هنيالي على من وگعت بين ايديها
طردَت كل الناس وخلَتني حواليها
حطيت رأسي وغَمضت عيوني وبلَذة الدنيا حَسّيت
على صدر أحن منّه بالكون مالگيت
هاي عُمري ونَبع الفَرح وبهاي اللحظة أرتاحيت
هاي حُبي ونَسمَة عُمر وبگلبي أسمها ضَميت
لايوم ولالحظة هَمّي للعالم شكّيت
ولاعلى مَخلوق ولا بَشر آمالي حَطيت
فرحان والدمع بعيوني
ولو ماعاشگها چان الكل لاموني
عيونها بحر وآني سمچَة حُب اغوص بيها
أسبَح غميج ولو أغرَگ أتعَلگ بيها
مسحَت أسمها وكْتَبتْ على الگلب سُعاد
وخلت وراها الدنيا وگالت هذا من الله ميعاد
بْچَت من الفرح وگالت سَهر الليل ماينراد
وطلبت من الله لا الدمع ولا العذاب ينعاد
رگصَت بالعرس وغَنّت للفرح نَصيب
وشربَت من الخَمر وسكرَت باحضان الحبيب
غنت على العود بلا أوتار
ونسجَت من الخُصَل ألحان الوِقار
ماابدلها بكنوز الدنيا
ولابعروش ملوك الأرض
ولااساويها بالمرجان
ياللي أسمها للحب عنوان
لو أزرعها بالصّوان
تْخَضّر ورود وسيقان
ولو اقارنها باللؤلؤ
أغلى وأثمن من البؤبؤ
المقدسي
نهاد حناني
