مشاركات ومواضيع الاعضاء كلش قليله بعد تحديث المنتدى

[ammar.a.h]

هلو شباب
هذا المنتدى اكثر من رائع واتعودنه عليه كلش هوايه ونتواصل ونشوف ملفاتنه وين وصلت ونسمع اخبار المنظمه والله يصبرنه على الانتضار لان الانتضار كلش صعب دا احس اليوم بسنه
بس اكو حاله غريبه صارت وره مصار تطوير على المنتدى اشو اغلب الاعضاء اختفو وصارت المشاركات كلش قليله عبالك كل الااعضاء سافرو لو بطلو من الدخول او ملو من الانتضار 
اني كنت باليوم الواحد افتح المنتدى الصبح ساعه والضهر ساعه وبالليل ساعه وما الحك على المواضيع والاخبار 
هسه صارت الردود والمواضيع كلش قليل بالنسبه للسابق 
ارجو من كل الاعضاء التواصل مثل قبل والله يصبرنه وان شاء الله السفر للجميع

[العراقي11]

حبيب البي عمار بالقرأن حتخبل عبالك اني ابحدي بالملعب ودألعب ويه روحي طوبه يأخي ازور المواضيع القديمه اضل صافن وين الأعضاء راحو ؟يابه اذا سافروا الف مليون ترليون مبروك وأذا هنانه وينهم شنو القصه شنو الفلم مأدري يأخي جان المنتدى بيتي الأول هسه داحس بيه صار بيت ايتام؟ العراقي11

[علي ابوالحسن]

اهلا وسهلا اخي الحببيب والله اخي موصوج الاعضاء صوج المنتدى بعد التطوير انلاصت علينه واكو اعضاء ماكدرو يفتحون حساباتهم لهذا قررو مايدخلون بعد على المنتدى بس يقرون المواضيع اخوك الرجل العراقي سابقا علي ابوالحسن حاليا

[العراقي11]

اخي العزيز اني وياك كلنه طبينه وسجلنه من جديد خو اني غيرت اسمي والباسوورد والأيميل ودخلت المهم المشاركه بس الاخوان الباقين وينهم يأخي جنت اسأل سؤال احير ياجواب اختار هسه نزلت موضوع صار يومين ومحد جاوبني فكمت اني اطي الجواب الروحي خخخخخخخخخخخخ . العراقي11( العراقي1 سابقا)

[ammar.a.h]

هلو اخوان هسه الشكل مال منتدى شله علاقه
همه الاعضاء والمشاركات صارت كلش قليله
مفروض من الاعضاء يبقون يدخلون ويشاركون

وحتى لو الحسابات مالتهم متفتح يكدر يسوي من جديد

[lion salam]

والله صحيح هالكلام ماكو مشاركات ولا مواضيع بس هم قبل جان اسهل الموقع متضطر كل شويه ادخل اسمك والباسوورد هو مفتوح واصلا هسه من تشارك بموضوع او تنزل موضوع متعرف منين اتابعه واني وهوايه أعضاء اشتكو من هالشي والإدارة مدتحلهه لا الشكل القديم جان كلش اسهل 

[ورد الصباح]

صحيح والردود لا أحد يرد على المواضيع والأسئلة 

[movetoo]

من تحدث الموقع لليوم  مدري شبي راح انجن

 ادري الموقع كله وردي واحمر وبنكي عيوني صارنه جقل  

[المهندس الزورائي]

اكثر من مرة ذكرنا .. توجد صعوبات كثيرة بالشكل الجديد للمنتدى ... ناس متكدر تدخل تعلق .. ناس لازم ادخل الباس وورد اكثر من مرة ! ناس ما تفهم التغييرات اللي صارت ! ومع ذلك ادارة المنتدى مدا تساعد بحل الموضوع ! وطبها هذي النتيجة .. تناقص المشاركات يوم بعد يوم !

[العراقي11]

السلام عليكم أخوان سباق المليون ميل يبدأ بخطوه صبرا صبرا أن الله مع الصابرين

[ammar.a.h]

هلو شباب

الحمد لله بدت المشاركات تزيد شويه الحمد لله وان شاء الله كل يوم يزيد عدد المشاركات

[lion salam]

يا يابه همزين واني أكول شو اكتب براحتي أقارب نوع الخط تعدل والله الله يبارك بيكم على التعديلات اييي هسه تمام شكرًا جزيلا للإدارة الموقره