قلبي مع أصدقائنا واخواننا في ((( مصر )))

[kunda]

ألسلام عليكم  جميعا ...
أكيد أغلبكم تابع الاحداث الدموية والغضب الشعبي الذي يتطور باضطراد في دولة مصر والمطالب برحيل الرئيس ((اللزكة)) حاله حال اغلب الانظمة العربية المشؤومة في هذا الموضوع البسيط أحب اولا ان احيي الابطال المصريين على رفضهم الدكتاتورية وتوريث الحكم .
وثانيا أحب أن اسمع اخبار اخواننا العراقيين المقيمين في مصر وخاصة المشتركين معانا في هذا المنتدى أتمنى لو يجدون اي فرصة ليكتبوا لنا ويطمئنونا على صحتهم واحوالهم في خضم هذه المشاكل .ويارب تكون بردا وسلاما عليهم .

بالمناسبة شبكات الاعلام أطلقت تسمية (Egypt Friday of wrath )  ..
أخوكم كوندا العنكاوي

[يا صبر ايوب]

الله يكون في العون هوه العراقي وين ميروح المصايب وراه الله كريم انشاء الله ماكو شي سلامات

ابو صابر

[مهندس البصره]

انشاء الله تتغير كل الانظمه العربيه والاقليميه وخصوصا الي تحيط العراق حتى نرتاح .. بعد فوك ما مأذين شعوبهم مأذينا وخصوصا ايران والسعوديه ... ونشوف دول ديمقراطيه وبعد لا اكو ملكيه ولا ولاية الفقيه..

[كاتلوني الى الابد]

أول الغيث قطرة وانشاءالله كل الانظمة القذرة اللي مصت دم شعوبها وخيراته تروح لمزبلة التاريخ

[ARMY STRONG]

سباع المصرين

[أحلى دنيا]

الله يساعدهم ويتمم تضاهراتهم برئاسة خير احسن من الحالية
كل الي  راح  يعيشوه  ما يوصل قيد شعره من الي عشناه الله يساعد كلوبنه شحملنه ضيم

[ــــ{{{ABADY}}}ـــــ]

الله يكون بعونهم



والقادم اكثر ضد الحكام العرب ..........بعدنا ما شفنا شى

[kunda]

والله هالحكومات والانظمة والايدولوجيات القديمة التي عفا عليها الزمان  المفروض شوية تستحي على نفسها ويكون عدهم كرامة .وينسحبون بكل ممنونية ولاخلف الله عليهم ,,, بس شباب تعرفون اني ورا ما صارت بتونس وقلبوا نظام  زين العابدين بالمظاهرات فقط أنقهرت من اتذكرت وضعنا (صحيح هو فلت للسعودية وزوجتة حملت كيلوات ذهب ودولارات مثل ماسوت عائلة صدام  )  بس على الاقل التغيير والتضحيات صارت من الداخل بدون تدخل دولي  , الواحد ينقهر والله يعني ماكان بالامكان يصير بالعراق نفس الشي مثل ماراح يصير عاجلا ام أجلا في بقية الدول العربية والاقليمية ان شاء الله يارب.
كان الله في عون كل الشعوب المظلومة والمقهورة والله ينصرهم

[abuhatem]

في الاردن ، ما شفت بس سمعت من سايق تكسي ، نظام الاردن ملكي ولا يجيز المظاهرات ، فصارت اعتصامات بس
والحكومة تجاوبت مع المطالبات ونزلوا اسعار البنزين وبعض الموارد الاخرى

[heart_0f_baghdad]

جماعه مصر ماعدهم نت
لان انقطع من البارحه بليل هو والموبايل

[heart_0f_baghdad]

بالمناسبه اني من البارحه بليل كلت رح تصير مظاهرات
وهذا رابط الموضوع
http://www.ankawa.com/forum/index.php/topic,479105.0.html

[kunda]

عاشت ايدك أخوية هارت اوف بغداد على هذا التحليل ...
شباب تعرفون شنو أكثر شي ضحكني اليوم بمتابعتي للاخبار ؟؟؟
طلعت لقطة للمتظاهرين شايلين صورة حسني مبارك ويصيحون العبيط أهو ..العبيط أهو

[heart_0f_baghdad]

هههههههه
اي شفتها هاي اللقطه

[مراد البغدادي]

بس احب اضيف شي طبعا اكول هذي حوبه العراق والعراقيين اول الشعوب الي حجت على العراقيين ونعتتهم بعلي بابا وغيرها من التسميات عند سقوط النظام هم الشعوب العربيه ولان تتكرر المشاهد في مصر وتونس وصل الامر لكسر محلات وسرقه مصارف عسى ولعل يلتهون في بلادهم ومايرسلون المفخخين لبغداد السلام وانشاء الله يوم ايران والسعوديه ونفرحلهم هواي من كل قلبنا اخوكم مراد

[kunda]

أخوية مراد واخواني اللي جاي اتابعون الاخبار والموضوع هذا ايضا ...
قبل شوية اتصلت بصديق قديم مصري طبعا هو في لبنان ,,, وأخذت حقي منه بفد سالفة ههههه طبعا ايام ال2003 لمن صارت اعمال النهب والسلب في بغداد والانفلات اللي حصل طبعا اني أتوقعت هذا الامر ينتقل الى بقية الدول العربية لكن يحتاج وقت .هذا الصديق المصري كالي بالحرف الواحد انتو العراقيين أزاي بتعملوا كده في بلدكو ؟؟؟ يقصد التخريب والنهب وحالة الانفلات اللي صارت بوقتها .. فاني جاوبتها اذا هذا الشي صار في مصر راح يصير أسواء من العراق وهو ماوافقني طبعا (على اساس شعبهم شوية مثقف ومرتب أكثر من شعبنا ههههه)
وهسه خابرتة وكتلة ها صدقتني ؟
طبعا هسه وصلت الاخبار عن أعمال السلب والنهب في مصر والخربطة ,,, وأني اتوقع انه حسني وعائلة غادروا مصر
وأخوية مراد هي مابقت دولة عربية مادزتلنا انتحاريين .
اذا صفت الامور اتمنى ان يستلم الحكم في مصر التيارات العلمانية الاصلاحية وليس تيار الاخوان المتشدد

[echo 9]

السلام عليكم
طبعا انا ايضا عندي صديق مصري وهو بمصر حاليا كان دائما يكلمني عن حالة الفوضى التي عمت العراق واعمال السلب والنهب وما شابه وكنت ارد عليه لو الحالة الصارت بالعراق صايرة بمصر كان سويتوا اكثر والاخ يرد لا يا عم احنا مش زيكوا احنا بنحب بلدنا ومن هالخريط هسه من شفت اللقطات بالتلفزيون برد قلبي وعرفت بان الصار بالعراق ما يجي ربع الربع من اللي المصريين يسووه والدليل تمركز فرق مكافحة الشغب واغلب وحدات الجيش الان بشارع يضم المصارف المصرية واسواق الذهب ومقر البورصة يعني الناس راح تهجم على هالمواقع ويصير الفرهود ههههههههههههههههه . وايضا الرئيس العراقي وان كنا نكرهه وظالم وطاغية وكل الصفات الموزينة بيه ولكنه بالاول والاخير يبقى عراقي وطلع اشجع واشرف من رؤساؤهم بالرغم من ان الامارات يمكن وقطر بوقتها عرضوا على صدام يترك العراق ويروح الهم هو وعائلته بس بالاخير بقى بالعراق والقي القبض عليه وانعدم مو مثل رئيس تونس اللي هرب بليلة ظلمة وعاف بلده يتخبط وايضا الظاهر حسني مبارك راح يتخذ نفس القرار . وهذا مو تمجيد او حب بصدام ولكن هذا اكبر دليل على انه العراقي من المستحيل ينهزم من موقف مهما كان وكانت نتيجته . الفرق الوحيد انه الشعب التونسي والمصري هو بنفسه اللي قام وسيقوم بالتغيير واكيد اكو بعد من دولنا العربية راح تطولها رياح التغيير واليوم سمعت بان سوريا قطعت خدمة الانترنيت وما اعرف بعد يا دولة وراها والسودان قبلهم صارؤت 2 واليمن عالطريق .
طبعا تغيير الاوضاع بالعراق والازمات الاقتصادية بهاي البلدان وديكتاتورية الانظمة التحكم الدول العربية هاي كلها ادت لهاي النتائج وبلكي وتجينا كفخة هواء منهم ونغير وضعنا الحالي ايضا

[الناسك]

السلام عليكم وشكراً عالموضوع الجميل
والله اليوم دا افكر بأهلنا الي بمصر واكول شر البلية ما يضحك يعني لهناك وما خلصوا من الاضطرابات واللغاوي
يعني بعد وين يروح العراقي ياربي
النصر والعزة للشعب المصري العربي البطل والنفاذ والى مزبلة التاريخ لكل نظام دكتاتوري وراثي .
الناسك

[ســـرى]

السلام عليكم
طبعا انا ايضا عندي صديق مصري وهو بمصر حاليا كان دائما يكلمني عن حالة الفوضى التي عمت العراق واعمال السلب والنهب وما شابه وكنت ارد عليه لو الحالة الصارت بالعراق صايرة بمصر كان سويتوا اكثر والاخ يرد لا يا عم احنا مش زيكوا احنا بنحب بلدنا ومن هالخريط هسه من شفت اللقطات بالتلفزيون برد قلبي وعرفت بان الصار بالعراق ما يجي ربع الربع من اللي المصريين يسووه والدليل تمركز فرق مكافحة الشغب واغلب وحدات الجيش الان بشارع يضم المصارف المصرية واسواق الذهب ومقر البورصة يعني الناس راح تهجم على هالمواقع ويصير الفرهود ههههههههههههههههه . وايضا الرئيس العراقي وان كنا نكرهه وظالم وطاغية وكل الصفات الموزينة بيه ولكنه بالاول والاخير يبقى عراقي وطلع اشجع واشرف من رؤساؤهم بالرغم من ان الامارات يمكن وقطر بوقتها عرضوا على صدام يترك العراق ويروح الهم هو وعائلته بس بالاخير بقى بالعراق والقي القبض عليه وانعدم مو مثل رئيس تونس اللي هرب بليلة ظلمة وعاف بلده يتخبط وايضا الظاهر حسني مبارك راح يتخذ نفس القرار . وهذا مو تمجيد او حب بصدام ولكن هذا اكبر دليل على انه العراقي من المستحيل ينهزم من موقف مهما كان وكانت نتيجته . الفرق الوحيد انه الشعب التونسي والمصري هو بنفسه اللي قام وسيقوم بالتغيير واكيد اكو بعد من دولنا العربية راح تطولها رياح التغيير واليوم سمعت بان سوريا قطعت خدمة الانترنيت وما اعرف بعد يا دولة وراها والسودان قبلهم صارؤت 2 واليمن عالطريق .
طبعا تغيير الاوضاع بالعراق والازمات الاقتصادية بهاي البلدان وديكتاتورية الانظمة التحكم الدول العربية هاي كلها ادت لهاي النتائج وبلكي وتجينا كفخة هواء منهم ونغير وضعنا الحالي ايضا

لانه الفوق الوحيد بيننا وبينهم انه رئيسنا خبل رسمي وعنده جنون العظمة وراد يظل القائد الضرورة والمفكر التأأأأأأريخي

وما همه الشعب اللي انسحق والحرب اللي صارت ولو طالع حاله حال العالم جان هواية امور تغيرت


اني احترم اللي يطلع من بلده لمن يعرف انه عهده انتهى والناس ما تريده


تحياتي

[kunda]

اللهم لاشماتة اللهم لاشماتة
بس حيل والف حيل وابو زايد بكل نظام عربي دكتاتوري خايس .. وهذا يؤكد انه الشعب العراقي اللي يتكون من كذا قومية وطائفة على الرغم من المأسي والمظالم والفقر والجوع اللي تعرض لها على مدى سنوات طلع أشرف وارقى واثقف من هواية شعوب .
شوفوا هسه الحواسم بالتلفزيون أيباه مااشبه الامس باليوم وهاي فعلا على كلام أحد الاخوان جزء من حوبة العراقيين .

[willpower]

تحيه للشعب التونسي و المصري.

صحيح اكو ناس سلابة و موزينين بمصر .وبالعراق هم اكو.. بس والله عمي طلعو ابطال و شجعان و التونسيين همينه هم مثال للشعب الجري و الشجاغ... اشجع من العراقيين بهوايه . المصريين بتظاهراتهم هاي ضد الحكومة طبعا بسبب الاوضاع المعاشيه الكسيفه و بعض الامور الاخرى اتضحو انو هم ابطال... بصراحه اكثر شجاعه من عدنه احنه العراقيين. احنه ما عدنه جرائة و شجاعه. شعب الشقاق و النفاق. وما عدنه هاي الروح الي عند التونسيين و المصريين.

بالعراق شغل ماكو و فقر و كتل و سلب و تهديد و بوك و استغلال و نهب ثروات و الناس عايشه برعب و انفجارات و اعمال خطف و اعتقال عشوائي و و و و و ..وكل هذا الناس ساكته  وراضيه ومحد يكدر يخطي خطوة وحدة و يتظاهر او يطلع ضد الحكومة التعيسه مالتنه. بس انطينه حجي فارغ و شعارات وتلكانه انكول يابه شنو الشعب اذا غضب ما يسكت بعد. اذا وصلت حده ما يسكت بعد ههههههههههههههه هي اصلا واصله حده و عابره و احنه الممنونين. و الخير ما يكدر يطلع مظاهرة ضد الحكومه لي راس الشارع من الخوف.

بدون مجاملة اني اسف

[comander]

الف مبرووووووووووك للشعب المصري بمناسبة المضاهرات المطالبة برحيل الإلاه امووووووون هههههههههههه حسني الخفيف كافي جلبت بالحكم من جان جدي مراهق انت رئيس مصر وهسه اني صرت جدوو وانت بعدك ....
المهم الله شاهد اني فرحت فرح مصاير من اشتعلت على حسني اللامبارك الي طفر مع عائلته خارج مصر يله ماإله مكان يلفيه غيـــــر السعودية لان حتكون مزبلة لأقذر الحكام العرب الهاربين من شعووووووبهم ويارب الخير جاي لكل الانظمة الفاسده في الدول العربية والمجاورة للعراق...... لأن كل هاي الدول مقصرت وية العراق والعراقيين الي يدز ارهابيين والي يدز مفخخات والي يدز اكل فاسد والي يسرق اثار ويخليها بمتحف الخلفـــــــــــه على اساس هاي اثارهم
بس احب اكوووووول للدول العربية مــــــــين الي بعدوووووووووو



سلاماً للعراق والعراقيين

[kunda]

والله ياولباور اني همينة مقهور مثلك لو جان صار التغيير من الداخل بالعراق جان احسن بكثير ولو اعتقد كان أدى الى نفس النتيجة الحالية .
حبي كوماندر
عندك هواية مرشحين الاردن ,لبنان,السودان,الجزائر,اليمن, وكذلك سوريا (داخلة انذار طبعا) ,وال سعود مو بعيدين أيضا ,أيران ,المغرب  أقدر اكولك انه دول الخليج الغنية تقريبا في مأمن عن هذه الامور والسبب معروف طبعا هو الرخاء اللي عايشين فيه شعوبها .