إنتي حال و آني حال وحبنا في حكم المحال
أنا جيت أهديج ورده شفت بيتج كـرستال
إستحيت ودرت وجهي رحت..صحتيني :تعال
أنا وين وإنتي وين ماكو بيها أي مجال..
إنتي مثل الشمس تزهي وآني عايش بالظلال
ألتقي ويه اصدقائي بغرفه أضيق من سؤال
المحبه شمس بيتي والفقر دائي العُضال
ورغم إنتي حلم روحي بس حلم صعب المنال
إنتي موبس وحده حلوه إنتي دنيا وكرنفال..
..وبطريق الصدفه مره بصدفه ما تخطر ببال
بعيني شفتج ويه غيري ثري إلحد الإبتذال
إيده جانت على إيدج وإبتسمتي وهو كال:
راح أزرع لـج جنائن ترتوي بماء الزلال
والورد ما إله قيمه بالذهب نملي السلال
وقبل ميكمل كلامه وقبل ما أفهم إشكال
رحت لاتفكير عندي ولادمع بالعين سال...
..الوردة ذبلت بين إديه وموسم الآلام طال
وخايف أذبل ويه روحي إبلا حبيبه ولا وصال
وخايف الأيام تمضي وكفي قابض عالرمال
أنا جيت أهديج وردة ورده يابنت الحلال
شفت موسمكم لآلئ تعمي عين الإحتمال
وشفتج تروحين مني وآني رايح بالخيال....