ܪܶܚܡܰܬ ܐܳܪܳܡܳܝܽܘܬܳܐ
ܒܪܶܚܡܬܶܟܝ ܐܳܪܳܡܳܝܽܘܬܳܐ : ܐܶܫ݁ܬܰܢܓܶܬ ܡܶܢ ܙܥܽܘܪܽܘܬܳܐ .
ܘܒܰܡܚܺܠܽܘ ܘܚܰܝܠܬܳܢܽܘܬܳܐ : ܐܶܫܰܡܫܶܟܝ ܒܫܰܪܝܪܽܘܬܳܐ .
ܚܽܘܒܳܐ ܕܺܝܠܶܟܝ ܒܓܰܘܝ ܕܰܠܺܝܩ : ܘܥܰܠ ܟܰܣ̈ܝܳܬܳܐ ܕܠܶܒܝ ܒܰܠܺܝܩ .
ܘܠܳܐ ܫܳܒܶܩ ܐ̱ܢܳܐ ܕܐܶܗ݁ܘܶܐ ܫܰܬܺܝܩ : ܐܶܠܳܐ ܒܚܽܘܒܶܟܝ ܐܶܗ݁ܘܶܐ ܙܰܢܺܝܩ ܀
ܠܶܫܳܢܶܟܝ ܪܓܺܝܓܺܐ ܘܚܰܠܝܳܐ : ܒܪܶܚܡܬܶܟܝ ܥܰܒܕܰܢܝ ܡܰܠܝܳܐ .
ܟܽܠܶܗ ܐܺܝܡܳܡܳܐ ܘܠܶܠܝܳܐ : ܒܶܗ ܗܳܪܶܓ ܐ̱ܢܳܐ ܕܠܳܐ ܫܶܠܝܳܐ .
ܐܶܡܰܬܝ ܕܣܶܦܪ̈ܰܝܟܝ ܩܳܪܶܐ ܐ̱ܢܳܐ : ܘܥܰܠ ܝܳܕܰܥܬܶܟܝ ܡܶܬܬܕܺܝܩ ܐ̱ܢܳܐ .
ܒܪܶܚܡܬܳܐ ܕܽܝܠܶܟܝ ܪܳܘܶܐ ܐ̱ܢܳܐ : ܘܠܰܝܬ ܐܰܒܘܳܬܶܒܝ ܡܰܘܕܶܐ ܐ̱ܢܳܐ ܀
ܒܝܕ ܡܪܝ ܦܝܠܘܟܣܝܢܘܣ ܝܘܚܢܢ ܕܘܠܒܐܢܝ