ܚܘܝܕܐ ܝܠܗ̇ ܘܠܝܬܐ ܩܕܝܫܬܐ
ܟܠ ܐܘܡܬܢܝܐ ܫܪܝܪܐ ܕܐܢ ܝܠܗ ܒܦܠܚܐ ܓܘ ܫܘܬܐܣ̈ܐ ܦܘܠܝܛܝܩܝ̈ܐ، ܡܪ̈ܕܘܬܢܝܐ ܝܢ ܥܕܬܢܝ̈ܐ ܟܐ ܦܪܡܐ ܘܣܟܠ ܕܠܐ ܚܘܝܕܐ ܓܡܝܪܐ ܒܐܘܪܚܐ ܕܦܠܚܢܐ ܠܐ ܡܨܚ ܣܟܿ ܝܢ ܗܝܟ̃ ܡܛܚ ܠܢܝܫܢ ܐܘܡܬܢܝܐ ܘܠܐ ܠܡܪܘܡܐ ܨܒܼܘܬܢ ܐܘܡܬܢܝܬܐ ܕܡܨܚ ܠܫܩܠܐ ܙܕܩ̈ܢ ܢܡܘܣܝ̈ܐ ܒܐܪܥܢ ܩܕܝܫܬܐ ܓܘ ܒܝܬܢܗܪ̈ܝܢ.
ܓܘ ܕܐܢ̈ܐ ܢܩܝܦܘܬ̈ܐ ܘܐܝܟܢܘܬ̈ܐ ܕܩܐܡ ܒܘܫ ܐܠܨܝܬܐ ܝܠܗ̇ ܠܐܗܐ ܚܘܝܕܐ. ܘܐܝܡܢ ܕܒܐܡܪܐ ܝܘܢ ܚܘܝܕܐ ܣܘܟܠܝ ܝܠܗ ܚܘܝܕܐ ܠܐܘܪܚܐ ܕܦܠܚܢܐ ܡܛܠ ܢܝܫܢ ܩܢܛܪܘܢܝܐ ܘܐܗܐ ܚܘܝܕܐ ܕܦܠܚܢܐ ܡܨܢ ܩܢܛܪܢܢܐ ܓܘ ܢܘܩܙ̈ܐ ܕܒܐܬܝܐ ܝܢܐ:
1. ܟܠܝ ܫܘܬܐܣ̈ܢ ܦܘܠܝܛܝܩܝ̈ܐ، ܡܪ̈ܕܘܬܢܝܐ ܥܕܬܢܝ̈ܐ، ܐܡܢܝ̈ܐ ܘܐܚܪܢܐ ܘܠܝܬܐ ܝܠܗ̇ ܥܠܝ ܕܡܚܙܝ ܒܩܪܝܚܘܬܐ ܠܒܥܘܝܬ̈ܢ ܘܬܚܡܢܝܬ̈ܝ ܥܠ ܐܝܬܘܬܢ ܐܘܡܬܢܝܬܐ.
2. ܦܣܩܬܐ ܠܡܫܡܘܗ̈ܐ ܕܦܢܝܬܐ ܕܚܝ̈ܐ ܝܢܐ ܓܘܗ̇ ܒܘܫܝܘܬܐ ܕܒܢ̈ܝ ܐܘܡܬ ܡ̣ܢ ܫܢ݇ܬܐ ܕ1930ܡ ܒܐܗܐ ܨܘܪܬܐ ܡܨܚ ܩܪܚ ܠܥܡܢ ܒܫܡܐ ܕܗ̇ـܝ ܦܢܝܬܐ ܘܫܡܢ̈ܐ ܐܘܡܬܢܝ̈ܐ ܕܦܝܫܐ ܝܘܚ ܡܫܘܡܗ̈ܐ ܒܝܝܗܝ ܫܒܼܩܚܠܗܘܢ ܠܡܐܙܠܬܐ ܕܡܬܛܘܪܢܘܬܐ ܟܢܘܫܝܝܬܐ ܓܘ ܐܪܥܢ ܝܡܝܬܐ ܩܐ ܛܘܦ̮ܣܐ ܟܐ ܩܪܝܠܗ̇ ܓܢ̈ܝ ܣܓܝ ܡܢܢ ܐܬܘܪ̈ܝܐ ܐܡܪܝܟܝܐ، ܟܠܕܝܝ̈ܐ ܐܡܪ̈ܝܟܝܐ ܝܢ ܣܘܪ̈ܝܝܐ ܐܡܪ̈ܝܟܝܐ ܘܗܕܟܼܐ ܐܦ ܓܘ ܐܬܪ̈ܘܬܐ ܐܚܪܢܐ.
3. ܒܪܝܬܐ ܕܚܕ݇ ܡܘܬܒܼܐ ܐܘܡܬܢܝܐ ܥܠܝܐ ܘܫܘܬܦܬܐ ܕܟܠܝ ܩܝܘܡ̈ܐ ܕܫܘܬܐܣ̈ܐ ܦܘܠܝܛܝܩܝ̈ܐ، ܡܪ̈ܕܘܬܢܝܐ، ܥܕܬܢܝ̈ܐ، ܐܡܢܝ̈ܐ ܘܦܪ̈ܨܘܦܐ ܫܪ̈ܝܐ ܕܗܘܐ ܗ̇ܘ ܚܕ ܩܢܛܪܘܢ ܩܐ ܦܘܣܩܢ̈ܐ ܓܘܢܝ̈ܐ ܥܠܝ̈ܐ ܒܚܩܠܐ ܕܡܫܬܐܠܢܘܬܐ ܐܘܡܬܢܝܬܐ.
4. ܫܚܠܦܬܐ ܠܐܘܪ̈ܚܬܐ ܕܦܠܚܢܐ ܘܛܟܼܣ̈ܐ ܓܘܝ̈ܐ ܕܓܒ̈ܢ ܕܡܕܒܼܩܝ ܥܡ ܡܫܩܠܐ ܕܝܡܘܩܪܛܝܐ ܕܩܐܡ ܒܐܗܐ ܨܘܪܬܐ ܒܕ ܦܪܩܚ ܡ̣ܢ ܦܪܝܬܐ ܘܣܓܝܘܬܐ ܕܫܘܬܐܣ̈ܐ ܓܘ ܒܢ̈ܝ ܐܘܡܬܢ.
ܒܫܘܠܡܐ ܡܨܢ ܐܡܪܢ ܐܚܟ̰ܝ ܒܝܕ ܚܘܝܕܢ ܓܡܝܪܐ ܡܨܚ ܗܘܚ ܚܐܪܐ ܘܡܪܐ ܠܝܪܬܘܬܢ ܐܘܡܬܢܝܬܐ ܕܦܫܬܐ ܝܠܗ̇ ܬܚܘܬ ܐܝܕ̈ܐ ܕܢܘܟܼܪ̈ܝܐ.[/font][/size]
