ابوذيات م؟م؟

[عيسى الجريح]

جفي للمشو بالليل يوماي
واكضي شلون من ترحون يوماي
نزل علخد سواد العين يوماي
لو اثنينهن نزلن سوية


الرد


يافلان استمع اعتابي ولاماي
غريبه وزادت بفراكك ولاماي
مهجه بل العطش تلهب ولا ماي
يخمد جمر لوعتنه السريه



البدر زور صفاتك وانتحلها
واعرفت ايام هجرك وانتحلها
وعليك اعرض قضيتي وانت حلها
وانصف لو ردت تحكم عليه




على حبك باب الكَلب سكّر
يالتنكَط مسك شفتك و سكر
حقك لو تصاب بمرض سكر
إذا كلك عسل و محير البرية




ذاب الكلب من بعدك .....حركته
وبين كل قهر حبك.....حركته
وكٌٌٌٌٌٌٌٌٌف هلكون من شافك....حركته
وطش النجم روحــــــه عليه




أنا دلولي نحر بيا البــين يسعى
ثقل همي ولالي صـــدر يسعى
اليغص بالزاد أهو للماي يسعى
وانا بالماي اغص أشــــنون بيه



سفن شوكي مشن بشطوط ونهــــار
ونفذ حتى صبرها الروح ونهــار
احن الشوفتك كل اليل ونهـــار
اتمنه اشوفك واحجيلك البيـــه



أنه كلبي من لهيبالشوك منطر
وتضل عيني على البيبان منطر
شفت خدك عبالي الفجر منطر
كمت صليت من غصبن عليه




كحل بالعـــين أحـــــــــبابي يحطون
او ليش حراب وخناجر بقلبي يحطون
ياليت أهلك أبجــــنب أهلي يحطون
نـــنام أثـنـيـــنا أونلتــــــــــف سويه



روى الزيتون من دمعي ولاراك
أوغيرك مانحل جسمي ولاراك
أخاف أطول غيبتكم ولاراك
وعند وصلك تدانيني المنيه




دمه دمع البيابي سال وانهات
عليك اكضي العمر حسرات وانهات
بهواك انه اعذلتني الناس وانهات
ما خذني الهوه غصبن عليه




يهل تنشد الحالي حالف اني
وبس الحزن بعدك حالفاني
وابد مااحب غيرك حالف اني
واجتف روحي الك بثنين ادية

الرد

واذا جتفها بيدك انتة حلها
وروحي تحب عشرتك وانتة حلها
لغز صارت محبتك وانتة حلها
دحلها بساع حتى تصير الية

الرد

ونصير احباب منك وانتة منا
وامل ماعدنا صدك وانتة املنا
شكد نحلم بشوفك ونتمنة
شجاك وبالوصل تكطع علية


الرد

احنا الما كطعنا بيوم وصلك
لان شخص نعرفة منين واصلك
صيامك مايفيدك بعد وصلاك
لان دم بركبتك ضل الية

الرد

لاون ناسي الكتلني والدفني
وخذت بالعشك فني ودي فني
لون تدري انا شودي ودي افني
ديار الغرب الهدت عليه



تحياتي


ابو العيس الجريــــ؟؟؟؟ــــح
شاعر الحزن وبالحزن شاعر


م؟م؟

[ضـاع الوطن]

الله الله الله ولا اروووووووووووع عاشت الايادي تسلم

[ام لانا]

يسلموووووووووووووووووووووو

[Ehab_Thommas]

ابو العيس الجريح
عاشت يداك على هذا الابداع
وهذه الابوذيات الرائعة
مزيدا من الابداع والتألق
تحياتي

[al_hajany]

ابوذيات في غاية الروعة 

مشكور اخ عيسى

تحياتي   

تقبل مروري   

[عيسى الجريح]

هلوووووووووووووووووووووو

شلونكم عساكم بخير

اتمنه عجبتكم


تحياتي للكل

ابو العيس الجريــــ؟؟؟؟ــــح
شاعر الحزن وبالحزن شاعر