عراقيه

[ليث الابيض]

 عراقيه احلى من الورد ما داعي لمكياج                   

انتي ورده معطره وللعطر ما تحتاج

عندج عيون المها محفوفه بالامواج

شايله وسام العشك من ذهب شايله تاج

حجيج عسل يا عسل لاهل العشك منهاج

شلال شعرج سرح ما تعتليه امواج

انتي جميله بشكل والكمر شالج تاج

خجلان حتى الكمر يلي معدنج مو عاج

بعيونج صابتني بالعشك واسرع من الميراج

وياج يحلى العمر واحجيهه بدون احراج

[MUNIR_QUTTA54]

             ليث الابيض 00 اخي العزيز حلوه العراقيه صارت واحلى لانك وصفة جمال تقاطيعها

                                  برهفة الاحساس والحب نابع من وطنيتك احترامي وتحياتي

 منير قطا

[همسة حب]

يعطيك العافيه كلمات غايه في الروعه والأبداع وننتظر جديدك بشوق..

[ليث الابيض]

شكرا على مروركم اخي العزيز منير والاخت همسه حب

[راهب الحب]

عاشت إيدك يا غالي على الكلمات الحلوة وأتمنالك كل التوفيق والإبداع ودُمت بألف خيــر ...





                                   أخــوكــُم / وسـام بهنـام داؤد الخابـــوري

[dosha 1980]

الاخ العزيز ليث الابيض عاشت ايدك على هيجي وصف فعلا العراقية حلوة رغم كل الظروف بحزنها وبفرحها تكون حلوة وعيونها مليانا حب وحزن وسعادة العراقي ذهب العراقية الماس العراقي وفا العراقية احساس رغم كل الظروف العراقيين احسن ناس ... تحياتي واتمنالك المزيد من الابداع دوشا الاشوتية

[ليث الابيض]

شكرا على مروركم الكريم اخي العزيز راهب الحب واختنا العزيزه دوشا


العراقيه ام واخت وصديقه ونقف الها كل الاحترام ونشكر جهودها