صباح الخيـــــــــــــــــــر نورج مو ظلام
بس الدنيــــــــــــــــــا مضيعــــة المقادير
بغداد دمتـــــــــــــي للنشامــــــــى مخيام
حيف علــــــــى ارضج يصيبهـــا تفجير
الدنيـــــــــــــــا دوارة وتدور طول الايام
ترى دَرب العَوَج كلـــــــــــــــــو معاثير
وبلاد النبـــــي يونان وبوابـــــــــة الشام
اصحاب الأرض صـــــــــــاروا مَهاجير
الموصـــــــل الحَدباء بَلد الخير والأكرام
تأريخ مُشرق بالامجاد مسجـــــل تقارير
احنــــــــــــــا للحـَــــك وألج رجال خُدام
نموت مـــــــــن اجلـــــج وهمنا التحرير
احنـــــــــــــا نصبرعلى الضيم والاجرام
والله موجــــــــــــــود هو يعرف التدابير
هذا عزائـــــــــــي لكل عراقـــــــي مقدام
وللاب( رحو) و(رغيد)اذا صار تقصيـــر
ابنــــــــــــاء الابطــــــال والابـــــن عوام
جروكـــــــــم الانذال للذبــــــــــح تصدير
انتـــــــــــــــوا الزرعتوا قيـــــــــم السلام
اطهــــــــــــــار وطهرتوا الارض تطهيــر
قدمتـــــــــوا للوطن بـــــلا حساب وارقام
وتسلحتـــــــوا بالايمان مــــــو بالشواجير
اسمكـــــــــــــــم على الصدر نعلكة وسام
والتأريخ صوركــــــــــم احلـــــى تصوير
صحيح بأرضنــــــــــا محكومين بالأعدام
ترى كــــــل البشر للموت نواطيـــــــــــر
بس فرق بيـــــــــــــن الخائن وبين الهمام
اكـــــــو تأريخ يكتب ويرســـــم الاساطير
اليزيدي الصبي المسيحي وحتــى الاسلام
بالاحتـــــــــلال والارهاب كلهــــم مخاسير
ترى حتى لو يجـــــــــــــي مال بالاكــــوام
وحتى لو ورق الحيطان تصير دنانيــــــــر
اريد اذكرك شيسوي مال الحــــــــــــــــرام
بالسما عذاب نار وجوا عذاب ضميــــــــــر
هاي صدورنـــــــــــــــا لله مشرع الاحكام
بدعاء صــــــــادق مابيــــــــــه اي تزوير
احفظ النــــــــــــــــــــــا العراق عالي الهام
وفيضــــــــــــا بالامن والسلام وكل الخير
هلبت يجــــــــــــــي يوم وندحـــــر الاقزام
وعلــــــــــى الله الهمــــــــــة ومنا التياسير
[/size]
صهيب السناطي
كلماتي لكل الشرفاء بالعالم
واهداء مني لكل شهدائنا الابرار
كتبت في عيد الميلاد المجيد
الحسكة 26\12\2008