موعد حب

[اخو خيته]

هو / اشلونچ يا أعز
الناس عندي ..
هو الگلب چم أحبيبه عنده ..

هي / هزني الشوگ
عالموعد اتانيك ..
وأعد بيدي الدقايق
وحده وحده ..
وحده .. اثنين ..
هاي الثالثة تروح ..
اتاني وصار هالموعد اشبعده
نمت حسبالي
اشوفك بالحلم جاي ..
وگلت دمعاتي احطهن وسط خده

هو / نمتي .. هنيالچ غفيتي ..
وآنة ليلي يمر على
عيوني صبح
الينيَّم وردة ويمسد عليها..
مو مثل ليلولي وينيم جرح .. !!
والغفه ابكلمة محنه ..
مو مثل الينام وبعينه ملح ..!!

هي / لا حبيبي ..
آنه هذا الليل من يمرني دمعة..
وحزن.. واشواگ .. وحنين
آنه عيني عليك ما بطل دمعها ..
تبچي ما تسكت العين ..

هو / لا .. لا تبچين ..
امسحي دمعتچ
وارجوچ لا تبچين ..
يل دمعچ جمر
وخدودچ احلى أورود ..
خايف على اخدودچ من دموع العين ..
لا تبچين ..
وردة وتحترك ما تحمل النيران ..
يذبل كل ورگها وتستحي من الطين ..

هي / وانت تگلي لا تبچين ..؟
مو عمري انتهى .. وايامي كلها أتروح ..
لو راح العمر متگلي اجيبه أمنين ..؟

هو / لا تبچين ..
المن بعد المن تسوه دمعه أتطيح ..
هو اشباقي بينا
ونحترگ كل حين ..
تعبنا القهر ممشى جزيرة وخوف ..
صار الماضي غلطه وچنه غلطانين !!
لا تبچين لو يسوه العمر يمكن بچينا اسنين ..

هي / اشلون اتگلي لاتبچين ..

هو / لا تبچين ..!!

هي / تدري انت اليحب
ما يگدر اعله النار ..
ويا نار اللي بيَّه أتفزز الميتين ..
احتاج الدمع من ما اشوفك يوم ..
لأن يصبح عليَّ اليوم خمس سنين ..!!
حبيبي لخاطري ..
لا تبتعد ارجوك
ما احمل فراگك ..
تدري كلش زين ..

هو / بس ارجوچ لاتبچين ..
خوفي آنه عليچ من الدمع والله ..
مرات الدمع
ياخذ حلاة العين ..
ويل كلچ ترافه ارجوچ لا تبچين

[dosha 1980]

عزيزي واخويا الغالي احلى اخو خيته والله عاشت ايدك كولش حلوة  وانشاء الله نسمع اكثر واكثر هيجي اشعار حلوة من اصابعك الذهبية تحياتي  وانشاء الله تكون بخير وسعادة  دوشا الاشوتية

[شماسة هبة ادور]

هو / بس ارجوچ لاتبچين ..
خوفي آنه عليچ من الدمع والله ..
مرات الدمع
ياخذ حلاة العين ..
ويل كلچ ترافه ارجوچ لا تبچين

عاشت الايادي اخويا العزيز اخو خيته على الكلمات الحلوة باركك الرب واتمنالك الموفقية والنجاح
تقبل مني اجمل التحيات ,,,

[MUNIR_QUTTA54]

              اخو خيته تغيب الشمس وتشرق وتظلم الدنيه من تغيب وتهل بهلال وضويت الليل

              بظلمته ويه موعد حب جديد شكثر يبدع الشعر من يجر القلم وهو بين اصابع ايدين

              ترتعش برهفة شوك ومحنه للحبيب 00الله يااخو خيته 00 الله يااخو خيته 0


                منير قطا

[اخو خيته]

الى الغاليه   والغاليه  دوشا  اززتي
صدكيني   كلما  اشوف  ردج افرح اكثر  لانه معزتج  يمي  مو  قليله   تسلمين على ردج  الحلو  وربي   ما يحرمني  منكم  يا غاليه

[اخو خيته]

الى  عزيزتي   الغاليه   هباوي  الورده
يفرحني  جدا  عندما  اجد  بصمات  قلمكِ بين اسطر  متصفحي المتواضع  ويفرحني  اكثر  عندما ارد على  ردودكِ الجميله  . لكِ مني  كل  الحب  والتقدير

[اخو خيته]

الى  الاخ والصديق  منير  الغالي
قلمك بحد  ذاته منبر  لجميع الاقلام وانا من المعجبين  بقلمك عندما يخط  وخاصتا عندما اجد ضل قلمك  بين اسطر   متصفحي تسلم يا اخي الغالي  على ردك  الجميل  ولك مني  كل  الاحترام

[وردة الربيع]

هي / وانت تگلي لا تبچين ..؟
مو عمري انتهى .. وايامي كلها أتروح ..
لو راح العمر متگلي اجيبه أمنين ..؟


                                كلمات في غايه الروووعه تسلم الايادي

[اخو خيته]

الى  وردة الربيع  مع التقدير
افرحني  مروركِ الجميل   بين اروقه متصفحي  المتواضع  تسلمين  يا غاليه على الرد  الحلو

[shamasha78]

إبن عمي الغالي والوردة
سلامي...
حبي...
أجمل أمنياتي...

مشتاقلك حيييييييييييييييييييييييييييييييييل، شنو هالقصيدة الحلوة تذكرني بأحلى أيام قضيناها في سوريا لمن جنت تكولي كل قصيدة جديدة تكتبها، كلمات هذه القصيدة كلش حلوة صدكني، حبيب يحجي ويا حبيبته، الله الله الله عليك يا أحلى إبن عم.

وأحب أجاوب على هذه القصيدة الحلوة بمقطع من أغنية (لا تحرموني) للقيصر (أبو وسام)، على فكرة لحد الآن ما ناسي شلون جنت تكتب إنت القصيدة بالدفتر مالتي وآني كنت أجاوبك بأغاني كاظم الساهر.

أنا شلون أتخلى عنك ... وأنا اتنفس من خلالك
قلقي وخوفي عليك ... عمري طمني على حالك
المهم انت حبيبي شلونك بهاي الظروف ؟؟؟
صدك يوم الما أشوفك كلشي ما أكدر أشوف
إسمعوا .. إسمعوا رفضي وصرختي
لا... لا لا لا لاتحرموني ... لا لا
ما تمنعوني
هو وجداني ... ونصفي الثاني
يا وحيدي ... يا حبيبي
صابرين والأمر لله.
لا تحرموني منه لا بالغصب والإكراه
لا تبعدوني عنه لا هذا أكبر ظلم والله.

حبي وتقديري إلك يا أخويا الغالي... سلامي للعائلة الحبيبة، وربي يحرسكم، منتظر وصولك على نار.

[anansanati]

عاشت ايدك وجهودك واضحة وضوح الشمس اتمنالك المزيد


عنان السناطي
تلميذ المعلم الصالح

[اخو خيته]

الى عنان السناطي  مع التقدير
حبي وتقديري لك ولمرورك الجميل  بين اروقه متصفحي المتواضع اشكرك يا غالي

[Ehab_Thommas]

عاشت ايدك اخي العزيز " اخو خيتة " على الكلمات الرائعة دمت متألقا وننتظر منك مزيدا من الابداع
تحياتي

[اخو خيته]

الى الغالي  ايهاب    مع حبي
صدقني  اليوم فرحت  لانه  ضل  قلمك  جمل  متصفحي   ومرورك الغالي  اسعدني   لك مني  كل  الحب والتقدير  يا غالي