرا يسرا


                       اختك ام حنين

[MUHANAD_2009]

سبح اسم الله وسوف ياتيك الفرج ان شاء الله

[ابو مرتضى]

استغفر ربك اخي التميمي والله يجمع شملك مع الاهل وتفرح وتنسى كل همومك(ان مع العسر يسر)واكثر من التسبيح باسم الله واستغفره
وان شاء الله نسمع اخبار سفرك عن قريب

[هذا عراقي]

الله يفرجهة عليك بحق محمد وال محمد

وتسمع اخبار تريح قلبك
ويفرج على الجميع امين يارب العالمين

[ألن في بلاد العجائب]

حبيبي سهم صدكني بين ساعه و ساعه فرج ان شاء الله بالك يرتاح و تنول الي تنتظره بحق نور السماوات و الارض

[securityiom]

الله يفرجه عليك اخوية

[ابو سمر]

الله يكون بعونك ويوفقك

[نداوي79]

اخي سهم والله ادعيلك بكل صلاة ان شالله تفرج عليك وتسافر لاتضوج اخي العزيز الايام الجاية يتصلون ان شالله وترا رب العالمين ماينسى عبده  ماتشوف الا وانت مسافر

[akram usa]

يا اخي شنو السالفه اجمد شوية واتوكل ع الله كولنا مثلك واتعس من حالتك شلون راح تقاوم الحياه اذا هيج عودك ضعيف

[أم إبراهيم]

هاي شنو سهم؟؟؟ كول الله يمعود... لعد آني شأكول برقبتي عائلة وجهال وطلبات ومصاريف تكسر الظهر ومامدبرتها... خلي عينك بعين الله ومن ساعة لساعة فرج

ترة اذا راح تظل هيجي راح تتعب بعد اكثر... موضوع السفر اكيد جاي بس يجوز بعد ماجاي وكته والعلم عند الله...

تعال واسيني اول شي وشوف شنو اللي بيه حتى تهون عليك مصيبيتك...

اللهم لاسهل الا ماجعلته سهلا وانت تجعل الحزن ان شئت سهلا...

[kamalzakhoy]

الله يفرجها عليك وعلينا جميعاً, والله يا أخي آني هم نفس الشيء واكو هواية ناس مثلنا بس أحسن شي الواحد يفوض امره لله ويتوكل عليه لانه الأمر كله بيده.

اللهم إليك فوضنا امرنا وعليك توكلنا يا أرحم الراحمن ونعلم انه لا يضر مع اسمك شيء في الأرض ولا في السماء وأنت السميع العليم.




تحـــياتي
كـــمال زاخــوي

[windtalker]

اخويه انشاالله تفرج عليك وعلينا وعلى الجميع بجاه اليوم يوم المبعث النبوي الشريف !

[شغيدل]

الله يريح بالك ويسهل عليك أخوية سهم التميمي صاحب القلب الطيب



مع التمنيات للجميع بالموفقية


أمين

[نماز]

ربي يسر ولاتعسر..... يسر ولاتعسر الله يشوف حالك لاتهتم ربك موجود هو ارحم الراحمين

[s350thebest]

اذكر الله اخي وصلي قبل صلاة الفجر اكيد راح تشعر براحة.

والله يفرجه عليك ويحقق الي تتمناه وانشاء الله ما تتمنى وتطلب الا ما هو خير لك اجمعين يا الله.

[احمد النجفي]

اخي العزيز تقبل مروري    طبعا اني احزدك مو على موقفك لكن على الردود الي قريتهه وما اكول غير الله يصبرك ويصبرنه  ان الله مع الصابرين  (ولا تقنطوا من رحمة الله )

[متفائلة]

هاي شنو اخوية سهم كول يالله .... لو ما انت رجال لعد اني شنو اكول بس اني واخوية والبنية ابد مو مثل الولد يعني عاطفتها تكون اكثر ياعيني
وحاول تطلع ويا اصدقاء ويا ناس قريبين منك وتغير جو وانسى شي اسمه اي او ام ومتحس غير ان شالله يسهل امرك وشي ثاني قابل بعد شكد يريدون اياخرونه؟؟؟؟  مظل شي راح الاهواية وبقى القليل

[يا صبر ايوب]

اخوان رجاء للي عنده رقم تلفون صاحب الموضوع خلي يخابره ويطمأن عليه ويطمنه لان ما جاوب
من نزل الموضوع ليهسه اكو كم شخص بالمنتدى عدهم اتصال بي
 الولد بوحده كل شي يصير او هوه يكول اني بشده الله يعينه ويعينه

[سهم التميمي]

rayanchase  متفائلة
ابو زيـــن
كوكي 2004
espero
الفراتي
saeedsaeed
CHICAGO STAR
m.a.m
MUHANAD_2009
ابو مرتضى
هذا عراقي
ألن في بلاد العجائب
securityiom
ابو سمر
نداوي79
akram usa
أم إبراهيم
كمال زاخوي
windtalker
شغيدل
نماز
s350thebest
احمد النجفي   اشكركم جميعا  والله شكد فرحتوني  برددودكم  ويارب  يفرجها عليكم وعلية امين يارب العالمين

[سهم التميمي]

اخوان رجاء للي عنده رقم تلفون صاحب الموضوع خلي يخابره ويطمأن عليه ويطمنه لان ما جاوب
من نزل الموضوع ليهسه اكو كم شخص بالمنتدى عدهم اتصال بي
 الولد بوحده كل شي يصير او هوه يكول اني بشده الله يعينه ويعينه

عزيزي ابو صابر الغالي اشكرك  عزيزي تسلملي

[اختيار صعب]

ابنى سهم كول بالله وانشالله تفرج عليك وعلى أمة محمد

[ام حيدر]

الله يفرج عنك بجاه الايام والليالي المباركة هذي وانشاء الله تفرج وربي يطمن بالك وتسافر بسلامة وربي يفرج عن كل مهموم كول امين

[مــودي]

يارب فرج على كل مكروب ومهموم ..

[المهاجر الجديد]

             

               السلام عليكم

   
  الاخ العزيز سهم.. قال رسول الله صلى الله عليه وسلم ( من لزم الاستغفار جعل الله له من كل ضيق فرجا ومن هم مخرجا ورزقه من حيث لايحتسب)  اسأل الله ان يفرج عنك همك  وينفس كربك  ويسهل امرك..اخي عليك بالصبر وليس لنا غير الصبر.ان شاء الله  ربك يغير حالك لأحسن حال..

اخي ان كان السفر مكتوب لك ستسافر.. ان شاء الله تسمع في الايام القادمه مايسرك

تقبل تحياتي   

                                                                                                ابوحارث

[eboo]

اخويه اني كنت بتركيا وتعبت ولا اعرف لغه ولا عندي احد واهلي بسوريا واحنه مطشرين كل واحد بمكان وداعتك اتمر بيه ايام ودي اشمر روحي من مكان عالي واخلص لان ضليت ما اتحمل الضغط بس بذكر رب العالمين الانسان يرتاح ورب العالمين فضل عليه وسهل امري بعد ما ضليت 3 سنوات بتركيا  واني قبله كنت بسوريا وانسجنت ضلم وتالي اني تركت سوريا وطلعت منها وهسه الحمد لله اني بمريكا صار سنتين وشهر وماشيه وهم ما التمينه اني واهلي كاعد انتضر يجون يمته ما اعرف بس اكول الف الحمد لله على كل حال اصبر اخويه شنسوي هاي قسمتنه ونعمه من رب العالمين ما عدنه اعتراض
ولرب نازلتآ يضيق بها الفتى ذرعآ وعند الله منها المخرجو ضاقت فلما استحكمت حلقاتها فرجت وكنت اضنها لا تفرجو
من اقوال وحكم الامام عليه عليه السلام

[النسيم المهاجر]

[hrنفس حالتي وصار 4 سنوات دانتضر وكل ثانيه داحس بالموت البطيْ يارب يارب ارحمنا حتى لو يرفضونه هم رحمه هم الواحد يعرف شراح يسوي


                               النسيم الجاثم بسبب؟؟؟ ماعرف كل الاسباب الي ديكولوها صارة سخيفه ]

[ORCA]

الله يفرج همك