يلي تسأل على حالي ..

[bid]

يلي تسأل على حالي .

كوه عايش . كوه اتنفس هوا

ما تحرك بس خيالي .

ابوجه الشمس . عيوني ما شافت ضوا

احس نفسي . ما الي لزوم

بس للقهر . بس للهموم

ايه . ايه . ايه يا روحي

بحكم القدر . نتألم سوا ..

...

وياج يادنيا ال جنيته

بس عذاب

تعبي ضيعته ولكيته

كف تراب .

الفرح ما مرني مره

بالكذب وهم وسراب

الالم بظلوعي جمره

نار وصلت للثياب

الطب سكاني الوان السموم

كلت يمكن تشفيني واكوم

عذبت وياي روحي

علتي ما الها دوا ..

...
ا
انهدمت احلام عمري

ظلت خراب

خلصت سنين صبري

بلا ثواب

الحد مفتوح بابه

للناس شيب وشباب

الجسد راد لترابه

لابد من يوم الحساب

يا اجل عجل . القدر مقسوم

فوق جسمي يكفي تحوم

بلا امل خلصت حياتي

ثمره ما الها نوا .

يلي تسأل على حالي .

كوه عايش

كوه اتنفس هوا ..



حكمت البيداري

بغداد 1995
http://albidari.friendsofdemocracy.net/

[aboMareo]

عاشت أيدك و عاش قلبك ألي ينبع هذهِ الكلمات الرائعة رغم الحزن الموجود بيها وأهني أحساسك من كل قلبي يا أخي العزيز حكمت البيداري ..



† ليحميكم الرب †


           أخوكم ابوماريو

[bid]

  عزيزي ابو ماريو المحترم .

  هذا من ذوقك ورقة احساسك ونبل مشاعرك واخلاقك وحسن تربيتك

  ومعدنك الاصيل. هم دفعوك لهذا الحكم على هذا العمل .



                                                                            حكمت البيداري

[bassam hannani]

بحـــــــزنك تواســـــي المهمــــــــوم
     وكلماتــــــك تعــــــــــوَض المحـــــــــروم
   
        وابــــــــــداعك شــــــــــال عــــن كلــــــــــــوبنا احمــــــــال
              مــا تســـــتحملها حتــــــــى الجبـــــــــــال

 كـافــــــــــي ابــــــــــداع القصيـــــــــــــدة

 مـــــو كـل واحـــــــد ينــــــال اللـــــــــــــي يريــــــــــده

    ولا أي واحـــــــــد تختــــــــــــاره القصيـــــــــــده

   الحـــــــــزن يغســـــــلنا يخلصـــــــنا حتــى مــن نفســـــنا

  لولا الحــــــــــزن لمــــا ولـــــــــدت القصيـــــــدة.

[bid]

 
الاخت العزيزة سارينا المحترمة

شكرا لكلماتك الجميلة وعلى شعورك النبيل

واحساسك المرهف للكلمة الحزينة الممزوجة بالالم والحرمان.

وارجو من الرب ان يحميك واهلك ويغمر حياتكم بالافراح والمسرات .


اخونخ .. البيداري 

[الثريا]

السلام عليكم 
زدنا من ابداعك الحلو وتقبلني لك صديقة  ايها الاخ الكريم

[bid]

صباحك ورد يا ثريا
وادام الله اخوتنا في خدمة عراقنا الحبيب ..


 الصديق الجديد .. حكمت البيداري

[حكمت البيداري]

 
الاخت العزيزة سارينا المحترمة

شكرا لكلماتك الجميلة وعلى شعورك النبيل

واحساسك المرهف للكلمة الحزينة الممزوجة بالالم والحرمان.

وارجو من الرب ان يحميك واهلك ويغمر حياتكم بالافراح والمسرات .


اخونخ .. البيداري

العزيز بسام

لكرم مرورك وردك الجميل
جزيل الشكر والأمتنان

رعاك الرب