وَرْد الربـيـع
ميسون نعيم الرومي
ورد الربيع ايميل للفات من يـَـمـَّـه
شمس تشرق .. لوضحك يا سنـَّـه
ابـْـ نـَـثــْر اوشـِـعر ! من يحچي يتدلع
قـِـدّاح او ورد ! معجون بالحنـَّه
***
شـعراسود على المتنين وامحنه
چـَـن ليل اوغفه ! باهه ابسحرحِسنه
متغاوي غـوه .. واعيونه ذبلانات
رِقـَّه اوتـرافه واسحـر هالمنه
***
يا نسمة صبح يـبـن بغـداد يمدلل
بخدوده نهـَـر .. من كوثــَر الجـَّـنه
على شاطي النهر والإيد تحضن إيد
بسـنـيـن العمر احـنـَه تواعـدنـَه
***
اسيوف اوتـِـرامي العـيـن واويلاه
هاليخـْـزر خـَـزر واتعـدَّه من يـمنه
يالتمشي ابـدلع مغرور يـمـدلل
لا چن ربينه سوه اولاچن تعاهدنه
***
شن هالحلاوه البيك يالأســمر
يابن العراق الحلو ياطير من جنه
يا مـيـَّة هـَـله بالمار من يـمنه
قداح اوتناثر لو ضحك سـنه
----------------------------------------------
25 / تشرين الثاني /2023
ســــــــــــــــتوكهولم
