حبك زاد حده حبك هجمه مرتده عراقي وهجم علكووول منو يكدر يصده
بالحلم شفتك طيف جذبت العيون
نايم وافكر بيك من اكعد شلون
أسمرسمارك حلووشكد حلو دمك ما اتوب من عشرتك لو انذبح يمك
قلبي اشما اطشرة يرد صامت وروحي من حزنها اعليك صامت اشما اخلي جهازي ابوضع صامت يصرخ من تدك انتة علية
عايش بعيد عنك وكل لحظة افكر بيك صحيح عيوني مشوفك بس كلبي يموت عليك
مشتاقة هاي الروح تسمع حجيكم واعظامي كلها اتنوح تسأل عليكم
..
ناسي ونسيت الناس بس مانسيتك
ولو غبت عن العين بالدم لكيتك
قلبي وكع بالكاع والماشي شاله
مالازم اسمع صوت دزلي رساله
غالي والغالي نوعين الاول بالقلب والثاني بالعين وانتي اغلى من الاثنين
كلك حنان وطيب وكل الحسن بيك كيك وعسل مخلوط وشلون اصفيك
اركض ادور النوم كون اغفى وانساك تاليها صوره وصوت باحلامي الكاك
افتح قناة كلبي وشاهد برنامج غلاك, واسمع خبر عاجل مشتاكلك ياملاك
احط باللبن تيزاب مجبور اشربه
بس لا أشوفك يوم تمشي وية غربه
عاشرت ماخليت كل مذهب وكل دين
مثل الحنان البيك ماشافته العين
نص استكان الجاي سعر الرساله تبخل عليه شبيك هاي العداله
انتة شمسي ونتة همسي انتة حاضري وامسي ونتة اغلى عندي من البيبسي
اهديلك عمري واعتذر من رخص الهديه
ترى العمر يهون لاصحاب القلوب الوفيه
دستور حبك ثبت وبكلبي خط قانون .... واعترف ياصاحبي بحبك صرت مجنون
مساء العسل يامدلل ياورد ابد مايذبل تظل الغالي بعيوني اذا تسال او متسال
مساء الخير يلغالي تراك معذب احوالي عرفتك والكلب خالي سكنته ودمرت حالي
احبك وانا بكماطي يا دكمة من دكم قاطي يا احلى وردة برباطي يا جبن كيري بقواطي
صحيح العسل حلو وأنت من العسل احلى
صحيح العمر غالي لكن شوفتك اغلى
شبكت كلبي أبشيش منك نهيته
تاليها وسط الشيش أسمك لكيته
دخلت مدرسة عشاق وانا بالهوى طالب
وكلما امتحن بالحب اطلع بالعشق راسب
لاتضن هذه رنة رسالة على جوالك ...هذه دكات قلبي تسأل على احوالك
كلمن يكول انساك كله انت مجنون شلون الدرب ينشاف من دون العيون شلونك
كون انكلب صاروخ واشلع سكًفكم وانزل بنص البيت وأصرخ احبكم
لو قسى العالم ادري بكلبك حنون بس لو قسى كلبك وين بلعالم اكون
هم قصف هم قناص هم مدفعية هم شوفت الغالين حسره عليه
لو كلبي لحظه وياك خان بعشرته ازرعله ست عبوات واحرك صفحته
حسبالي هاي الناس خوتها للدوم تاليها لعب اقمار واليخسر يكوم
انت النفس والروح ومن جسمي قطعة والكلب اذا ينساك من صدري اشلعة
هاك اخذ كلشي تريد, شتريد اخذ هاك, لو ردت مني الروح بس حرك اشفاك
.
. نامت اكلوب الناس بس كلبي كاعد, والضغط من فركاك كل ساعه صاعد.
كل الناس طيبين بس انت الك ميزه, دخلت الكلب تهريب لا دعوه ولا فيزا
.
للموت اظلن شاب بالحب و الاحساس, والكلب اخضر دوم لو شيب الراس
.
اريد اسال يادنيا انطيني برهان ليش الي قلبه طيب دوم خسران
اشكيلك الم بالروح ماتخلص شكاوينا
يالحبك يمر كل يوم وانت ولاتمر بينا
عطشانين لعيونك وانت الماي تروينه
اتمنة لو رسام وارسملج عيون بوسع البحر واحتار اصبغهن بيا لون
شسويلك ؟ ازور الكعبة وادعيلك... شسويلك؟اكص من كلبي واشويلك ... شسويلك ؟ افز باليل وابجيلك ...شسويلك ؟ اصير امك و الوليلك... شسويلك؟ ابوس اتراب جدمك وصليلك ... شسويلك ؟اكعد ابابك واغنيلك ... شسويلك ؟ اعوف الدنيا واجيلك
...
الك حن الكلب يا غالي والك مال...وذاب الكلب منهجرك والك مال ...ولاني ناجح بحبك ولا اكمال ... ماانساك هذا محال
بيدك النفط والماي والنار بية وبكيفك انت اختار شتذب علية
بضلوعي احط عبوات و اتعنه بيتك و انتحر يم الباب لو ما لكيتك
طريقي عيونك الحلوه وبيتي كلبك الدافي ضلامي غيبتك عني وصبحي وجهك الصافي
رفرفت مثل الطير روحي على فركاك لا يمي وافرح بيك ولا كادر انساك
لا تضن يوم انساك وأتبرة منك صدكني بس الموت يبعدني عنك
اريد اسئل المشتاك والقلب مجروح الجسد هم يعيش لو هجرته الروح
اتمنى انكلب جكليت وبلسانك العب
واكتب على الشفتين هذا احلى ملعب
من روحي اخاف عليك وبروحي اضمك
وأتعب تعب وياك ماتعبته أمك
حاولت احس بلذت الدنيا وانته موبيها طلعت الدنياماتسوابدون قمر يضويها
كون اشلع الجفنين وبعيني ازرعك وكلما احن واشتاك من عيني اطلعك
!
مرسال منك وصل والكلب حيل ارتاح
نيران كلبي انطفت والظيم كله انزاح
ليتك تحس بنار عاشق قتل نفسه نسى اسمه طفت شمسه ومن حبك صار يسولف ويه نفسه
احبك بكد يونس وهجماته وبكد نور وصداته وبكد هوار وضرباته وبكد نشأت وفيكاته وبكد باسم وكلاته وبكد كل المنتخب ومعجباته
انت كارثة بشرية معزتك قنبلة نووية وشوفتك حفلة رسمية وغيابك سكتة قلبية
لولا غلاك ماظني عله الرقم دكيت ولولا المعزه ماكررت الرسايل وحنيت
.
حرت شكتب ياقصيدة وحرت شكتب ياكلام انت لو تعرف معزتك جان ليلك ماتنام
الهم دمر موبايل من يبخل علينا بمسجاته وقلص سنتاته وفجر بطاريته واسقطه من يده الهم اخرس نغمته واعطل رجاجه واضعف شبكته واحرق شاحنه الهم انك سميع مجيب
.
لا تبجي ولا تزعل, ولا تحجي ولا تسأل, وياك اصفي احسابي, و انهي قصتي و أرحل
ياويلي من غلاكم .. ذاب قلبي من وراكم .. الناس تغرق بالبحر .. واني غرقان بهواكم
حياتي برد وسراب جوعان مشتهي كباب اتمنى اشوفك عالباب ابوسك وارجع شباب
تضل عبرتك بيه ليوم موتي *** واضحك من چذب واني الجاي موتي *** اتمنى برصاصة ويجي موتي*** ولا اشوف احبابي يروحون من ادية
كالو تشوف أحباب من ترف عينك
ورفت عليك العين بس انته وينك
اصرخ ولم الناس وجمع عمامي من عندي قلبي أنباك ونت الحرامي
دقات قلبي ترتفع والضغط يصبح عالي من ترسل انت مسج من تسال على حالي
شتاقة لعيونه والشوق وصل حده..اتمنى اصير رياح واتحارش بخدك
..
كون انكلب جفجير وبنص جدركم
وأكتب بكل ماعون والله أحبكم
تراب احط بالعين واعدم نظرها الروح اذا تنساك اكطع خبرها
*
كل الهواتف تدك
بس هاتفك ميرن
مدري الخلل بالشحن
مدري القلب ميحن
لو املك عصا الساحر واحقق جنه احلامي اول امنيه بقلبي اشوفك هسه كدامي
مشتاقين يامدلل وعليك اهواي اسأل احبك حيل من تحجي ومن تسكت تصير اجمل
صعب أن ينتهي الحب الصادق نتيجه لأمر تافه
الأصعب أن يستمر الفراق لأن كل طرف ينتظر إشاره الرجوع من الآخر
اسهر واعوف النوم واصبحلك عيون
يل بالقلب موجود نسيانك شلون
