300 دولار غرامة!!!

[Safaa Alkhrkhy]

السلام عليكم..
انتشرت في الاونة الاخيرة وخصوصا بين الجالية العراقية في البوكركي مدينتي الساكن بها ظهور هذه الرسالة فجأة على الكومبيوترات التي يستعملونها وتطالبهم بدفع غرامة 300 دولار لغرض فتح القفل عن كومبيوتراتهم ..
بعظهم قام بدفع الغرامة في الولمارت او غير ستوور وتم رفع الحظر عن كومبيوته والبعض الاخر لم يدفع الغرامة وقام بفرمته الجهاز وتنصيب وندوز جديد ولكنه بعد فترة قليلة تم قفل كومبيوتره من جديد ...
البعض استخدم انواع عديدة من الانترنيت سكيورتي والانتي فايروس بنسخ اصلية محدثة ولكن نفس الرسالة ظهرت لهم وتم اقفال كومبيوترهم بنفس الطريقة مرة ثانية.
الاخوة في امريكا ...ارائكم لطفا


ابو سارة

[غسق العامري]

على كدكم اخوية الشر بره وبعيد
بس اكيد هاي دعوات شخص خير ومؤمن عليكم جماعة البو كركي
من راي تتصل على البروفايدر مال الانترنت وهو يشوفلك الحل وبلاش
مثلا كومكاست او اكسفينتي او كلير واير وماشابه
تقبل تحيتي واحترامي

[Safaa Alkhrkhy]

على كدكم اخوية الشر بره وبعيد
بس اكيد هاي دعوات شخص خير ومؤمن عليكم جماعة البو كركي
من راي تتصل على البروفايدر مال الانترنت وهو يشوفلك الحل وبلاش
مثلا كومكاست او اكسفينتي او كلير واير وماشابه
تقبل تحيتي واحترامي

شكرا اخوية على الدعاء
هذه الصور مو الى حاسبتي
اني الحمد لله لم يصبني هذا الوباء لانه ولاوحدة من هالنقاط اللي شاير الهم موجودة عندي
هذه الصور لكمبيوتر صديق

تحياتي

ابو سارة

[غسق العامري]

هاي من وزارة العدل الامريكية
يعني لازم تندفع الغرامة عن الاختراق اللي تقوم بيه هاي الكومبيوترات
من خلال النسخ الغير اصلية للوندوز او الدخول الى مواقع معينة غير مسموح لها الدخول والله اعلم

[fddd]

السلام عليكم نعم صارت بحاسبتين عدنا بس  احنا مساكنين البو كركى احنا الباسو  والسبب يعود لبناتى يدخلون يباعون مسلسلات عربية بمواقع بيها كوكيز وتنضرب الحاسبة الحاسبة الاولى انضربت وليهسة واكفة تحتاج تنصيب وندو والثانية الحمد الله والشكر جان فاتحين على مو اليوزر الاصلى  فكدر زوجى يلغى اليوزر الثانى ويلغى ويا البلوك  والحمد الله هسة مابيها شى وهسة توبنا ندخل اى موقع انباوع مسلسلات عربية سوى اليوتيوب لانه امن  هاى تجربتى  ولكم جزيل الشكر

[thehumble]

السلام عليكم
 
   اخوان هذا فيروس وهذا الرابط لحل هذه المشكلة
http://malwaretips.com/blogs/department-of-justice-virus/

[steven_siv]

اخي العزيز
سبق وان رديت على هيج موضوع لان احد الاخوة كان منزل هيج شي المهم اني متاكد مليار بالمية ان الفيروس اللي يصيب الحاسبات هو من قبل هاكرز البلقان هاي واحد واللي متاكد بعد منة انه لايتم فتح القفل بدفع الفلوس لان يظل يسحب منك ومينفتح القفل لانه هاكرز وثالثا ميصيبك هذا الشي الا من تفتح porn


تحياتي

[ALBERT.]

أخي الغالي ابو سارة الورد

هذا احد فايروسات هكر البلقان مثل ما اتفضل الاخ steven_siv
وهو يظهر على أشكال متعددة كالصور التي ادرجتها أو بصور اخرى كالشرطة الفيدرالية اقفلت الحاسوب لانك قمت بتنزيل ملفات محمية الملكية...

قبل فترة حدث نفس الامر مع أحد الاصدقاء مع العلم انه يمتلك نسخة انتي فايروس مدفوعة الثمن ومحدثة وهو لايدخل الى مواقع البورن على حد علمي.ولكن احد اقاربه اصلح له المشكلة بدون فرمتة الكومبيوتر.

تقبل تحياتي

[هذا عراقي]

هذا فايروس حبي هم لو يكدرون يغلقون الحاسبات الي بيهة وندوز مو اصلي جان غلقوا كل حاسباتنة

[OK H.K]

up

[مروكي]

ديربالكم شباب ترا الانترنت هناك مراقب من الحكومه الفيدراليه ومو مثل العراق بكيفك تسوي , هناك التحميل الغير شرعي او اذا شي COPY RIGHT  او اتحميل افلام اباحيه اقل من 18 سنه عليهه عقوبات تصل للسجن 5 سنوات ! ديربالكم انتبهوا واتبعوا القوانين وشكرا !

[snoopy]

اخوان هذا فايروس و يسموه Ransomeware يمكن ضرب حاسبتي ٢٠ مرة و حله بسيط جدا :

طفي الحاسبة من زر البور رأسا و افتحهه مرة ثانية
ادخل على ال safe mode و سوي system restore
اكو حل ثاني ممكن تسوي حتى تحمي نفسك استخدم AVG انتي فايروس و spybot سباي وير و سوي immunize قبل لا تتصفح

ستيفن كلامك صحيح ههههه

[كوسوفي]

انا عندي خبرة بهذا الموضوع لقد حدثت هذه المشكلة مع اثنين من اقاربي هنا في تينسي
السبب طبعا فايروس
طريقة عمل هذا الفيروس هو ان هذا الفيروس يقوم بزرع نفسه في برامج الـ start up
او في خدمات النظام
فعندما يقوم المستخدم بالدخول الى الويندوز يبدأ هذا الفيروس عمله لانه الان هو جزء من برامج الـ start up
كيفية القضاء عليه
مثل ما ذكر الاخوة هو الدخول الى Safe Mode ومن ثم ارجاع النظام الى الحالة السابقة باستخدام system restore
الطريقة الثانية و هاي المفضلة عندي هو ان ابحث عن الفيروس داخل القرص الصلب و حذفه و هاي استخدمتها من حليت المشاكل اللي صادفت اقاربي بس هاي شوي ينرادلها خبرة لهذا انصحكم بالطريقة الاولى

اما عن الاخوة اللذين تكلموا عن البرامج الغير مرخصة جزء من الكلام صحيح اذا حملت اي برنامج من خلال برامج التورنت راح يعرفون بس اذا حملتها عن طريق اخر لا الحكومة و لا ابو الحكومة تقدر تعرف هذا الشي

اخوكم كوسوفي

[Lawyer]

ديربالكم شباب ترا الانترنت هناك مراقب من الحكومه الفيدراليه ومو مثل العراق بكيفك تسوي , هناك التحميل الغير شرعي او اذا شي COPY RIGHT  او اتحميل افلام اباحيه اقل من 18 سنه عليهه عقوبات تصل للسجن 5 سنوات ! ديربالكم انتبهوا واتبعوا القوانين وشكرا !

اخي من اين حصلت على هكذا معلومة?
هل سمعت بموقع hulu ?
اعتقد لايوجد امريكي لا يستعمله