كثر الحديث عن الذين انطوهم موعد سفر وميريد يسافرون

[noor noor noor noor]

من خلال قرائة المواضيع تم ملاحظة انه اكثر من شخص  حصل على موعد سفر ولا يريدالسفر
اخي انت ليش قدمت على هجرة  وتاخذ مكان غيرك الي هم امس الحاجة  الها
اخي انت صغيرون يجيبوك بكلاو ويودوك بكلام
اخي المميه  خلي اهلك يسولكياها واخها وياك
اخي اذا انت متمكن وشغل عندك ومرتاح هنانه شنو الي واساك وقدمت  لو هي بس تقديم عبالك بيها  فلوس
اخي انصحك ان تعتذر من منظمة الهجرة الدولية بصورة صحيحه  علمود لتاثر على غيرك
اخي من وراكم كم واحد  راح يسدون الهجرة
اخي روح الله يوفقك بكل حياتك
اخي انت شلعت قلب كم واحد بالمنتدى وهسه ديكفرون من وراك
وشكرا الك

[المهندس الزورائي]

حبيبي نور .. اني تناقشت مع شخص طلعله سفر ورفضه .. كتله ليش ؟ كال لان كنت متوقع باي لحظة يسفروني من البلد اللي اني عايش بي ( بلد خليجي ) لكن هسه الظروف تغيرت نحو الاحسن والاوضاع استقرت .. فطلبت منه يوضح للمنظمة سبب الرفض حتى ما يأثر على الباقين وفعلا وضحلهم السبب .. يجوز هذي حالة نادرة بس اني كنت شاهد عليها .. تقبل تحياتي اخوية العزيز

[noor noor noor noor]

حبيبي نور .. اني تناقشت مع شخص طلعله سفر ورفضه .. كتله ليش ؟ كال لان كنت متوقع باي لحظة يسفروني من البلد اللي اني عايش بي ( بلد خليجي ) لكن هسه الظروف تغيرت نحو الاحسن والاوضاع استقرت .. فطلبت منه يوضح للمنظمة سبب الرفض حتى ما يأثر على الباقين وفعلا وضحلهم السبب .. يجوز هذي حالة نادرة بس اني كنت شاهد عليها .. تقبل تحياتي اخوية العزيز

والله يا اخي  المهندس عين الصواب ما نصحت وفعلت يعني ارتاحيت من سمعت تعليقك   لو كل واحد ميريد يسافر    يسوي هيج ويبلغ المنظمة انه المساعدات والعمل وينطي اسباب مقنعه  حتى همة يسوون الاشياء الي فيها مصلحة المسافر
بس مو يكلهم اني هنانه مرتاح وبيتي وسيارتي وشغلي ووظيفتي   هذا راح ينطي تاثير سلبي على العراقيين ككل  وراح تقتنع المنظمة انه العراقيين مرفهين وممحتاجين الى هجرة او مساعدة
وانطيك مثال عندي صديق سافر الى امريكا وهسه يريد يرجع  كتله ليش تريد ترجع يكلي اني وحدي هنانه وما عندي اهل  ودا احس بالغربة وهنانه جنت في بغداد اشتغل  وراتبي 18 ورقة وبيتي وسيارتي 
اني راسا جاوبتة وقاطعتة كتله عندك شغل جان 18 ورقة  وبيتك ملك ومرتاح هنانه شجابك على السفر   وليش سافرت يكلي مو شفت العالم كلها تسافر يعني ليس بحاجة للسفر وشكرا لمرورك

[slam hawk]

هيج مودة واحد يعجبة يغير عقول مشوشة

اشكرك على الموضوع

[وطن المغتربين]

تحية و أحترام ............... اخوان شنو القصة اليوم كل المواضيع عن الي طلعلهم سفر وميريدون يسافرون معقولة من صار تساهل بموضوع السفر البعض صار يتحجج ويتعذر وميريد يسافر ؟؟؟؟


أخوك المهندس
وطن المغتربين

[noor noor noor noor]

والله ياخويه يا وطن  هذا يثبت ان كثير  من المقدمين على الهجرة هم  لا يريدون السفر  فقط تقديم  والسلام   واني اعرف  شخص خابرو على موعد سفر ومراح   وخابرو وره شهر هم جددوله موعد سفر يكلي  ظربتهم بوري  ومرحت   ويتفاخر 

[المجازف]

السلام عليكم ... اني بس اريد افتهم هذا الشخص الي امقدم على لجوء ويطلعله السفر ويرفضه ليييييييييش وليش قدم اصلا بس حتى ياخذ مكان غيره بالسفر وبعدين من اصير صدك يكول لا ما اسافر وما اروح ادري ليش موحرام حتى الله ميقبله تاخذ فرصه ناس او عائله غيرك تلكاهم يخافون من خيالهم من كثرة التهديدات ومن الرعب الي عايشين بي ومشمرين يوميه ابيت ومنهزمين وحال الظيم حالهم والله حرام .واني شخصيا ومن هذا المنبر الرائع في منتدى عنكاوه الجميل والراقي ادعو كل مواطن شريف وصاحب غيرة ومقدم على السفر وميريد يطلع خلي يبلغ المنظمه حتى لا ياثر على غير و لاياخرهم وهمه في امس الحاجه للسفر وتحياتي لكم وللمنتدى واصحابه الكرام ...

[هذا عراقي]

هو وينة اسفر مو ادمرت حياتنة ولو ميتين بمفخخة لو اي نوع قتل ولاحكين احبابنة احسن ما باقين هنا ولا احنة مسافرين ولا احنة الكادرين نعيش هنا

[أبو توفي]

السلام عليكم ورحمة الله وبركاته

الاخ العزيز نور (( أس أربعة )) عاشت أيدك على هذا الموضوع ولكن يا أخي أصبح الكلام بلا جدوى ....ما أحترامي العالي لجميع أهلنا لا أعرف يمكن البعض منا يتعامل بهذا الموضوع من باب الغيره لماذا فولان سافر وانا باقي هنا وطبعاً هذا الكلام ينطبق على جميع الذين يعيشون مترفهين أو بتعبير أصبح متكيفين على الوضع العراقي ...نحن نعلم ان البلد في وضع لا يحسد عليه والعيش بمثل الظرف الذي يمر به البلد أصبح من المستحيل لان العراقيين أصبحو مهددين بالانقراض لان المقابل يرونهم ومع احترامي وتقديري لاهل بلدي يجب ان ينقرضوا ...ارجع الى صلب الموضوع للاخ الغالي نور .... الذي يعرف نفسه لا يستطيع ان يفارق حضن امه فلا يزاحم على الاخرين والذي لديه راتب ومكانه مرموقه في نظره مع الذين موجودين الان على الساحة العراقية فلا يزاحم الاخرين والذي عنده الغيره من الاخرين عالية وأذانه مفتوحة لام الجهال بكل وارده وشارده فلا يزاحم الاخرين علماً هم سوف يكشفون عن خفاياهم عاجلاً أم آجلاً ...فليس من المستحيل ان البلد سوف يفرغ والا هذه الحكومه لماذا موجودة يجب ان يكون هناك شعب حتى تستطيع ان تحكمه ولكي تبقى على الوجود والا يصبح وجود الحكومه غير مسوغ ويجب ان تزال والذين يجب ان تحكمهم هم هؤلاء الذين يزاحمون الناس على مقدراتهم ..فيا حبذا لو يفكرو قبل ان يقدموا على السفر والتقديم ...وفي الختام أحب أن أذكر جميع أخوتي وأخواتي (( حب لأخيك كما أن تحب لنفسك ))
مع أحترامي وحبي العالي لجميع أهلنا في العراق




            أخوك أبو توفي

[hardihardi]

هذول اناس انانيين سمعت قبل وصولي لولاية تنسي
ان كانت اكو عائلة من سليماني وصلو وظلو بحدود 5 شهور اكثر اقل ماعرف بالضبط
المهم نفس الحالة شعروا بالغربة فرجعوا
طبعا هذول يؤثرون سلبا على بقية اللاجئين
وطبعا كيفية سير الملفات ايضا راح تتاثر
وطبعا لان كلها فلوس من الاتصال الى الطيارة الى المسكن
وبعدين ترجع وهاي هي الكارثة الكبرى

[★★★ AIRBORNE ★★★]

مع أحترامي لصاحب الموضوع والاعزاء المشاركين الاخرين أعتقد ان الجماعة انطيتوهم اكبر من حجمهم وعبالك هذه المواضيع وما هي الا دعاية الهم فياأخوان يأاخوات اتركوهم سافروا ماسافروا كلمن حر بحاله والي عنده ظرف الله يعينه والي ماعنده ظرف جبره للبقاء وجان يلعب مالنكول الا الله يسامحه
تحياتي