ܡܘ݂ܩܪܵܒ݂ܬܵܐ ܬܵܐ ܒܪܘܿܢܵܐ ܕܐܲܚܿܘܿܢܝ݂
ܐܲܝ݂ܡܲܢ ܐܲܝ݂ܘ݂ܒ ܐܘܿܓ݂ܲܢܵܐ ، ܠܦܘ݂ܪܣܵܐ ܕܩܢܸܐܬ݂ܸܗ
ܠܕܲܪܓ݂ܵܐ ܕܡܵܓ̮ܣܬܝ݂ܪ ܒܓܘܿ ܓܠܝ݂ܘܿܢܵܪܘ݂ܬ݂ܵܐ ܡܢ ܒܪܝ݂ܛܵܢܝ݂ܵܐ
ܓ̮ܘܿܪܓ̮ ܥܝ݂ܣܵܐ ܐܘܿܓ݂ܲܢܵܐ
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
ܥܲܢܟܵܒ݂ܵܐ ܝ݂ܡܵܐ ܘ݂ܝ݂ܵܡܵܐ ܕܡܲܪܕܘ݂ܬ݂ܵܐ
ــــــــــــــــــــــــــــــــــــــــ
ܛܘ݂ܒ݂ܵܐ ܥܠܲܟ݂ܝ ܥܲܡܟܘܿ ( ܥܲܢܟܵܒ݂ܵܐ ) ܒܪܝ݂ܟ݂ܬܵܐ ܕܟܲܠܕܵܢܵܝ݂ܸܐ
ܡܹܢ ܫܘ݂ܪܵܝ݂ܵܐ ܗܘܲܬܗ݉ܘ݂ܵܐ ܝ݂ܡܵܐ ܕܐܹܣܟܘܿܠܵܝ݂ܸܐ
ܒܓܵܘ݂ܲܟ݂ܝ ܩܹܡܠܲܝ݂ ܐܲܢ ܡܲܠܦܵܢܸܐ ܘܐܲܢ ܩܲܪܵܝ݂ܸܐ
ܕܠܲܬܲܝ݂ ܕܘ݂ܡܝ݂ܵܐ ܒܸܝ݂ܢܹܬ ܥܲܡܵܐ ܕܥܝ݂ܪܵܩܵܝ݂ܸܐ
ܒܓܵܘܲܟ݂ܝ ܩܹܡܠܲܝ݂ ܟܲܗܢܸܐ ܡܝ݂ܘ݂ܩܪܸܐ ܥܸܕܬܵܢܵܝ݂ܸܐ
ܬܵܐ ܬܫܡܹܫܬܵܐ ܕܐ݉ܪܵܙܸܐ ܕܥܸܕܬܵܐ ܐܲܠܵܗܵܝ݂ܸܐ
ܚܿܘܿܬ݂ܕ ܩܲܦܠܲܟ݂ܝ ܪܒ݂ܸܝ݂ܠܲܝ݂ ܟܠܲܝ݂ ܐܲܢ ܥܲܠܡܵܝ݂ܸܐ
ܘܐܲܢ ܟܲܬ݂ܵܒ݂ܸܐ ܕܡܲܚܪܸܐ ܛܵܒ݂ܸܐ ܐܘ݂ܡܬ݂ܵܢܵܝ݂ܸܐ
ܐܹܕܝ݂ܘ݂ܡ݉ ܝܲܘ݂ܡܵܐ ܐܝ݂ܬ݂ܸܝ݂ܠܲܝ݂ ܠܓܸܝ݂ܒܲܟ݂ܝ ܐܲܢ ܡܫܝ݂ܚܵܝ݂ܸܐ
ܡܹܢ ܟܲܠܕܵܝ݂ܸܐ ܘ݂ܡܹܢ ܣܘ݂ܪܝ݂ܵܝ݂ܸܐ ܘ݂ܐܵܬ݂ܘܿܪܵܝ݂ܸܐ
ܡܒܲܕܲܠ ܝ݂ܵܠܲܕ݉ܟ݂ܝ ܦܪܝ݂ܣܸܐ ܒܥܲܠܡܵܐ ܡܘ݂ܟ ܢܹܟ݂ܪܵܝ݂ܸܐ
ܗܲܡ ܐܹܢ ܕܝ݂ܠܲܝ݂ ܚܿܕ݂ܵܐ ܫܘ݂ܗܵܪܵܐ ܕܡܲܥܹܪܒ݂ܵܝ݂ܸܐ
ܐ݉ܚܿܘ݂ܵܬ݂ܕ ܐܲܝ݂ܡܲܢ ܕܒܸܝ݂ܬ݂ ܐܘܿܓ݂ܲܢܵܐ ܕܥܲܢܟܵܒ݂ܵܝ݂ܸܐ
ܘ݂ܚܿܢܸܐ ܐ݉ܚܿܘ݂ܵܬ݂ܸܗ ܕܝ݂ܠܲܝ݂ ܡܹܛܝ݂ܸܐ ܠܕܲܪܓ݂ܸܐ ܥܠܵܝ݂ܸܐ
ܩܒܘܿܠ ܡܹܢ ܒܪܘܿܢܵܟ݂ܝ ܓ̮ܘܿܪܓ̮ ܐܘܿܓ݂ܲܢܵܐ ܟܠ ܗܘ݂ܢܵܝ݂ܸܐ
ܠܐܲܕ ܫܵܒ݂ܘܿܥܵܐ ܕܟܠ ܡܲܪܕܘ݂ܵܬ݂ܵܐ ܓܢܣܵܢܵܝ݂ܸܐ
