المالكي يأمر بارجاع العراقيين بالخارج قسرا

[kfc_w2002]

بغداد: اصدر نوري المالكي رئيس حكومة حزب الدعوة المكلف بتشكيل الحكومة الجديدة امرا بارجاع جميع العراقيين اللاجئيين في الخارج بصورة قسرية. وعلمت سبكة اخبار العراق من مصادر موثوقة قريبة من مكتب المالكي ان الاخير اصدر قرارا تم تعميمه الى جميع السفارات العراقية بالخارج من اجل العمل على ارجاع العراقيين بالتنسيق مع حكومات هذه البلدان

واجبارهم على ذلك. واوضح ان المالكي يهدف من وراء قراره هذا التخلص من الجهات المعارضة له واسكات اصواتهم التي تؤرقه وبالتالي ارجاعهم وزجهم في السجون واقامة الدعاوى عليهم تحت الف حجة وحجة. وكانت العديد من الدول الاوربية قد تجرأت وبدأت بارجاع اللاجئيين العراقيين على اراضيها بدفع وتشجيع من حكومة المالكي التي تدعي استتباب الاوضاع الامنية بالعراق وان الاجواء اصبحت مهيئة لارجاع اللاجئيين في وقت تؤكد فيه المنظمات الاقليمية والدولية المعنية بحقوق الانسان ان الظروف غير مهيئة الان لعودة العراقيين وان عودتهم ستكون مقترنة بالعديد من الاخطار التي سيتعرضون لها من قتل واغتيالات واختطاف وابتزاز على ايدي المليشيات وفرق الموت وفيلق القدس والمخابرات الايرانية والاسرائلية. هذا وقد رفض العراقيون بالخارج العودة الى العراق حتى وصل الامر بعدد منهم الى الانتحار وحرق انفسهم احتجاجا على مساعي اجبارهم بالعودة الى العراق الذي مايزال سياسيوه يتعاركون على المناصب الوزارية والحكومية.وكان العدد القليل ممن عاد الى العراق قد اعرب عن ندمه الشديد لعودته بسبب كذب ادعاءات حكومة المالكي واصطدامهم بعشرات المشاكل الامنية والخدمية مما دفع بهم للعودة الى خارج العراق اضافة الى ان العديد منهم لم يعثر على عمل يعيل به افراد عوائلهم او المسؤولين عنهم

[مظلومه سوادي]

ماشاء الله
بعدنه مابدينه الرجال شاد حيله هينوب
وهالمره يريد ينتقم لان اتاخر تسلمه للحكومه فوك الست اشهر
الرجال يريد يعوض الوكت الراح
بس ميخالف
الله على كل ظالم 

[طائر البرق]

لا حول ولا قوة إلا بالله تعالى

يعني الحكومة ماكو أمامها أي تحديات جديدة غير بس اللاجئين العراقيين !!! 

[مــــان]

طلعنة برة ومخلصنة منكم

كاعدين تلهفون بالملايين والشعب ميت

وهلنوبة العالم الي خارج العراق تريدون ترجعوهم حتى تقتلوهم


الله  ينتقم منكم


شكرا على نقل الخبر

[** يدكو **]

احنا مايكفينا حالنا وجايين هذوله مطلعيين كل يوم شي على اللاجئيين ماتكفينا همومنا اخي العزيز يرجى منك انزال الرابط لكي نؤكد من صحه الخبر ومصدره ان كان صحيح ام لا

[kfc_w2002]

الرابط حسب طلبك اخ بدكو

http://www.aliraqnews.com/new/index.php?option=com_content&view=article&id=21338:2010-11-17-13-56-06&catid=13:politics&Itemid=26

[silver_d]

العب بيها يابو سميره
هههههههههههههههههههههه

حي الله ابو اسراء الورد

لا تعليق

[كافي ظلم]

السلام عليكم
بارك الله بيك اخوية العزيز
بس لتتصور الدول راح تستجيب لطلب المالكي لان اكثر الحكومات الاوربية تعرف شنو دا يصير بالعراق اكثر من المالكي وجماعته . باستثناء الدول العنصرية امثال السويد ................الخ . خلوا ايمانكم بالله والله كريم .شيريد يصير الماكي ؟صدام الثاني.

عندما يموت الأمل نعيش نحن أجسادا بلا أرواح ..

فنتخبط في ظلمات الهموم والاستسلام التام للأحزان ......

ولكن سنتشبث بذكرى الأمل وان مات ...؟؟

وسيكون موجود لدينا لتخطي الصعاب .. ويمسح بكفيه دموعنا المتناثرة ..

ويواسينا .. ويخفف عنا ..

هذا هو الأمل ولولا الأمل ..... لمات الناس بهمومهم

فلن تغرق سفينة الحياة في بحر من اليأس ....

طالما هناك مجد أسمه الأمل ولو كان أمل كذاااااب....



كافي ظلم - بغداد

[** يدكو **]

شكرا اخي على الرابط ..

الحكومه ماعدها ذمه ضمير باتجاه اللاجئيين همهم كراسيهم وعوائلهم المالكي هو يشتري بهالبيوت ببريطانيا وباوربا والشعب يموت جوع

[ددوفي]

عيني ماكو هيجي شي والدليل السويد الغت قرار الترحيل الذي اصدرتهة محكمة سويدية ولا دخل للعراق بالموضوع وهذي قوانين اللجوء في العالم

[msamoh]

شتتوقعون من لقطاء والمجرمين والسفلة  والعملاء غير الحقد على كل عراقي مصيرك يالمالكي انت وكل المجرمين في المزبلة أنشاء الله

[** يدكو **]

عدنا الله اخواني واكيد راح تشوفون راح ينصرنا  احنا اللاجئيين المضلومين على الضلام ... وعلى فكره قبل اسبوع سمعت من اصدقاء قابلو بالامم كالولهم راح يفتح اللاجوء لاوربا بالاضافه كندا وامريكا واستراليا فأطمئنو من هالناحيه

[gerarrd]

هذا  نوري  القوري  وما  ادراك  ما  القورررررررررررري  

[احمد عباس]

السلام عليكم
بارك الله بيك اخوية العزيز
بس لتتصور الدول راح تستجيب لطلب المالكي لان اكثر الحكومات الاوربية تعرف شنو دا يصير بالعراق اكثر من المالكي وجماعته . باستثناء الدول العنصرية امثال السويد ................الخ . خلوا ايمانكم بالله والله كريم .شيريد يصير الماكي ؟صدام الثاني.

عندما يموت الأمل نعيش نحن أجسادا بلا أرواح ..

فنتخبط في ظلمات الهموم والاستسلام التام للأحزان ......

ولكن سنتشبث بذكرى الأمل وان مات ...؟؟

وسيكون موجود لدينا لتخطي الصعاب .. ويمسح بكفيه دموعنا المتناثرة ..

ويواسينا .. ويخفف عنا ..

هذا هو الأمل ولولا الأمل ..... لمات الناس بهمومهم

فلن تغرق سفينة الحياة في بحر من اليأس ....

طالما هناك مجد أسمه الأمل ولو كان أمل كذاااااب....



كافي ظلم - بغداد

لا حبي يستجيبون واولهم السويد استجابت بالفتره الماضيه
لان يكلولهم يابه انتو دتستقبلون العراقين وتطوهم راتب يعني الوضع يمكم احسن من العراق معناها كل الناس تفكر تطلع
وكذالك السويد شافت انو الوضع عليها صار صعب والاجئين ديكلفوها هوايه


وبالنسبه للاخ الي كال ماكو هيجي شي والدليل السويد قبلت بال30 واحد
سؤال تتوقع عدد الاجئين الي بالسويد مقدمين على حق الجوء همه بس 30 واحد ؟

يعني يمكن الي وافقو عليهم الهم شرووووووط كلش كلش خاصه زين والباقين ؟

[kfc_w2002]

السلام عليكم اخواني واخواتي الكرام ,
هذه هي الحكومه المنتخبه!!!
اخوان الحكومه مكفاها تهين مواطنيها بالداخل لحكت الي بالخارج هم,
ولا يخفى عليكم المالكي ديستورد عماله من الخارج واستغنى عن ابناء بلده وبالنتيجه طلع اكثرهم مصابين بالايدز ,
حسبنا الله ونعم الوكيل ,اللهم عليك باعداء العراق اللهم فرق شملهم واجعل دائره السوء تدور عليهم, اللهم ارحم ابناء شعبنا العراقي في كل مكان وارحم كل من وقع عليه الضلم من العراقين الابرياء ,اللهم اميييين .

[بغدادي76]

لعد شعبالك ؟؟؟؟ هذي دولة الفافون ,,,, وما أدراك ماذا يصنع الفافون

[ARMY STRONG]

ما شاء الله ماشاء الله

من هسه متحزملها ابو السبح
الله يستر من 4 سنين الجايه شراح يسوي بينا

نوري القوري

[علي النعيمي]

ابو السبح شاد شدة وية الاجئين صوج الي انتخبو الله ينتقم منة ومو كل الدول حتسمع كلامة بس لايسوي الحكم دكتاتوري ويظل للابد صدام حسين مسواها بس اكول الله يرحمة جان العراقي باي دولة يقدم لجوء تقبلة راسا

[ام كمال]

اللهم انا نجعلك في نحورهم ونعوذ بك من شرورهم .  حسبي الله ونعم الوكيل على كل ظالم

[بغدادي76]

بس اكول الله ينتقم من اللي انتخبه , الله يهجرهم ويسلط عليهم فد واحد مثل المالكي

[البلدوزر]

الظاهر يريد يسيطر من البداية ويمنع الراى العام العالمي من معرفة المشاكل
العراقية عن طريق الاجئين يعني ما تغير شي بس الشخص واسم الحزب ام
الاساسيات نفسها والسبب الثاني انتقامي كون اللاجئين والمهاجرين بالخارج
خلو بخانة القائمة الثانية ومثل ماكال القديم الي ميريدنة مريدو بس اليروح انجيبو
                                                         البلدوزر

[كيوت]

يعني وتزعلون ليش العراقي ينهان أباب السفارات لأنه مع الأسف أحنه العراقيين بقدر مابينه طيبة قلب وحب لبلدنه بس بينه خصلة النفاق والبجي والتسرع ودائما ننتقص من بلدنه , هي منو هذي شبكة أخبار العراق القرأن ؟ ماتغلط ماتلفق خبر يعني الناس ملتهيه بتشكيل حكومه ماعده شغل وعمل غير اللاجئين ؟ وبعدين والله أذا اللاجئين يطلعون بره بلدهم ويسبون أبلدهم وناسهم ويكذبون عن أوضاع البلد ويصورون العراق بجحيم وكأن عراقيي الداخل هذوله لاشغل ولاعمل كاعدين يعدون ساعات أجلهم , وماكو لادوله ولاوزاره ولا شارع بيه ناس وماكو سوق مفتوح والعراقيين كلهم دينتظرون أيسافرون لدول اللجوء , أو الناس بالعراق مستفادين من الوضع السياسي القائم وعراقي الخارج مظلومين , ( هذي الدول العربيه كله أهله أتهاجر ودور لجوء أبتداءا من المغاربه من قبل 50 سنه همه أيدورون لجوء والجزائريين والتوانسه ونص الشعب الليبي طفر من القذافي لأوربا أيطاليا وألمانيا وبريطانيا والمصريين مايحتاج أسولف عليهم والفلسطينيين والسوريين واللبنانيين من قبل 150 سنه بدوا أيهاجرون واليمنيين ترسوا بريطانيا ونيويورك والسودانيين دايحين بس بمصر 4 مليون سوداني ) بس ولا واحد من هذي الجنسيات سب وشتم وصور بلده بالطريقه اليحجي بيه العراقيين على بلدهم مع العلم اني رحت لكل هذي البلدان والله ثم والله ثم والله ثم والله العراق والعراقيين بما فيهم السيء أشرف من طاهرهم فأخوان أنتوا اذا راح اتهاجرون بالعافيه بس حتى لو اكو سلبيات فتجنبوا الحديث عنه امام العالم لانه هذا وطنه وهو شرفنه ومايصير الواحد أيسولف عن شرفه , أني يمكن متعصب لعراقيتي بس والله أعرف عرب بلسانهم والعراق بهذا الوضع الغير مستقر ويكولون نوري أو أياد أو الهاشمي أو النجيفي أو عمار أشرف من كل رؤساء العرب أبتداءا من ملك المغرب الى عبد الله عاطططل السعوديه

[simsam]

اخ كيون ماكو متل حب العراقى واخلاصه لبلده ولكن الحديث عن سياسة الحكومة لا يقلل من حب المشاركيين بالتعليق لوطنهم العراق..وجميعتا راينا فى الاعلام ان رئيس المجلس الوطنى الجديد بعد انتخابه بيومين اجتمع بممثل الفاتيكان وطلب منه رسميا بايقاف والمساعدة على ايقاف هجرة مسيحيى العراق .وكل الاجئين فى الدول وخاصة العربية كانت تقدم لهم يد المعونة والمرونة فى تسهيل المعاملات والاقامة ولكن عقب كل زيارة مسئول عراقى نجد انهم استحدثوا تعليمات جديدة تزيد فى معاناة المهجر والاجىء العراقى وعندما تسالهم يجيبك المسئول ان هذا طلب حكومة العراق!!!الم تسمع كم عراقى ارجع قسرا من عدة دول اوربية بناءا على طلب مين ؟؟ علينا ان نهتم بكل عراقى اذا كان خارج العراق او داخله ..فقط ننشد الحياة الكريمة للجميع وتزول كل الهموم ويبقى العراق لجميع طوائفه.صار سنوات ما شفنا اهانة بباب سفارة لعراقى يلتزم بقوانين الدولة المضيفة وخاصة مصر سوريا الاردن الامارات رغم تلقيهم الكثير من المخاطبات والكتب بارجاع العراقيين طوعيا او قسرا.اتمنى ان تسود الالفة والمحبة وروح التسامح كل العراقيين وتاتى اللحظة التى يتمنى كل من هجر العراق يرجع لما براه من حب وامان ورفاهية وعيشة حرة كريمة ولا يعلو على حب العراق شى اخر هاى الميزة بس تلكاها عند العراقيون مع احترامى للشعوب التى ذكرتها فى رسالتك لكنا نتفوق عليهم بحب العراق واترجاك اتخلص من العصبية ولك الشكر

[ARMY STRONG]

نوري أو أياد أو الهاشمي أو النجيفي أو عمار أشرف من كل رؤساء العرب أبتداءا من ملك المغرب الى عبد الله عاطططل السعوديه

ايباخخخخ   شلون زلم عليهم العين جلكه



النفاق

[habazbooz69]

اخي كيوت شلونك حبيبي
اني عادة ما ارد على اي احد من تنفتح هيج مناقشات تجنبا للحزازيات ودوخة الراس بس بصراحة كلامك كلش اذاني واكيد اذى مشاعر غيري من الناس اللي شافت الويل واشكال المصايب بعهد المالكي واولهم المهجرين وطالبي اللجوء وابو المثل يكول اكعد اعوج واحجي عدل وانت يا اخي كاعد كلش عدل ودتجي من منطلق كعدتك هاي فشوية لو تميل يمنه لو يسره يكون احسن
ثاني شي انت يا اخي وين متروح تكتب على والله العراق بخير والعراق احسن من هواية دول وتكذب بهالخبر وبذاك الخبر وتكول كللها تلفيق عبالك احنا مو عراقيين لو عبالك جنا عايشين بجزر هاواي ومندري اللي صار واللي ديصير بالعراق يا اخي مو كلها كدام عينا والعالم كله كام يرجع بالعراقيين من اول زياره للمالكي لاوربا وقبول اللاجئين صار بالشافعات
وانت قبل فترة كتبت حجي بموضوع سابق بنفس المعنى تقريبا راح احطلكياه هنا حتى تتذكره اذا ناسيه وحتى اعلقلك على شغلة صغيرة بيه
هذا كلامك ( قناة الفيحاء قناة تمثل البصره أي أخوان محافظة البصره العزيزه كان أسمها في زمن النظام بوابة الصمود ثاني أكبر محافظه وره بغداد أهلها ماعدهم ماي للشرب الله وكيلكم بزمن الصمود الصدامي وأكلت كفخ من قصف أيران الى القتل المنظم مال مخابرات صدام وفرق أعدامه وأهلها خوش ناس ترى وعراقيين , وهسه البصره تنام بساعات الليل المتأخره لأن همين وره 2003 دخلولها مو خوش أوادم بس سبحان الله الناس مرتاحه وتاكل وتشرب ونست مأسيها الوضع الأن جيد جدا العراقي البصري الجان كاعد على حافة الرصيف أيدور كطف مال جكاره يوكع من أيد أسياده أبغداد بزمن الصمود كام يشتري باكيت مال جكاير وأولاده كدر أيعينهم بالدوله العراقيه بعد ماكان عليه خط أحمر حتى الوقوف على باب دوائر الدوله العراقيه , أخوان لاتنسون نفسكم أنتوا عراقيين حتى لو وصلنه لأمريكه وترى كلمن عنده سبب بالهجره لأميركا مو بس لأنه هو مهدد وأحنه نعرف زين بأنه الوضع أختلف هوايه عن قبل سنتين وثلاث سنين وأكثر اللي تهددوا زال الخطر عن حياتهم الأن وأني واحد منهم فلا أتصورون الوضع بهذي المأساويه وكأننا مازلنا بزمن المكرمات الصداميه 250 غم صابون عالحصه التمونيه وطحين كله كطوف جكاير ونخاله مال خشب والخبزه سوده بسواد الليل والعراقي أيبيع بيته وسيارته وغراض بيته ديعبر بيها للسويد ودول اللجوء في أوروبا يوصل ماعنده حتى 100$ واليطلع للأردن لازم ويايه مو أكثر من 100$ وخمسه غرام ذهب والساحه الهاشميه بعمان تشهد ياعراقيين أشلون أنداسو هالناس أبساطيل العرب الشرفاء , ماأريد كهرباء ولاماي بس أشويه راتب زين وكرررررررررررامه , وأطب وأطلع للعراق براحتي , ترى والله أكلوا الشرفاء تبن بزمن الزيتوني وياكاع أترابج كافور , وهسه يبجون على زمن صدييم ويكولون أيام الخير . وهسه ياهو الأحسن أبو السبح اللي مايوفر خدمات للمواطنين لو صدييم الخله الراتب مايجيب باكيت جكاير والصوندات عالظهر )
اخي هذا حجيك اللي انت تدافع بيع عن الوضع بالعراق وهو تقريبا نفس كلامك هنا بس الشي الغريب ان انت كاتل روحك على الهجرة ورايح جاي على المعاملة مالتك ومدتصدك شوكت يجيك ايميل حتى تهج من العراق وكتاباتك ومشاركاتك بهالخصوص كلها موجودة  مع انك ذاكر بان انت لم تعد مهدد وبان الوضع بالعراق مو مثل قبل صار احسن من هواااااية دول فيا اخي اذا انت امورك هيج عدلة ولا مهدد ولا ابد ووضع العراق عاجبك ونوري المالكي مريحك فليش انت كاتل روحك عالهجرة وماخذ مكان غيرك هو اكيد احوج اله منك خاصة هسة انت مرتاح وراتبك زين وعايش بكراااااااامة والى هنا وراح اسكت  واترك الكلام لغيري لان اذا اريد اعلق على كل كلامك الجديد والقديم فيرادلي عشر صفحات  بس كلمة اخيرة اريد اكولها واعتبرها نصيحة من اخوك العراقي قبل ما تحجي اتمنى تتلفت يمنه ويسرة وشوف حال جيرانك وكرايبك وابن منطقتك شوف حالهم شوف مصايبهم ولا بس تتفرج على قناة الفيحاء شوف غير قنواة  اقلها توسع مداركك للامور لان احتمال موصلها خبر ال18 انفجار اللي صارت اببغداد  بيوم واحد واحتمال مسمعوا  بمصيبة اخوتنا المسيحيين بالكنيسة فمذاعوها باخبارهم لهذا انت دكول العراق بخير ولتزعل مني لان هو مجرد عتب ردت اعاتبلكياه

[مظلومه سوادي]

السلام عليكم
بارك الله بيك اخوية العزيز
بس لتتصور الدول راح تستجيب لطلب المالكي لان اكثر الحكومات الاوربية تعرف شنو دا يصير بالعراق اكثر من المالكي وجماعته . باستثناء الدول العنصرية امثال السويد ................الخ . خلوا ايمانكم بالله والله كريم .شيريد يصير الماكي ؟صدام الثاني.

عندما يموت الأمل نعيش نحن أجسادا بلا أرواح ..

فنتخبط في ظلمات الهموم والاستسلام التام للأحزان ......

ولكن سنتشبث بذكرى الأمل وان مات ...؟؟

وسيكون موجود لدينا لتخطي الصعاب .. ويمسح بكفيه دموعنا المتناثرة ..

ويواسينا .. ويخفف عنا ..

هذا هو الأمل ولولا الأمل ..... لمات الناس بهمومهم

فلن تغرق سفينة الحياة في بحر من اليأس ....

طالما هناك مجد أسمه الأمل ولو كان أمل كذاااااب....



كافي ظلم - بغداد

خويي كلامك عالعين وعالراس
بس تره السويد حالهه حال بقية الدول
تشتريهه بكم مليون

يعني اذا انطوهم جم فلس يكلك شنو يعني عراقي
واذا انظلم واذا انكتل طبه مرض حشى العراقيين كلهم
اهم شي الفلوس يمعود

وتره موبس السويد ارجعت اللاجئين قسريا
اكو هولندا والنروج وبلجيكا وحتى استراليا

هاي معلومات من ناس كاعدين هناك مومن عندي

حسبنا الله هو نعم الوكيل

[ملك بابل]

 هو ابو السبح  شكو عليه خاتل بالمنطقه الخضراء وكاعد ليش هو يهتم اذا الشعب كله ينقتل هو اهم شي باقي على الكرسي

[kfc_w2002]

يعني وتزعلون ليش العراقي ينهان أباب السفارات لأنه مع الأسف أحنه العراقيين بقدر مابينه طيبة قلب وحب لبلدنه بس بينه خصلة النفاق والبجي والتسرع ودائما ننتقص من بلدنه , هي منو هذي شبكة أخبار العراق القرأن ؟ ماتغلط ماتلفق خبر يعني الناس ملتهيه بتشكيل حكومه ماعده شغل وعمل غير اللاجئين ؟ وبعدين والله أذا اللاجئين يطلعون بره بلدهم ويسبون أبلدهم وناسهم ويكذبون عن أوضاع البلد ويصورون العراق بجحيم وكأن عراقيي الداخل هذوله لاشغل ولاعمل كاعدين يعدون ساعات أجلهم , وماكو لادوله ولاوزاره ولا شارع بيه ناس وماكو سوق مفتوح والعراقيين كلهم دينتظرون أيسافرون لدول اللجوء , أو الناس بالعراق مستفادين من الوضع السياسي القائم وعراقي الخارج مظلومين , ( هذي الدول العربيه كله أهله أتهاجر ودور لجوء أبتداءا من المغاربه من قبل 50 سنه همه أيدورون لجوء والجزائريين والتوانسه ونص الشعب الليبي طفر من القذافي لأوربا أيطاليا وألمانيا وبريطانيا والمصريين مايحتاج أسولف عليهم والفلسطينيين والسوريين واللبنانيين من قبل 150 سنه بدوا أيهاجرون واليمنيين ترسوا بريطانيا ونيويورك والسودانيين دايحين بس بمصر 4 مليون سوداني ) بس ولا واحد من هذي الجنسيات سب وشتم وصور بلده بالطريقه اليحجي بيه العراقيين على بلدهم مع العلم اني رحت لكل هذي البلدان والله ثم والله ثم والله ثم والله العراق والعراقيين بما فيهم السيء أشرف من طاهرهم فأخوان أنتوا اذا راح اتهاجرون بالعافيه بس حتى لو اكو سلبيات فتجنبوا الحديث عنه امام العالم لانه هذا وطنه وهو شرفنه ومايصير الواحد أيسولف عن شرفه , أني يمكن متعصب لعراقيتي بس والله أعرف عرب بلسانهم والعراق بهذا الوضع الغير مستقر ويكولون نوري أو أياد أو الهاشمي أو النجيفي أو عمار أشرف من كل رؤساء العرب أبتداءا من ملك المغرب الى عبد الله عاطططل السعوديه

اخويه العزيز اذا انهان العراقي مو لان العراقيين يبجون ولا لان اهل نفاق اخويه المنافقين معروفين ومعدودين وهوه هذا الي ديصير بينه من فعلهم وغدرهم , ولو الحكومه تاذي الشعب بالداخل وتحترمه كدام الدول الباقيه مجان احد من مواطنيه تجرء وحجه علي الي ديصير ابلده بس لكل فعل رد فعل, اخويه لاجئي الدول الي تتحدث عنهم حضرتك ميحجون على الي يصير ابلدهم تدري ليش؟؟؟ لان مسمعنه لحد الان الدوله مالتهم طلبت اعادتهم قسرا ,ومسمعنه رجعو احد من طالبي اللجوء لتلك الدول بس الدول الفقيره على ما اظن لان ماعنده تنطي بدائل عن مواطنيها ,اخي العزيز تره السلبيات معروفه عند العالم كله وموقع كويكلس يظهر صحه مانقول وهذا تره موقع بسيط يظم العراقيين البسطاء  وماتصور يوصل للعالم مثل موصلت الحقائق مال موقع كويكلس .
شكرا لكم تقبلو تحياتي

[kfc_w2002]

اخ كيون ماكو متل حب العراقى واخلاصه لبلده ولكن الحديث عن سياسة الحكومة لا يقلل من حب المشاركيين بالتعليق لوطنهم العراق..وجميعتا راينا فى الاعلام ان رئيس المجلس الوطنى الجديد بعد انتخابه بيومين اجتمع بممثل الفاتيكان وطلب منه رسميا بايقاف والمساعدة على ايقاف هجرة مسيحيى العراق .وكل الاجئين فى الدول وخاصة العربية كانت تقدم لهم يد المعونة والمرونة فى تسهيل المعاملات والاقامة ولكن عقب كل زيارة مسئول عراقى نجد انهم استحدثوا تعليمات جديدة تزيد فى معاناة المهجر والاجىء العراقى وعندما تسالهم يجيبك المسئول ان هذا طلب حكومة العراق!!!الم تسمع كم عراقى ارجع قسرا من عدة دول اوربية بناءا على طلب مين ؟؟ علينا ان نهتم بكل عراقى اذا كان خارج العراق او داخله ..فقط ننشد الحياة الكريمة للجميع وتزول كل الهموم ويبقى العراق لجميع طوائفه.صار سنوات ما شفنا اهانة بباب سفارة لعراقى يلتزم بقوانين الدولة المضيفة وخاصة مصر سوريا الاردن الامارات رغم تلقيهم الكثير من المخاطبات والكتب بارجاع العراقيين طوعيا او قسرا.اتمنى ان تسود الالفة والمحبة وروح التسامح كل العراقيين وتاتى اللحظة التى يتمنى كل من هجر العراق يرجع لما براه من حب وامان ورفاهية وعيشة حرة كريمة ولا يعلو على حب العراق شى اخر هاى الميزة بس تلكاها عند العراقيون مع احترامى للشعوب التى ذكرتها فى رسالتك لكنا نتفوق عليهم بحب العراق واترجاك اتخلص من العصبية ولك الشكر

عاشت ايدك simsam

[kfc_w2002]

السيد كيوت . لم نلاحظ ان هناك شخصا واحد تكلم عن العراق بسؤ والكلام انصب على دعاة الفدراليه المشكوك في عراقيتهم
كيف يكون عمارالطباطبائي وطارق الهاشمي اشرف من الملك عبدالله او اتعس الحكام العرب القذافي تعرف ماذا يقدمون لشعبهم.
هل نسيت مسرحية بنك الزويه او تفجيرات الماليه والخارجيه. .انا ظربت مثلا بطارق وعمار لكون الاثنين يستغلون المذهب لمصالح شخصيه ظيقه .واقصد كل من يدور بفلك هؤلاء المنحرفين .حتى الاقزام الطفيليه المستفاده من الوضع الحالي. من يتحدث عن استقرار بالعرق فهو منافق لايستحي من الله ولا من البشر .لحد قبل 3 اشهر قبل ان اغادر العراق لايامن الانسان على حياته وعلى شرفه بالعراق. طبعا والقادم راح يكون اتعس لانهم ينفذون برنامج اعد لهم من دول الجوار........ ارجو من الاخوه الاعضاء ان يكون ردهم علمي وواقعي وعدم السخريه من اي كان

عاشت ايدك اخويه العزيز والله ماقصرت ...

[kfc_w2002]

اخواني واخواتي الاعزاء ,
الاخت مضلومه سوادي ,طائر البرق ,ياسر ,بدكو, silver_d, كافي ظلم, ددوفي, asood2000, msamoh, gerarrd,الحمزه ابو نور ,احمد عباس , بغدادي76 , aa12_zz5  ARMY STRONG,ام كمال ,بغدادي 76 ,البلدوزر , simsam, habazbooz69,ملك بابل ,
كلكم اهل نخوه وغيارى بارك الله بيكم وبكل عراقي شريف لا يقبل الظلم على اهل بلده مهما كان دينه او طائفته او عقيدته ,
لو كان الضمير هو الحكم لما هزلت ..
تحياتي لكم جميعا والله يوفقكم لما يحبه ويرضاه ..

[msamoh]

عاشت أيدك الحمزة ابو نور
كل عراقي شريف يحب وطنه ولايوجد أدنى شك في ذلك . لكن الحثالة والقمامة قاطبة الي حكمت العراق منذ 2003ولحد الان الذين دمروا حجرا على حجر الذين قتلوا وعاثوا بالارض فسادا أعظم مافعله هولاكو  أدخلوا المخدرات سرقوا نهبوا قتلوا جميعهم عملاء جميعهم أسوة بأبن العلقمي قاتلهم الله ولأاستبعد أحد فيهم فلايوجد واحد شريف في الحكومة العراقية له غيرة على العراق او شعب العراق فلاتتوقع من الناقص غير النقيصة لعنهم الله الى يوم الدين

[clap again]

اولا المصدر غير حيادي وصفته التهويل و احداث الازمات
ثانيا هل من الممكن ان تبتعدوا عن انتقاص الاشخاص بما كانوا يعملوا  سابقا ؟؟؟؟؟\

هذا ابو السبح و ذاك ابو الثلج ......الخ
تشرتشل كان يبيع التذاكر على باب احدى السينمات

ثالثا هذا كلامي راح يطب من اليمنى و يطلع من اليسرى لان احنا بالسياسه (الجذب) محد يلحكنا

تحياتي

[ددوفي]

السيد كيوت . لم نلاحظ ان هناك شخصا واحد تكلم عن العراق بسؤ والكلام انصب على دعاة الفدراليه المشكوك في عراقيتهم
كيف يكون عمارالطباطبائي وطارق الهاشمي اشرف من الملك عبدالله او اتعس الحكام العرب القذافي تعرف ماذا يقدمون لشعبهم.
هل نسيت مسرحية بنك الزويه او تفجيرات الماليه والخارجيه. .انا ظربت مثلا بطارق وعمار لكون الاثنين يستغلون المذهب لمصالح شخصيه ظيقه .واقصد كل من يدور بفلك هؤلاء المنحرفين .حتى الاقزام الطفيليه المستفاده من الوضع الحالي. من يتحدث عن استقرار بالعرق فهو منافق لايستحي من الله ولا من البشر .لحد قبل 3 اشهر قبل ان اغادر العراق لايامن الانسان على حياته وعلى شرفه بالعراق. طبعا والقادم راح يكون اتعس لانهم ينفذون برنامج اعد لهم من دول الجوار........ ارجو من الاخوه الاعضاء ان يكون ردهم علمي وواقعي وعدم السخريه من اي كان

ولا ننسى حلبجة والانفال والشعبانية وحرب ايران والكويت والحصار وتالي ختل بالحفرة الله ينتقم من كل منافق
والحليم بالاشارة يفهم

[munaf]

اني ماكول شي بس الحاقد على بلده واهل بلدة شسويله وشيفيد وياه على كولت المثل الي ميسوكه مرضعه ضرب العصا ماينفعه الله كريم يجي يوم على الظالم وانشاء الله قريب

[مشلوع كلبي]

ماشالله عليه متحزملها حزامين................. والله العراقين مهضومين ......... وبعد لوين..

[عراقي مرفوع الراس]

والله اخوان اني بس اريد احجي حجاية وحدة
خلي يرجعون اهلهم للعراق من ايران وبريطانيا وباقي دول العالم  عود اللاجئين وراها يرجعون مو همة كاعدين يبوكون باموال العراق واهلهم كلهم برة باحسن الاماكن عايشين ولحد الان ما حطوا رجلهم بالعراق ويردونه نرجعة
بس شنكول الا لعنة الله على الظالم وحسبي الله ونعم الوكيل

[angie-dawood]

http://www.ankawa.com/forum/index.php/topic,435965.0.html 


ارجو الانتباه لقوانيين المنتدى الموضوع اصبح سياسي  لا يخص قسم الهجرء واللجوء وقسم الهجرة تمنع اي موضوع سياسي هنا يوجد قسم خاص لمثل هذة المواضيع عذرا اخي صاحب الموضوع سيتم نقل الموضوع الى قسم المنبر الحر