خسرتج بس مو مثل ماخسرتيني 00
من يوم العرفتج 00 مجروح صرت والهنه فاركني مايوم حضرني 00
ولايوم أجيتيني كلتي شنهو السبب 00
خسرتج بس مو مثل ماخسرتيني 00
ولج شنو غشيمه أنتي 00 لو تغشمين روحج عليه 00
شكثر نذرتج 00 لاجن أيه لاجن أنه حيل فرحان من خسرتج 00
جنتي بحياتي أمدلله 00ومعيشج بهنه 00
صرتي بعد كل هذا 00 جرح وتخزن أبكلبي 00
ولاتكولي ضيعتيني 00 ولاتصدكي أرجع حتى لو تحلفيلي 00
أنه ماخنتج ولا فضحتج 00 بس أنتي خنتيني 00
ويامه خليتي كلبي مليان حزن 00 ودموع 00
والعين ظلت أسنين ماضاكت النوم 00
خسرتج بس مو مثل ماخسرتيني 00
بأولها ماكلت 00 وبثانيها فلا حجيت00 وبثالثها ألج أبد مابجيت 00
لانج من خاصرتي ونيت 00 ومن ظهري أشتكيت 00
وك يازمن شنهو ألي سويت وياها 00 وبخنجرها المسموم أي مسموم00
طعنتني طعنتين ومنه أبد ماتألميت 00 ولابجيت وما حجيت 00
لكن بثالثه كلت 00 وج موكافي 00حتى الملح صبرت كلتيلي بيه داويت 00
وأنه أستمريت 00 بس كلت أرجوج لاتعذبيني أكثر من هاي 00
ولج مو بالغدر جازيتيني 00 بعت هناي وأشتريت عذابج 00
أي والله 00 أي والله 00 عذابج بس أنتي ماراح تذكرين ولا تعترفين 00
أفد يوم بسوالفج شلون جانت كل هاي ألسنين 00
وبيه كيف جنتي تحركيني 00
خسرتج بس مو مثل ماخسرتيني 00
وبعدها تجيني جنج ثعلب تحومين عليه 00
غلطانه توصفيلي القدر أشلون لعب بيه 00
أنه مو أنه ألي بعد تضحكين عليه 00 بي القدر لعب وخلاني بحسرتي 00
مثل ذاك الجوعان نام وصح 00 ومن صحيت كلت شيسوى العمر بهاي الدنيه 00
ومثل الثعلب تماكرتي عليه عبالج راحت عليه 00
لايفلانه 00 لا والف لا 00 بس خوفي من الله منعني00
ماذبحتج مثل ماذبحتيني 00
خسرتج بس مو مثل ماخسرتيني 00
تتعذري 00 وفوكاها تتعذري وتبجين وأطلبين 00
تردين ترجعيلي 00 ياقباحة العين من هاي دموعها الجذابه 00
شلون وأني بعد مامضى العمر بيه 00
وجمرة نارج ألي عفتيه بين أضلوعي 00من يومها لليوم دخانها بالسمه00
أي وجم اه أكول من أشوف الغيم 00 دخانه لي هس ماخلص 00
أختلط بيها وكثر جنه فضيحه00 وصلت للسمه مو بس لناسنه 00
ربي ألك ناجيت 00 ناجيت تقويني وترحمني وتصبرني 00
تصبرني على حبها 00 ومن ظلمها أني أكتفيت 00
ومن الدنيه عنها تبعدني 00 ولاتخلي الناس أبظلمها 00
بعد أكثر تشردني 00 أنكض العمر وبعد مايسوى 00
ضاع وماراح يعود الزمن ياربي ثاني 00 أرجوك أني ألك أتاني 00
يارب من هاي وبس بعد ماعد احب للتالي 00
خسرتج بس مو مثل ماخسرتيني 00
منير قطا
لكل انسان مشاعر واحاسيس للاخر وانا لن اكن قاصا او كاتبا او شاعرا
لكني انسان بمشاعر الانسان اكتب للاخر بالفطره فعسى احساسكم
يشارك حب هذه القصه ويارب تروقا لكم 00 شكري واحترامي للقارىء0