ضفور بسنين العمر
ميسون نعيم الرومي
بعيونك الحلوه بحر
غابات واشجار اوصور
والنظره البعينه دفو
لو صوبت .. رشة مطر
***
نجمات تتغامز فرح
بالشفه لو گالت شعر
البحه البصوته غوه
واحروف تتناثر عطر
***
شعاع الشمس لو يمر
والوجه چن فلعة گمر
الرصعه البخده ضوه
بالحنه معجون الشعر
***
امنمنم او كلش ترف
وابرقته ورد او زهـر
ردت اوصفه حار الوصف
وابشـوفـته يغشي البصر
***
مر ابعجل مثل الحلم
جيت اگربت صد او نفر
عنوانه ضاع .. اسـألت؟
مضفور بسنين العمر
-----------------------------------
ســـــــــــــــــــتوكهولم
