أختي آني بولاية تنسي , والعنصرية موجودة بين الأمريكان نفسهم فكيف بين الغرباء (احنه) وأهل البلد ؟ , لكن اكلج انو العنصرية اهنا يحاسب عليها القانون بشدة , ولهذا مستحيل تضهر على السطح , لكن تبقه داخل النفوس عد بعض الناس. كل ما تكبر المدينة كلما ذابت الإختلافات وزاد التنوع.
الأمان مستواه مختلف من ولاية إلى ولاية , ومن مدينة إلى مدينة , صحيح هناك ولايات بيهه مدن كبيرة مابيهه أمان , مشكن , أتلانتا .... لكن هنا بتنسي , مستوى الأمان من عالي إلى مقبول , ماعدى المدن الجبيرة اللي تكون على اطراف الولاية ومتصلة بولايات ثانية, يكون الأمان بيهه اقل لأن ممر لأياً كان.
الواسطات , اكو نوعين , نوع رسمي , يعني هواية اماكن عمل , تطلب من المتقدم ان يكتب اسماء الأقرباء اللي يشتغلون بالشركة, حته يكون الهم الأولوية , وأكو واسطات العلاقات مع السوبر فايزر , بس حقيقة آني ماشايف , ولاحسيت بيوم من الأيام انو الموضوع , موضوع فلوس , لأن هذه الموضوع خطير جدا امام القانون , وممكن السوبرفايزر يخصر وضيفة العمر ويصير بالحضيض بسبب دليل بسيط على الرشوة.
الواسطات اهنا إذا صارت , فهية مجرد تكريم شخص لخاطر شخص آخر .
