**وينك حبيبي**جديد

[hani sabah]

           *** وينك حبيبي***


وينك حبيبي حركت كلبي وروحي مو كافي دلال
أني  لخاطرك  عفت  الدنيا  كلها  وعبرت  الجبال

وينك   حبيبي  وين  انت  وليش  زعلان  مني
وليش تركتني بوحدي وأنا الشوك والله كاتلني

تعال وأرجع حبيبي البيت صدكني مايسوى بدونك
أنا أحبك موت وكلبي  تايه  بيك  وبحبك  ومجنونك

أنت سكنت كلبي  وعشت  بصدري  وملكت  أنفاسي
تزعل مني ويحن عليك كلبي وأنت كلبك عليه قاسي

مدكلي  اش  سويت  وياك  رحت  وماسألت  بيوم  عليه
وأنا ظليت كل العمر متاني وكلت يمكن يحن كلبك شويه

تره ياحبيبي فراكك حيل اذاني وماضل شيء من عمري
أخاف أموت وماتلحك عليه وهذا مصيري وأني  بيه  أدري

هاي هي الدنيا وكل واحد بيها يأخذ  جظه  ونصيبه
أني حظي وياك ما كعد وتركت كلبي يحترك  بلهيبه

صدكني حبيبي والله ماكو اي واحد بالدنيا ماعندا الام
أنت جرحتني وضلمتني وراح يجي يوم تموت من الندم...


        أرجو أن ينال رضاكم .مع تحيات هاني العراقي...

[MUNIR_QUTTA54]

    الى الاخ هانييييييييييييي 000


           ممنون الك ورضينا وحبينه وياك وماحسينه غير نشوة الحب وتأملت الروح كأنها

           عاشقة رومانسية الحياة وهي برؤيا الحبيب كان يائسا واصبح حالم وصحا وقتها

           مواجها الحقيقة 00 وينك 00 حبيبي 00  هاي أني صدك بحقيقه 00 اه تره طلع

          يحبني حبيبي ومانساني 00 وينك حبيبي 0

                                 مع كل الحب والود بامنيات الرب يحققها لك

         منير قطا

[وردة حب]

رااااااااااااااائع عاشت الايادي

[dalia kandor]

      عاشت ايدك يا هاني
    وانشاء الله ما تشوف الفراق
        وتعيش سعيد مع من تحب

[dosha 1980]

الاخ العزيز هاني عاشت ايدك واحساسك  على هيجي كلمات جميلة وصحيحة في هذا الزمن مالنا  نحب ونضحي وتالي نطلع خسرانين اتمنالك المزيد من الابداع ... تحياتي دوشا الاشوتية

[hani sabah]

تحية بعطر ورد  الياسمين ابعثها الى كل من الاخ مونير.وداليا ووردة حب ودوشه .في البداية والله اعجز عن التعبير على ردودكم الجميلة.وعسى ان تعجبكم هذه الاشعار التي اكتبها في صفحتنا الجميلة عنكاوه كوم .وكما احب ان اقول لكم اني اشكركم شكر خاص على هذه الردود التي فعلاً شجعتني ان استمر في الكتابة
وفي نهاية كلامي تقبلوا مني سلامي وتحياتي الى الجميع داعياً لكم كل الخير والموفقية ان شاء الله.


                                      اخوكم المخلص هاني العراقي.