ܦܣܘܥܬܐ ܠܒܼܝܒܼܬܵܐ الخطوة الجريئة

[بولص دنخـا]

 
ܦܣܘܥܬܐ ܠܒܼܝܒܼܬܐ
                  1
ܦܘܠܘܣ ܕܢܚܐ ـ ܥܝܪܩ

ܐܝܼܕܵܐ ܓܵܘ ܐܝܼܕܵܐ ܐܲܚܘܿܢܵܐ ܘܚܵܬܼܵܐ
ܐܝܼܕܵܐ ܓܵܘ ܐܝܼܕܵܐ ܓܲܒܼܪܵܐ ܥܲܡ ܒܲܟܼܬܵܐ
ܐܝܼܕܵܐ ܓܵܘ ܐܝܼܕܵܐ ܥܠܲܝܡܹ̈ܐ ܘܥܠܲܝܡܵܬܹ̈ܐ
ܟܘܿܠܲܢ ܥܵܡ ܚܕܵܕܹܐ ܡܫܵܢܲܚ ܦܵܣܘܿܥܬܵܐ
ܡܠܝܼܬܵܐ ܠܒܼܝܒܼܘܼܬܵܐ ܒܚܲܩܠܵܐ ܕܡܲܪܕܘܬܼܵܐ
ܘܚܹܐܪܘܬܵܐ ܕܐܘܼܡܬܵܐ.

ܟܘܿܠܲܢ ܥܲܡ ܚܕܵܕܹܐ ܡܫܵܢܲܚ ܦܵܣܘܿܥܬܵܐ
ܟܘܿܠܲܢ ܒܚܲܕ݇ ܚܘܼܒܵܐ
ܟܘܿܠܲܢ ܒܚܲܕ݇ ܩܵܠܵܐ
ܦܵܪܣܲܚ ܚܘܼܝܵܕܲܢ ܒܦܸܢܝܵـܬܹ̈ܐ ܕܬܹܒܼܝܠ
ܘܡܲܟܠܲܚ ܐܵܢܝ݇ ܠܲܦܹ̈ܐ ܟܘܿܡܹ̈ܐ ܘܨܵܘܵܢܹ̈ܐ
ܕܐܲܡܝܼܢ ܚܲܪܕܘܼܝܹܐ ܥܲܠ ܩܕܵܠܵܐ ܕܫܲܒܼܪܹ̈ܐ
ܡܥܲܠ ܙܲܒܼܢܹ̈ܐ ܘܕܵܪܹ̈ܐ.

ܡܲܟܠܲܚ ܠܐܵܢܝ݇ ܠܲܦܹ̈ܐ ܕܛܠܘܿܡܝܵܐ ܕܫܹܐܕܵܢܹ̈ܐ
ܕܕܪܵܝܲܢ ܒܐܘܼܪ̈ܚܵܬܹܐ ܕܠܲܝܬ ܠܗܘܿܢ ܫܘܼܪ̈ܵܝܹܐ
ܘܪܲܦܘܼܝܲܢ ܒܥܘܼܡܩܹ̈ܐ ܕܐܲܪ̈ܥܹܐ ܢܘܼܟܼܪ̈ܵܝܹܐ
ܒܐܲܪܥܵܐ ܕܒܥܝܼܪ̈ܵܝܹܐ ܘܐܵܢܝ݇ ܟܲܠܒܹ̈ܐ ܣܪ̈ܝܼܚܹܐ
ܘܐ݇ܢܵܫܹ̈ܐ ܫܘܼܠܚܵـܝܹ̈ܐ.

ܪܲܦܘܼܝܲܢ ܒܐܲܪ̈ܥܹܐ ܕܐܵܢܝ݇ ܒܲܪܸܒܪ̈ܵܝܹܐ
ܒܹܐܟܼܵـܠܵܐ ܡܒܸܣܪܲܢ ܘܐܲܚܢܲܢ ܟܲܕ ܚܵܝܹܐ
ܚܪܵܙܵܐ ܥܲܠ ܒܢܘܼܢܲܢ ܒܫܵܒܘܼܬܹ̈ܐ ܕܢܚܵܫܵܐ
ܦܝܵܫܵܐ ܡܣܘܼܡܸܢܵܐ ܗ̇ܘ ܦܲܓܼܪܲܢ ܦܝܵܫܵܐ
ܘܥܲܠ ܙܲܒܼܢܹ̈ܐ ܘܕܵܪܹ̈ܐ ܥܲܠ ܪܘܼܚܲܢ ܕܝܵـܫܵܐ.