اخوان بللة عليكم تقبلون هيجي شغلة !!!! اترجاكم فوتوا

[mrlooseurself]

السلام عليكم جميعا
اخواني واخواتي .. الزعل موجود ومشروع لكل انسان يشعر بغبن او ظلم او حتى اذا شخص يكون ظالمه هم مايقبل
اخواني اخواتي
البارحة دزيت رسالة لشخص بالمنتدى فتت على بروفايله الشخصي وطلبت منه يضيفني على ايميلي الشخصي ودزيتله الايميل .. وجاوبني بعد ان دز ايميله على السكايب لانه حسب ميكول انه ماعنده ياهو مسنجر
لحد الان ماكو شي غلط اعتقد
اليوم حجيت وياه وسألني منو انته وضايفني من هالحجي .. اني اتذكرته لان من ضافني ماحجى وياية بنفس اليوم
كلتله اني مصطفى من منتديات عينكاوة البارحة دزيتلك رسالة وطلبت ايميلك واريد احجي وياك كونك انته اي او ام ونفس قضيتي وقريب للكيس مالتي
دااتصل بي مايك رفضني كلتله ليش !!!؟؟ يكولي تريد ((((( تعلسني )))  اني مترجم مشتغل ويا الامريكان ....وبهالعبارة يااخوان
كلتله اني اشكرك ورحم الله والديك اعلسك شنو !!! شنو هالمصطلح مو عيب تلفظه ..
جان يكولي الله ومحمد وعمر وياك !!!!!!!!!!!!!!!!!!!!!!!
تقبلون هيجي اشياء ياادارة يامنتدى
وين كاعدين احنة بمريدي !!!! لو منتدى وناس مثقفة !! شنو اعلسك تعلسني مو عيب يااخوان اترك الكم الرد واني حفاظا مني على عدم اثارة المشاكل بهالمنتدى الرائع مااحب اذكر اسم بروفايله بس اكول يعني هل يستوجب هيجي يتكلم الواحد ؟؟؟؟
ويستعمل هيجي الفاظ (( اعلسه )) واترك الكم الخيار الاول والاخير وشكرا لدخولكم على موضوعي واعذروني لان والله فوِر دمي

[ألن في بلاد العجائب]

و لذلك اذا متعرفه و لا يعرفك كان من الافضل ان تبقى على الخاص او في الدردشه مال المنتدى افضل الك و اله و بعيده عن الاشكالات

[صالح العزاوي]

اخي انت باين عليك انسان تحب الاختلاط والعشره وانسان واقعي بس اكو ناس مع الاسف مايحبون التعرف ودايما بيخافو من خيالهم ولايحبو الاختلاط انا مثلك تعرفت على عراقيين هنا بالاردن ولكن كلهم لايحبو الاختلاط اني ملفي لسه قيد الدراسه باليو ان لو متحول للاي او ام كان تعرفت عليك واستفاديت منك معلومات وانت تستفاد مني هي الحياه شنو بيها غير التعارف اللله يسهلك

[حامل المسك]

اخي ..مثل ماهو واضح ...بانه وافق على صداقتك بدليل انه اعطاك ايميله الشخصي  ويمكن دخل معك بحوار معيـــــــــــــــــــن

اللي صار بيناتكم شنو ؟  ماندري.

وبعدين هاي شنو شغلة (تعلسني )..يعني مالذي يستطيع ان يفعله انسان ضدك ؟؟؟والله اصبحنا نخاف على انفسنا من كثرة الصراحة

رجاءا ياريت احد يوضحنا نوايا هؤلاء الذين يسمونهم (العلاسة)ومامدى تاثيرهم على (الغافلين)

نورونا الله ينطيكم العافية

[owar79]

افضل تكتب استفساراتك في موضوع هواية احسن والاخوان يجابوك

بس نصيحة من اختك لو اتشيل عبارة الله ومحمد و...... هواية احسن حتى لا ياخذ الموضوع شكل ثاني

[هذا عراقي]

يامعود عيش وشوف عادي طول بالك هو يجوز ابالة شي معين او خايف من ناس وشك انك واحد منهم

مو مشكلة اغاتي واذا تحب نزل موضوعك واستفسارك واحنة اخوتك الي نعرفة مانبخل بي عليك ورد


يارب الفرج على الجميع

[Wingo]

و لذلك اذا متعرفه و لا يعرفك كان من الافضل ان تبقى على الخاص او في الدردشه مال المنتدى افضل الك و اله و بعيده عن الاشكالات

+1

[rainy71]

اخي انت حقك لكن حاول تلتمسله العذر الناس صايرة  تخاف من خيالها لان الي شافوا العراقيين مو قليل.

[The Duke]

اخي العزيز صاحب الموضوع:
رائي الشخصي هو انة هذا الانسان اللي رد عليك هذا الرد من حقة لان اللي شفناة جميعا مو شخص او شخصين لا الكل مو قليل بس كان اسلوبة بلرد مو صحيح ولكن رائي الشخصي هو انة لو كنت مكانك اولا ما اقوم بهيج خطوة وثانيا اتقبل الرد منة ولو صحيح راح ايئذيني بطريقة الرد مالتة .
اما عن اجراءات الكيس مالة او مالك او اي شخص هي نفس الاجراءات للكل اكو تاخير ايصير وي البعض واكو ناس تكمل امورة بوقت قصير واني حاضر الى اي استفسار تريد تستفسر عنة ويا ريت تكتب استفسارك على العام ايكون افضل.

[The Duke]

اخي العزيز صاحب الموضوع:
رائي الشخصي هو انة هذا الانسان اللي رد عليك هذا الرد من حقة لان اللي شفناة جميعا مو شخص او شخصين لا الكل مو قليل بس كان اسلوبة بلرد مو صحيح ولكن رائي الشخصي هو انة لو كنت مكانك اولا ما اقوم بهيج خطوة وثانيا اتقبل الرد منة ولو صحيح راح ايئذيني بطريقة الرد مالتة .
اما عن اجراءات الكيس مالة او مالك او اي شخص هي نفس الاجراءات للكل اكو تاخير ايصير وي البعض واكو ناس تكمل امورة بوقت قصير واني حاضر الى اي استفسار تريد تستفسر عنة ويا ريت تكتب استفسارك على العام ايكون افضل.

[ابو ايمن المياحي]

عيش وشوف

[jack black]

احي انت حقك تنقهر لان نيتك صافيه وتحسست من الرد والشخص الي راسلته هم حقه لان احنه في زمن صعب جداااااا والصار بالعراقيين موقليل واذا عندك استفسار اسئل على العام والاعضاء ميقصر ون وحياك الله

[Awsaws]

والله اخي مثل ما كالو الاخوان الوكت مو خوش وكت وانت ان شاء الله نيتك صافيه وستغربة من ردى الك بس رجاء واذا ممكن جملة على الله وعلى عمر تفتح ابواب وممكن تدخل بناقشات  تفرق ومكروها  يعني لو ما ذاكرها والله يكون احسن
تقبل مروري مع فائق احترامي

[steven_siv]

ولد الحرام مخلوا شي لولد الحلال
واني مع الولد لان العلس صاير لابو موزة وخاصة للي بالعراق
مع احترامي الك مااقصدك

[سيناريو]

عادي قابل كام يفشر مثل بعض الناس

[Blue Falcon]

اخويه حبيبي بعد روحي لعد ليش كلنا داخلين باسماء مستعاره وانته واحد من عدنه غير حتة لا ننعلس

[Writer]

لعد وين اسمك القديم ؟؟؟
على العموم لا تتفاجىء لان اني ما تفاجئت من سويت نفس الشي انت ويايه قبل 8 اشهر
لو ناسي وهسه ضايف مستر للاسم مالتك
اذا بيتك من كزاز لا تشمر الناس بحجار اصلا انت واحد من غير كوكب
وتمنيت ترجع انت تحجي ويايه حتى اراويك الكواكب الباقية بس مشكلتي جنت اني حاجي وياك
ما كدرت اردك وكتها لان يبقى صوجي اني وحدي وبس

الكاتب اذا ناسي

[مهجر وافتخر]

 اخي العزيز احنا هنا بلمنتدى بخدمت كل واحد يحتاج مساعدة انا بلنسبة الي كل شيء احتاجة اكتبة بلعام والكل يجاوب بما استطاع والخاص كذلك يجاوبون باكل روح رياضية
واذكر من الزملاء الي يجاوبون على الخاص الاخ البطل الن في بلاد العجائب
والاخ ابو شمس المحترم
والاخت نور علي والاخ اسطنبولي
والكثير من الاعضاء بلعكس هم متعاونين معانا جدا
فاحتمال انت رحت لشخص مالة علم بموضوع ال اي او ام
وارجع واقول فقط بلمنتدى تحصل على ماتريد فماكو داعي تدخل على الياهو والاسكايبي
واتمنا ان تبعدنا من موضوع الطائفية فنحنو ليس بلعراق نحن بعالم اخر وحلمنا الوصول موالبرازيل مثل مايقول كابتن ماجد
بل حلمنا الوصول الى امريكا
وشكرا

[اجونة]

اخويه اعذره  ماتعرف شنو ظروفه