0 الأعضاء و 1 ضيف يشاهدون هذا الموضوع.
اخوية مختصر مفيد الي يروح عامل يبقة عامل بامريكا مع احتراماتي للعامل هذا شرف احسن من العطال والي يروح دكتور يبقة دكتور والي يروح بجيبة مليون دولار يبقة مليونير . تعرف ليش لان العامل يعني شيريد يجمع بالشهر ماعدى الايجار والمصاريف الاكل والشرب يكتل روحة اذا جمع 1000 دولار زين في سنه 12 الف دولار في عشر سنوات 120 الف دولار هاي اذا كتل نفسة زين هو ضيع نصف عمرة على شراء نصف بيت هاي ماعدى السيارة والامراض والضرائب يعني اخوية لا تتقشمر ويكلولك عزايم وسفرات هذا تعرف منو الي عنده عزايم هذا اصلا هو عندة جم فلس بايع بيته بغداد وده يصرف منهن اني هواي اعرف ناس بامريكا ماعدهم ياكلون بس تلكاه طاك صورة يم تمثال الحرية لو طاك صورة بمطعم بس هو موصي على ماعون سلطة لو طاك صورة يم البحر هذني كلهن مه يكلفن فلوس طبعا الناس من تشوف الصور يكلك هذا طاك اني وين وهذا وين ومن تروح على شقته تلكاه عايش بمخزن . هاي حقيقة لازم تنذكر . المهم انت اسعى ولله يسعى وياك ولا تفكر بهاي الامور يجوز لله يفتحه بوجهك وتشتغل تاجر مخدرات
مقتبس من: Zeus Greek في 03:50 14/08/2012 اخوية مختصر مفيد الي يروح عامل يبقة عامل بامريكا مع احتراماتي للعامل هذا شرف احسن من العطال والي يروح دكتور يبقة دكتور والي يروح بجيبة مليون دولار يبقة مليونير . تعرف ليش لان العامل يعني شيريد يجمع بالشهر ماعدى الايجار والمصاريف الاكل والشرب يكتل روحة اذا جمع 1000 دولار زين في سنه 12 الف دولار في عشر سنوات 120 الف دولار هاي اذا كتل نفسة زين هو ضيع نصف عمرة على شراء نصف بيت هاي ماعدى السيارة والامراض والضرائب يعني اخوية لا تتقشمر ويكلولك عزايم وسفرات هذا تعرف منو الي عنده عزايم هذا اصلا هو عندة جم فلس بايع بيته بغداد وده يصرف منهن اني هواي اعرف ناس بامريكا ماعدهم ياكلون بس تلكاه طاك صورة يم تمثال الحرية لو طاك صورة بمطعم بس هو موصي على ماعون سلطة لو طاك صورة يم البحر هذني كلهن مه يكلفن فلوس طبعا الناس من تشوف الصور يكلك هذا طاك اني وين وهذا وين ومن تروح على شقته تلكاه عايش بمخزن . هاي حقيقة لازم تنذكر . المهم انت اسعى ولله يسعى وياك ولا تفكر بهاي الامور يجوز لله يفتحه بوجهك وتشتغل تاجر مخدرات كلام ما ينطبق على الكل احنه مشكلتنه احنه العراقيين من نحجي نعمم الكل ساكنه بمخزن الكل تنظف حمامات والكل تغسل مواعين والكل حالتهه يرثى لها كافي يمعودين امريكا مثل اي مكان بالعالم شنو قابل الله ما موجود بامريكا ممكن بامريكا انت تتوفق وممكن تتأخر شويه وهذا الشي يعتمد على سعيك وجهدك وعدم استنكافك وبالاضافه الى الحظ فيا اخوان ويا اخ زيوس انت اذا مريت او صديقك مر بهيج ضروف لا تكول كلهه هيج ..... الفشل ما ممكن تعميمه وايضا النجاح هم لا يمكن تعميمه
اخوان اني رح احجيلكم تجربتياني صارلي 3 سنوات هنا بامريكا الحمد لله هسة ساكن ابيت (تاونهاوس) 3 غرف و حديقة و بيسمنت او حمام و نصاملك سيارتين وحدة الي وحدة الزوجتي او اطفالي 3 بالمدارس هيدستارت او فرست كريد او ثرد كريدالحمد لله ماشية و مستورةكل هاي الشغلات حصلت عليهن لان اتطوعت بالقوات المسلحة (ارمي) او هذة يعني فدرل امبلووي يعني وضيفة حكومية 100/100 مدكل انشورنساو 52000 دولار جي اي بل نصيحتي لكل الي اعمارهم 35 او جوة يتطوعون بالقوات المسلحة وضيفة محترمة او ايضا تحافظ على اللياقة البدنية لان بي تي كل يوم الصبح بس الواحد لازم يتحظر لان امتحان ال ازفاب مو سهل اني قريتلة سنة كاملة يالله عبرتة او هذة الامتحان من الركوايرمنت مال التعيين
سؤال لاخونا صاحب الموضوع .. هل صحيح ان العراقيون في امريكا في حالة يرثى لها؟؟؟جواب .. وهل أن العراقيون في العراق في حالة افضل منها؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟اذا كان الجواب نعم , فلماذا لم يرجع مايقارب الربع مليون عراقي لجأوا اليها ؟؟ عدد الراجعين والذين ندموا لاحقا على رجعتهم لايتجاوز اصابع اليد.اما اذا كان وضع العراقيين في العراق أسوأ من وضعهم في امريكا فليس علينا الا القول ((الف الحمد لله والشكر خلصنا )).....................................................سؤالي الثاني الى الاخ ...werewolf صاحب الرد القبلي .... اريد اسولف وياك شوية ...انت تقول :- اني صارلي شهر من وصلت الى امريكا ولاية mobile, Alabamaالمنظه المسؤله على الاجئين في ولاية الباما موبيل المنظمه الكاثلوكية هي المنظمه هم حرامية با سلوب حضاري الكاثوليك جارتي من ارقى منظمات العالم وقامت باعمال خيرية لاتعد ولاتحصى واذا تعتقد ان المنظمة التي استقبلتك كلاجيء وقامتلك بالواجب واشترولك اغراض وصروفوا عليك ((حرامية )) وهم ليسوا كذلك فاسمحلي اقول لك بانك غلطان وغلطان جدا وهسة نشوف شلون ........اولا من وصلت جبولي دوشك وشراشف وسلموني وصل صارفين علية 600$شراشف ودوشك يعني من تريد تشتريهن كل سعرهن مجاوز 40$نعم أخي سعر الدوشك بامريكا يعبر الخمس ورقات وهذا الدوشك العادي مو التوب اني اشتريتة ب 600 بدون شرشف .وسلموني وصل صارفين علية 600$لعد السرقة وين اذا انت شفت وصل الشراء بعينك ,, لو المنظمة متفقة ويا الولمارت لو المعمل مال الدواشكً؟!خلوناي اوقع على عقد الايجار 500$ بل شهر ادفع الايجار من جبي الخاص (خلوك) توقع عقد ايجار 500$ اولا ماكو شي بامريكا اسمه (خلوني أوقع ) ماكو شي بالغصب والاكراه اذا متريد توقع لو يجي اوباما بنفسة ميقدر يخليك توقعادفع الايجار من جيبي ؟!!!!!! هسه احد يسمعك عبالة امريكا كلها شقاوات .متكًولي بالعراق من جان يدفعلك الايجار ؟!! وليش بالعراق بالكرة الارضية كلها أكو واحد يدفع بمكان واحد بس دليني عليه .وكاتب حضرتك بين قوسين ملاحظة (همة يدفعون مال شهرين بس ) لالالالالالالالالالا صدكً ميستحون بس شهرين اصلا المفروض يدفعون العمر كله , غصبا عنهم !!!واذا تركت الشقة اقل من سنة يتوجب ان ادفع غرامة 700حبيي هاي يسموها شروط العقد الجزائية (موجودة حتى بالصومال واريتيريا وجزر القمر) هاي مونذالة او قلة اصل هذا قانون حسب عقد الايجار المتفق عليه اللي خلوك توقعة .اما بخصوص العمل بل ساعة 7% من يخلص الشهر راح ايحاسبوك على كم يوم اشتغلت ودفع تاكس.منو اليحاسبك على شغلك ؟؟ وشنو ضايج من دفع التاكسات ؟ ليش متريد شوارع نظيفة وخدمات راقية ثم كل الناس التشتغل تدفع تكسات حالك حال اي مواطن امريكي.و7% يمكن قصدك تكًول 7$ وايدك راحت على ال% عموما اكو شي هنا اسمة الحد الادنى للاجور وهذا الشي بعده ماواصل لعالمنا العربي المتخلف ومعناه انه اي صاحب عمل مايصير قانوناً ان يدفعلك اقل وايضا كلمة قانوناُ ما مستعملة بالعالم العربي فعليا القانون يطبق بس عالفقير والماعندة ظهر. عكس امريكا بالضبط.يعني اذا تحصل بل شهر 1500$ تدفع منها التاكس والايجار فواتير الكهرباء والماء ولموبايل و انترنيتواذا عندك سيارة راح تدفع تاكس + تأمينبل شهر يو يصفالك 100$ يوكل شي ماكوصدكً متفيد ....هاي صارلك شهر وعزفت كل هالنغمات الحزينة , اي متكًولي شتريد بعد , لازم تحمد ربك وتشكرة انه عندك على الاقل موبايل وسيارة وانترنت وكهرباء مستمرة (اطفال البصرة يحلمون بمي الشرب من وقت صدام وليهسة واكثر من 60 بالمئة من الشعب تحت خط الفقر المدقع وعايشين على العتيكً ومنتظرين الحصة, اطفال بعض المحافظات محرومين من -تكرمون- الاحذية والتعليم والتطبيب ووو الخ )واخيرا الجملة الحماسية المحفزة :-من تشتغل اتحصل بس التعبجبناها على الشغل والعمل ........ (هاي مااعرف اي غلطان كًال العمل عبادة ) حاشا :-نصيحتي الك غير (ارجع للعراق فورا ) وبسرعة وعلى اول طيارة مادام تتعب بالشغل , والمن لهذولة الامريكان الميستاهلون لاوالله روح ابلدك اتونس وافتر وتمتع بالاجواء الخلابة احسنلك ............................ملاحظة للأخوة القراء:-طبعا اني هواية ناس يحذروني من الكتابة بهكذا طريقة وهكذا اسلوب اعرف احيانا اكون قاسي وأكتب في مواضيع وانطي رائيي والمفروض كأداري اتجنب الخوض في هكذا امور (هذه نصائح الاصدقاء) حتى لايفهم لاحقا ان الادارة تتبنى موقف معين وتتجاهل الموقف الاخر المضاد ودائما الاداري لازم يمارس الحيادية لكن .... اخوان اي حيادية بشرفكم .. يعني الواحد حتى عيونة ماتتحمل تشوف الغلط وتسكت الواحد يحجي الحق لو على كًص رقبته ,.يعني جنا بالعراق نتمنى وننتظر اي خبر حتى لو اشاعة عن السفر واللجوء والقبول وجنا عايشين جحيم الاقتتال والطائفية والمأسي والمظالم التي لاتعد ولاتحصى ابو المولد وطحين الحصة والتهديدات والقتل العشوائي والممنهج والرشاوي والفتنة وقلة التعيينات والتطرف وووووو الخ حتى الجو والمناخ هم وقف ضدنا ,,,,,,, يعني نكًوم من نوصل امريكا ونعرف اكو ناس تقدر فرصة الوصول الى امريكا بفرصة العمر ناس عايشين افضل من العراقيين بمليون مرة الاوربي والاسترالي واياباني والكوري والعربي يتمنى فقط ان يعيش في امريكا ولو لشهر واحد ..... وانت تجيك الفرصة اللي يتمناها الملايين من البشر وتكًولي هيج وهيج , يااخي اذا امريكا مو زينة ارجع لبلدك ببساطة وانطي فرصة لغيرك ,, اذا راح تكًولي اني مهددد بسيطة روح اي بلد عربي لبنان مصر الاردن السعودية الامارات عمان او حتى تركيا ايران .. اشوف هناك يامنظمة راح تستقبلك منو راح يكًولك هلا , بس اويلي شحجي وشكًول . اترك صفحة قسم مواضيع امريكا(الشبه خالية) وروح على الصفحة الاولى وشوف المواضيع اللي تنزلها الناس المستقتلين على السفر واقرأ شنو ظروفهم ومأسيهم واحمد ربك لانك عبرت مرحلتهم ... (واني كنت مثلهم) والحمد لله ربك قسملي وفرجت وسافرت .حالي حال الكثيرين .اسف على الاطالة وتحياتي واعتذارتي من الجميع بضمنهم اخي صاحب الموضوع واخي werewolf. اليوم تعبتني وخليتني اصرف الوان هواية .
مقتبس من werewolfواني حجيت على الاجانب مو على شعب العراقي المسكين.............................................يعني حتى اذا كنت على خطأ لازم نؤيدك لانه التحجي عليهم (أجانب) ثم الى متى احنا العراقيين نخلص من عقدة كره الاجنبي ؟! ياأخي ليش مو هالاجانب انتشلوك من الضياع انت وعائلتك مو هالاجانب فتحولك بيتهم وانطوك اقامة وبعد كم سنة تصير واحد منهم وتاخذ جنسيتهم هالاجانب ساعدوك , وانطوك قبول ولجوء واقامة وسكنوك بالدولة رقم واحد بالعالم بعد انت جنت تعاني ماتعانيه من كنت في دول الجوار او في العراق هالاجانب اللي عدهم رحمة وانسانية اكثر من اي شعب عربي هالاجانب راح يدخلوك تتعلم في مدارسهم واطفالك (من يصيرلك اطفال) يتعالجون في مستشفياتهم مجانا .. هالاجانب وفرولك الامن والامان بعد ان كنت عايش برعب وخوف . هالاجانب راح يعلموك انت تحترم جميع البشر وماتتكلم على اي فئة وما تفرق وتميز بين ابيض واسود مسلم ومسيحي يهودي وعربي وهندي وبنكلاديشي.والسبب انه من كنا اطفال صغار بالمدارس بالدول العربية حكوماتنا علمتنا على معاداة وكراهية بل وحتى تكفير الاجنبي .وأخر شي اكًولك اخي العزيز اني اتكلمت بعصبية وبدم حار لاني ادافع عن الحق وعن هالاجانب اللي تريد تحجي عليهم اصحاب الفضل عليك وعليً وعلى كل عراقي بامريكا . واخيرا الاجانب مااجوي دكًو الباب علينا وكًالونا تعالوا يمنا ... احنا رحنا وطلبنا مساعدتهم..تحياتي الك وين ماتكون وان شالله الايام والسنوات راح تثبتلك صحة كلامي طبعا مو بيوم وليلة راح تتغير النظرة اكيد تحتاج وقت .وشكرا
كل ما ينكتب موضوع ........ النقاش يتحول لغير موضوع !!!!!!!!! عراقيين ماتصيرلكم جارة
المحرر
موضوع: هل صحيح ان العراقيين في امريكا في حال يرثى لها؟ (زيارة 10544 مرات)
