0 الأعضاء و 3 ضيوف يشاهدون هذا الموضوع.
اخواني الاعزاء اليوم صباحا توجهت للاي او ام في عمان لتسليم الجوازات حيث انها تبعث الى سوريا لاستكمال اجراءات السفر الى كندا المهم وصلت ساعة بالعشرة والموعد جان بالعشرة ونص وكان هناك حوالي 5 كيسات محولين لكندا ولم اجد احد من دورتي يعني اللي قابلو وياي سفارة الاثنان التين تحدثت معهم كانو مقابلين من شهر شباط احداهما هية اخرت حسن السيرة والسلوك علمود تكمل بتها مدرسة المهم صاحو اسامينا ودخلونا وفتشونا رحنا اتمشينا للقاعة الرئيسية ولم يكن الزخم قوي هذا اليوم حيث كنا الخمس كيسات لكندا و8 شباب كلهم كصة وحدة ابداية العشرينات كالولهم جماعة المانيا ومترجم عراقي على بريطانيا وعائلتين عدهم مقابلة ثانية اميركاورة انتظار ساعة صاحو اسامينا واخذو الجواز وقعونا على ورقة المفروض همة يوقعون عليها وينطونياها وهية وصل استلام الجواز بس جرت الامور بالعكس احنة وقعنا عليها وفوكاها بقت يمهماخواني الجواز راح يروح لسوريا ويطول من شهر الى شهرين زين وكفوك بعمان وسالوك وين جوازك او ضيعوه شنو الاثبات انه انتة مسلمةالمهم طلعونة وكالو اي شي احنة نتصا بيكم وما انطونا لا موعد دورة ولا شي هذا اللي صار وياية اليوم .................تحياتي
السلام عليكم ..كيف الصحة و الاحوال طبعا اني قريت المواضيع من البداية للنهاية...كأنه دا اقرأ قصص ناس بانتظار حياة جديدة حلوة وكلهم امل والله لا يخيب امل احد .بصراحة اني قصتي طويلة عريضة بس اتمنى انو لا يبخل احد علية بالرد..اي معلومة ممكن تنطيني امل والله يبارك بيكم ويهديكم ان شاء للي بيه الخير لي ولكم.بالبداية اني مهندس متزوج ..ووالدي مسافر من ما كنا بالعراق ويعمل حاليا بدولة عربية اخرى..وتهددت بسبب عملي بشركة تعليمية عراقية لكن المليشيات والارهابيين اشتبهو بيهه ومرتين فجروا يمهه عبوات..ووالدتي قتلو المليشيات مديرهم بالدائرة وبسبب اسمي ايضا اضطريت ان اهاجر من العراق للاردن الشقيق في اخر عام 2006 والحمد لله مالقيت غير حسن المعاملة من الاخوة الاردنيين.. المهم والدتي طلع بيهه بعيد عن السامع واسم الله عليهم مرض السرطان عند بداية مجيئنا للأردن وتم اجراء الاستئصال والعلاج الكيميائي و اثناء ذلك يللا سمعنا انه اكو شي اسمه لجوء عن طريق اليو ان ورحنا سجلنا حوالي بشهر نيسان 2007 وبعدين بقيت والدتي تحت المتابعة ولحد الان بالاضافة للعلاج الهرموني الذي يكلف 124 دينار اردني بالشهر.نعود للموضوع الرئيسي تم تحويلنا لقسم التوطين والاتصال هاتفيا بنا في اواسط شهر 9 من 2008..بعدها تم توحيد ملفي انا وزوجتي وامي ثم ملئت الكارت الازرق واستلمته واتصلو بي لتحديد مقابلة في قسم التوطين في شهر 12 من نفس السنة و اخبرتني الموظفة بأن اوراقي ستحول للسفارة الكندية فرحبت بذلك وفرحنا جميعا والحمد لله وملئت الاستمارات في بداية الشهر الاول من 2009 وارسلت للسفارة الكندية في دمشق .بعدها وفي بداية شهر 6من 2009 جاءنا عن طريق اليو ان ورقة من السفارة للمقابلة في القنصلية نهاية شهر 6 من 2009 وذهبنا وكانت الموظفة التي تجري المقابلة سيدة كبيرة بالعمر انيقة ووقورة ومترجمة اصغر منها وايضا محترمة واوسألتني اسئلة عادية وبالنسبة لدفتر الخدمة ليس عندي الاصلي بل نسخة فقط ومشى الحال والحمد لله ..والباقي كله اصلي وبالمقابلة دخلونا لغرفة القابلة انا ومرتي فقط ووالدتي بالانتظار وسألتني عن سبب اللجوء فقلت لها كل شيء وسألتني عن اهمية سفر والدتي معي يعني سألوني بالحرف الواحد :هل ضروري اذا قبلناك ان تأتي والدتك معك؟؟؟..فأجبت ..طبعا لاني الابن الوحيد لها ونحن اصلا (انا وزوجتي )مرافقيها في مرضها بالاردن (وان شاء الله تكون راضية عني) وعايشين ببيت واحد والحمد لله ..وكانت مقابلة الوالدة بعدي لوحدها مع العلم اننا نحمل ورقة يو ان واحدة وملف واحد(لعدم وجود الوالد) وتم توضيح ان والدي له حياته الخاصة بعيدا عنا ولكن لا يوجد طلاق بسبب العمر وغيره.. وتم سؤال والدتي عن عملها لأنه اليو ان كانوا عاطين معلومات انه والدتي كانت موظفة (كبيرة) بالدولة وانها ليست حزبية انذاك ولكن اخبرناهم بالحقيقة هي ان والدتي كان عنوانها الوظيفي مدير لكن ليست هي مديرة القسم (ومن كان يعمل بالدولة راح يفهم) فهناك درجات لأي عنوان وظيفي ودرجتها كانت عادية . وسؤالها عن والدي وهمة منفصلين فلكل واحد حياته لكن بدون طلاق.. وبعدها و بنفس المقابلة استدعوني للدخول مرة اخرى.. وسألوني كم سؤال اخر ثم قالولي مبروك انت مقبول فسألتهم قبل ان افرح :وهل والدتي معي قالت نعم فشكرتها كثيرا كثيرا ووقعت على القرض من الحكومة للفحص الطبي وتذاكر السفر ولكن وقبل الخروج طلبت مني الموظفة اصدار ورقة انفصال من منظمة ميزان للوالدة وحسب قول الموظفة : راح تتغلبي (تتعبي) اذا ما طلعتيها. ليش وشنو السبب؟؟ارجو الرد.طبعا ذهبنا الى ميزان واحد المحامين اخبرنا انه لايمكن اصدار هكذا ورقة لأن والدتي مسلمة ولاتوجد هذه الحالة (الانفصال) للمسلمين فمالحل ولماذا راح تتعب والدتي؟؟؟ رجاءا افيدوني.المهم وبعد المقابلة بكم يوم ارسلنا حسن السير والسلوك لهم بالبريد لأنها تأخرت.. بيوم واحد بعد المقابلة استلمناها. وعملنا الفحص الطبي عند الدكتورة ايمي في اواخر شهر 7من 2009 يعني اضطريت ان افحص بعد شهر لظروف مرضية مرت بي. بعدها وفي بداية شهر 9 من 2009 استلمنا ورقة عن طريق اليو ان يطلبون فيها عمل بروفايل عن وظيفة الوالدة ومكان العمل و المدير من اواخر السبعينات الى 2006 سنة المجيء وارفاق نسخ من كتب رسمية .. مترجمة ومكتوب على كل واحدة الفايل نمبر و رقم التلفون. بس نسيت ان اكتب رقم التلفون على كل ورقة بس الفايل نمبر.. بس رقم التلفون مكتوب على الظرف فقط.. المهم ولحسن الحظ كانت الوالدة جايبة كم كتاب من السبعينات والثمانينات والتسعينات و الالفينات حتى تبين كلامها وتم شرح موضوع الدرجات وارفاق كتاب رسمي بهذا الموضوع ويبين الدرجات الوظيفية للعنوان الوظيفي وارسلناها في منتصف شهر 9 تقريبا.المطلوب اعزائي: 1- هل هناك احتمالات رفض لاسمح الله ولماذا (ولو الموظفة قالتلي انتو مقبولين وانتو اتقولون ماكو رفض ان شاء الله بعد الفحص). 2- مالداعي والفائدة لورقة الانفصال بالتوضيح.ودمتم وان شاء الله تحقيق امانيكم الطبيبة وانا بانتظار ردودكم.
والله فرحتنا يا ابو الحظ بهذا الخبر السعيد وانشالله سفرك يوم 15/12 وهي السفره الاخيره بهاي السنه وحضر نفسك على تسليم الجوازات ودخول الدوره التثقيفيه واتمنى من الله ان نكون بنفس الطياره لان مكانه واحد البرتا كالكيري وياربي يدخلوك بهاي السفره لان انته هوايه متاخر والف الف الف مبروووووووووووووووووووووووووووك وهاي يرادلها عزيمه شايف الف خير والله صدك فرحتلك والله عوض صبرك ... مو كلتلك راح تصير سوالف وتضحك عليها ؟؟؟مبروك الك وللعائله الكريمه وانشالله دخل الفرح بيتكم وراحت ايام الياس والحزن وشايفين الف خير لان انتو تستاهلون كل خير اخوكم : الفريدو
اريد افرحكم قابلت بالسفارة اليوم واستلمت اوراق الفحص الطبي ووقعت على القرض الكندي بس اكو مشكلة انه الجواز لازم اغيره لانه اول ورقة بالجواز مفتوح الكبس مالتها بس اني حجيتلها انه معاملة الجواز تطول 4 اشهر تقريبا حسب ما سمعت من شخص عراقي سوا جوازه قبل فترة كالت الموظفة انه لاتخافي لانه تقريبا بعد 4 اشهر راح تسافري وكالت اذا تأخر اكثر من هيجي فراح ننطيج وثيقة سفر تغني عن الجواز بس الافضل انه تسوي الجواز علمود المعاملات في كندا المهم انه انقبلت نشكر ربنا على كل شي ويارب الكل تسافر وترتاح اختكم dodo micheal
اخوي احمد الغريب هاي الحالات لاانت ذكرتهم نرفضوا بعد ما ملئوا الفورمات لو بعد مقابله الUNقبل استلام الفورمات ممكن توضح اكثر لان ما افتهمت عليك وما هي اسباب الرفض مع الشكر الك اخوي والمعلوماتكاخوك اربد
اخويه اربد اولا الف مبروك موعد المقابله وانشالله نسمع بموعد سفرك بالنسبه الى الاطفال اخذهم وياك لان هاي المقابله روتينيه والغرض منها ان يتاكدون من وجودك انته وعائلتك وتذكير للمعلومات الي كتبتها في الفورمات وشغلة الجواز الاس مايمشي هاي اول مره اسمعها واما عن الشهادة الجنسيه ... يا اخوان صدكوني كل هذا الكلام روتيني والله اكو ناس مايملكون بس الجوازات وسافرو ولاتفكر بهاي السوالف توكل على الله وهاي كلها روتينيه الشغله بس حاول اذا قدمتلهم جواز اس لاتغيره بعد المقابله اخوك : الفريدو
اخي انشتاين ومن رخصة اخونا الفريدو اجاوب على الشطر الاول من سوالكاحنة من قابلنا بالسفارة الكندية رادو نسخ مترجمة من الهوية وشهادة الجنسية وخلوها بالملف وبعد محد طلب من عدنا اي شي بهذا الخصوص لا بالمطار ولا باي مكان عبسي
الف مبرووووووك اخويه العزيز ارنستوانشاء الله مقابله سهله وتنقبل ويسلموك اوراق الفحص وتوقعالقرض .........يوم لكل الاخوان تسهل امورهم ويسافرون
شكرا لأخ الفريدو على ردبس حبيت أوضح أمس اتصلوعلي سفارةلمقابلةفي تاريخ23/3وطلبومني عدم محكوميةوليوم خلصتهةولاأعرف ماذاسيجري معي بلمقابلةمن اسئلةوربي يسرلجميعوتقبلوتحياتي لكم
تسلم اخويه الفريدو على هاي النصايح الحلوه والمعلومات المفيده الراح تفيدنه بالمقابله والله تعبناك ويانه تستأهل 20 تكه جكاير مو 10 بس شنو هيه الجكاير هناك غاليه اخويه ارنست انت الى ان توصل الكندا مخلص مو 10 لا 100 كلوص بس وراك وراكلازم توفي الدين وتشتري لاخونه الفريدو 10 حتى لو خلصتهن هههههههاخويه الفريدو بكتاب المقابله لستلمنا من اليو ان اكو مكتوب بالبدايهرقم فايل وبعدينB000000 شنو هذا الرقموانت هم استلمت كتاب مقابله لو لا.........بارك الله بيك ويسهل كل امورك اخوك:اربد
اي انته كل شويه كول ضجت واشرب جكاير الى ان يجي يوم سفرك ويخلصن الجكاير (ولا حضت برجيلها ولا خذت سيد علي ) اخويه اولا السفاره الكنديه مابيها امنيه ثانيا انته من تعبي الفورمات يدرسون حالتك وموافقتك تكون جاهزه بصف الي تقابلك وعلى ايدها اليمنى بعد شتريد اكثر ..... والموافقه تجي من سوريا مو من عمان اخي لا تصخن بعد مو بعدين تخلص العشر تكات واكوم اني ادزلك جكاير اخوك : الفريدو
تسلم وما قصرت أخوية اربد..بس الفترة بين استلامي للجواز من الـIOM وعليه الفيزا والسفر شكد بالتقدير مو 100% بدون زحمة وسلامي وشكري الكم جميعا
مبروووووووووووووووووووووك عزيزي اينشتاين وان شاء الله موفق.واحب ان اشكر الجميع على الردود الحلوة.المدينة ولكم جزيل الشكر وامنياتي بالموفقية للجميع ان شاء الله.اخوكم عمر العراقي
الف الف الف الف مليوووون مبروك الاخ انشتيان والاخ عمر توصلون بسلامة ويارب تكون سفرة خير عليك اخوانا انشتاين وتوصل بسلامة ونسمع اخباركم الطيبة تحياتي
الف الف الف مبروك للاخوه اينشتاين وعمر وياربي تتيسر اموركم وتسافرون وترتاحون من هم الانتظار اخويه اينشتاين شايف كل الخير واخوك كولدن فنكر يسلم عليك وحاليا ينتظرك في فانكوفر ودائما اني على اتصال وياه والحمدلله مرتاح وحاليا استاجر بيت و وصاني اخصك بالسلام اخويه عمر شايف كل الخير واما عن معلومات تورنتو اتمنى من اخويه عبسي ان يكتبلك عن الايجارات والمناطق النظيفه لان هو في تورنتو حاليا واخونه اريد وطن هم بتورنتو وانشالله ماراح يقصرون انشالله نسمع اخبار اخوانه منتظرين السفر قريبا اخوكم : الفريدو
الف الف مبروك اخويه انيشتاين ان شاء طريق السلامه
الف مبروك اخوية العزيز انشتاين والله تستاهل كل خير وان شاء الله توصل بالسلامة الى بلدك الجديد وتستقر وترتاح من ضيم الانتظار فالف مبروك مرة اخرى ومرات عديدة وبالتوفيق ان شاء الله . اخوك احمد الغريب
السلام عليكم مرة اخرى أخواني و اخواتي...Happy Easter بالبداية لجميع الاخوة المسيحيين وان شاء الله خير للأيام الجاية أكثر وأكثر...البارحة خابروني عالدورة التثقيفية وراح يكون موعدها الاسبوع الجاي 12-04-2010 اللي وياية ياريت لو يكولي.وأتمنى انو اللي يعرف معرفة اكيدة على جوابي ينطيني رد:هل الاقامة السنوية لها تأثير؟؟؟لأن احنا طلعنا اقامة فقط للوالدة لأن علاجها بالاردن ونخاف ليرجعوها فد يوم .حتى اني وباقي الاهل ما طلّّعنا اقامة..ولغيتلها الأقامة قبل ما اسلّم الجواز لأن بعدها ما أكدر...لأن ما راحفهل من مجيب؟؟؟سلامي ودعواتي وتحياتي للجميع.أخوكم عمر العراقي
كندا تنور بالطيبين اخويه نريد اخبار مفرحه وينكم شباب منو موعد سفره قريب اريد اهني يمعودين انشالله محد يبقى الكل يسافر ويشوف كندا وجمالها وتعامل البشر وياك ينطيك قيمه لنفسك وتحس انك بشر وعايش مع بشر واهم لغه عدهم هي الابتسامه يا اخوان منين ماتباوع تشوف الابتسامه مرسومه بوجوهم مثل الاردنيين اخوكم : الفريدو
مرحبا اسف على الانقطاع بس جانت مشاكل بالنت وانحلت الف مبروك اخوية اينشتاين ولو اجت متأخرة بس النت خان بية ويارب التوفيق والاستقرار حبي والله فرحتنيوسلامي للجميع