عشك عينك بحر وكليبي غركان .. بسفينة حبك خليني سفان .. يمن حبك يطك بالروح بركان .. صرت بيك محبوبي ولهان .. اظل ابرد حبيبي وعيش دفيان .. ولا اكدر اشوفك يوم زعلان .. ولون كتلي تراني اعجزت تعبان .. بلياك ما يسوى التعب يفلان .. انه لعيناك عايش ليلي سهران .. وانه البيك قبلت يهواي سجان .. الك فدوه العمر محبوبي خلصان .. الجسم مبني شحلاته الطول فتان .. حبيبي بنظرتك هالصرت سكران .. ابد ما تيهت واعرف العنوان .. العمر صحراء صار ورمل عطشان .. العسل بشفايفك وكليبي حيران .. الكلام اجمل ما ينعزف عاللسان .. جمالك ما يرسمه بقلم فنان .. تلوك عليك كل اشكال والوان .. ملاك من السما وبصورة انسان .. واذا حجيي غلط كلي انت غلطان .. حبيبي انته وتظل للدوم ديان .. الك مفتوحة وسط الكلب بيبان .. صرت هاليوم ولله شكثر خجلان .. لأن بالراس بين اثرشيبان .. انه النار وصرت بهواك دخان .. ويمن تسأل عليه وموتي اشو حان .........
ابن العراق
