آخر اخباري اختكم كعدت على الحديده بسبب الشيروكي

[reem90]

مساء الورد ,,,,

تتذكرون من كتبت على الشروكي وشكد كنت فرحانه بيهه ومن عبرت السموك فرحت اكثر

بس شوفو شسوت بية من يوم الي اشتريتهه لليوم ما خلت على حالي حال اهلي دزولي مرتين على 2500 دولار وهسه باقيات خمس لو 6 اوراق منهن

طبعا البانزين كارثه افولهه ب80 وره اسبوع تصير اقل الربع واني ماسوي شي بيهه بس اوصل الجهال للمدرسه يعني مو اكثر من 8 اميال يوميه

وديتهه سويتلهه تجييك عام وطلع بيهه بلاوي

شوفو مصاريفهه طبعا دا اكتب الموضوع حتى لا غيري يتورط نفس ورطتي

1- التسجيل 541$
2-انشورنز 547$
3-باتري    260$
4-روس باتري واشاره 170$
5-تجفيت كير 200$
6-كاليبر بريك350$
7-نواقص كماليه140$
8-تبديل دهن40$ 
المجموع لحد الان 2248$ والحبل ع الجرار

واليوم من شغلت تبريد لاول مره من اشتريتها صارت بيهه رجفه وعلكت جيك انجن والله اليستر شكد تصليحهه

تحياتي للجميع ولتتورطون ورطتي

[slam hawk]

ههههههههههههه الله يساعدج اختي

[y3soob]

الله يساعدج اختي.. فوكاها مو مال تبيعيها لان ذبيتي كومة فلوس على تصليحها

[ابو سماني]

أخــــتي العـــــــزيزة هـــو إلي يشتري سيارة

غير وديــهــا لمصلح يجيكــها والمفروض أكثر من مصلح

ثانيــا مســـألة المسافة إلي قاطعتها السيارة كم ميل المفروض متاخذين أكثر من 100 ميل

تجــــربة مــريرة الله يعيــنك

تقبلي تحياتي
ابو ســماني

[Abdullah2006]

الله يكون بعونك
ماكو مثل السيارات اليابانيه اقتصاديه وماتحب تصليح وماتصرف بانزين بس شتسوين بعد الفاس وكع بالراس

[hamada2]

حتى الحديدة راح اتبيعيهة وتكعدين على الرصيف  


بس اني من قريت الخبر مثل ما كاتبة حظرتك ( تذكرون من كتب على الشروكي )  

كلت الله يستر شبيهم الشروووووكية  

[Sonata*]

الله يعينج

[iraqie]

اختي انتي بيا ولايا وشتو هاي الاسعار مالت التصليح اني بنيو جرسي     

[abn_albld]

الاخت ريم تحية طيبة
اتذكر كلش زين انت جانت عينج على الشيروكي وكلتي ما آخذ غيرها فلازم تتحملين او اتصرفي بيها
ومانكول غير الله يعينج على البليه
ابن البلد

[Awsaws]

الله يعوض احسن منها

[زهرة الصبار]

اي ياريم اكو واحد يروح لامريكا ويشتري راسا شيروكي بس انتي الله يسلمج من الكل كلج لتشترين شيروكي واشتري ياباني كلتي لا الا شيروكي لان عاجبتني الي وهاي النتيجه راح تظلين تصرفين عليها وتستنزفج الى ان تبيعيها  ::)بس يالله ميخالف انشالله هاي اول واخر مشكله تصادفج وفدوة يعني شتسوين انشالله ربج يعوضج
تحياتي

[غــريـبــه!!!]

الله يساعدج اختي

[naseerx5]

اختي العزيزة اولا اني ما الومج لان اني مريض مال شيروكي وموستنك
بس قدر المفروض تجيكين السيارة قل ما تتسرعين بالشراء
اني هم من اشوف حاجة عاجبتني بعد ما اباوع داير مدايري عبالك راح تطير من ايدي
اذا ما اشتريهة راسا, ولكن يبقة التريث هوة افضل اما بخصوص السيارة حاليا رتبيهة واذا ما ترتبت شوفيلهة صرفة بلكي تنباع
تحياتي
اخوج العبيدي

[sniper elite]

الأخت ريم ..
الجيب يا موديل الي اشتريتيهة ..
وشنو اشتريتي شيروكي لو كراند شيروكي ..

[*Ray]

اي ريم اني اعرف قصتج ويه الشيرووكي جنتي كولش حابتهه وتريدهه شلعت قلبج الله يساعدج

                                                       اختج راي / تركيا

[ام اديان]

بيعيها واخذي ستوته اصرف هم تفيدج للجهال ويتونسون بيها وهم تفيدج لنقل الاشياء .بس عدهم ستوته هناك لو ماكو؟

[A.J 47]

حيل هاي بعدج وره الشيروكي هههههههههههه
عمي بيعيها وستري على روحج احسن انوب التبريد كايم يبوووووووو
بويه خيتي بيعيها واخذيلج سياره صغيره افضل

[Emerald]

الله يساعدج حبيبتي بس نصيحة بيعيها لان مدام هيج صارت من البداية هاي تعذبج ومبينة تعبانة متفيد بيعيها والله يعوضج خير ان شاءالله


تحياتي اختج
Emerald من سورية

[الشبح12]

احسن السيارات اليابانية والالمانية وبالمناسبة اني نصحوني من اوصل بحيل الله كلولي اشتري كامري سيارة فول

[ألن في بلاد العجائب]

هاي صاحبها عينه بيها 

[السفر املي]

بيعيها واخذي ستوته اصرف هم تفيدج للجهال ويتونسون بيها وهم تفيدج لنقل الاشياء .بس عدهم ستوته هناك لو ماكو؟

الله يسهل امرج اختي وبيعيها واخذي غيرها هسة انت انجويتي من الشيروكي فاني اشوف لو تشوفين غيرها واعتبريها فترة نقاهة بغير نوعية
والياباني افضل شي وانت مخسرانة شي تكدرين ترجعين عالشيروكي باي وقت بس شوية توكفين على حيلج

[برنسو]

الله يكون بعونج على الشيرووووكي .... السيارة الياباني او الكوري انسب مثل حالتج  بهوااااااااااااااية
انصحج تبيعيهه لان راح تعذبج .. بيعيهه ما دام مصلحتهه جديد

[reem90]

اخوتي وخواتي والله الي يشوفهه يكول بالباكيت وماشيه 60 بس
وصاحبها امريكي اصلي ابيض بلون الطباشير
كلت هاي لكطه تالي هيج
بالنسبه للي سئل بيا ولايه اني كايفورنيا سان هوسيه
والشيروكي نوعهه لاريدو Laredo
اشكركم اخوان واسفه لضيق الوقت ما اكدر ارد على الكل لان يم المصلح هسه اشاقه

[reem90]

وبالنسبه للتجييك صاحبهه مقبل يكول ماكو احد يبيع سياره هنا ويروح للمصلح يجيك تريدين جيكيهه انتي
واني كلش غشيمه وجيرانه اخذته بالاجره كتله عفيه شوف انته طلع اضرب مني ميعرف حتى يفتح بنيد
وعلى نصيحتكم راح اكمل التبريد واعلن عنها فورا قبل متخليني اكعد اعزف بالشارع

[** AL SHAEEA **]

الله يساعدج هاي درس بس الثمن شوي غالي محد يتعلم ابلاش الله يعوض عليج والحمد لله بالفلوس ولا بالنفوس والله كريم وبالتوفيق ان شاء الله

[اساور حمراء]

اختي العزيزة .. ولو اني ما اعرف قصتج وية الشيروكي من البداية .. بس رح اكتبلج هاي الشغلة ولا تضحكين .. لان اني ما اؤمن بهل الخرافات .. بس بشغلة السيارت ترة صدك ..

السيارة من تشتريها لو تريحج لو تعذبج .. وهاي السيارة ما رح تستقر لو تصرفين عليها بعد عشرتالاف دولار هم ماتصفى ..

بيعها واخلصي منها .. نصيحة .. واكيد الجناية مال سيارات يعرفون انو كلامي صحيح وقسم من السيارات سبحان الله عبالك منفوسة هههههههه


تحياتي 

كلام مظبوط 

ان شاء الله تغيرين السيارة وترتاحين

[(COBRA)]

راوسيها ويا  سياره كوريه راس براس .......واسلمي على فليساتج..
 هاي شيروكي منفوسه.............طكوج بعين ههه

[s350thebest]

سوناتا 4 سلندر
لو كامري 4 سلندر
لو كورلا
احسن وماكو دوخة راس ومصرف زايد

[ابو مصطفى 1]

ألسلام علبكم
أختي العزيزة الشيروكي ألاريدو أحسن سيارة ومتحب تصليح بس كود تنظبط , وشوية شوية تتعلميلهة . هسة انتي أرفعي رأس الباتري خمس دقائق ورجعيه راح ينطفي عندك ألجيك أنجن . وبلكت تجر عدل وياج .
وأتمنى لك ألموفقية

[mrlooseurself]

ههههههههههههههههههههههههههههههههه
اني اتذكر موضوعج وقريته بوكتها
خطية والله متستاهلين
بس انتي مالكيتي غير هالموديل من فدوة  اروحلج
دخذي 2011 2012 2013
انتي مشترية مشترية

[reem90]

لا منتظره تنزل 2014

والله يا اخوتي ماعرف شكول بس على حجايتكم راح احاول اراوسهه

[s350thebest]

لا منتظره تنزل 2014

والله يا اخوتي ماعرف شكول بس على حجايتكم راح احاول اراوسهه

1000000000000000000+
خير ما تفعلين  .

[Sensie]

الله يكون بعونج

[ابومريومة]

اختي اخذي ياباني صغيرة وية الشيروكي مثل يارس او مازدا او هوندا وحتى الفولفو زينة وخليها استعمال للبيت وكل ما تشتاقين للورشة جربي تصعدين الشيروكي

وبالتوفيق

[kunda]

هذا كان ردي في موضوعج الاول..

العزيزة ريم .... على التعديل الاخير للموضوع (للاسف) طلعتي خسرانة بهكذا صفقة , بس ان شالله يكون درس للمستقبل تستفادين منة وماتكررين للاخطاء  والاستعجال بالشراء.."
...............................
وهذا الموضوع نفسه

http://www.ankawa.com/forum/index.php/topic,637981.msg5903281.html#msg5903281

[reem90]

اي والله كوندا وحجايتك على بالي فعلا طلع كلامك صح

[~simon~]

اذا ماعندج رغبة بلسيارة بعد

ادخلي للموقع http://sandiego.craigslist.org/
وقارني سيارتج باسعار السيارات الموجوده +

حطي سعر نفس الموجود بس ميزة low miles

وعرضيها وية جم صورة وحطي رقم اتصال واكتبي وقت الاتصال + شوية تفاصيل المميزة عن السيارة

واهم من كلشي السيارة تكون باسمج

و انصحج بهوندا اكورد  ياباني ومريح واقتصادي بعد تجربة