ܢܥܘܡ ܦ̮ܝܩ
ܚܐܠܗ ܠܐܘܡܬܘܗ ܘܡܬܠܗ ܡܛܠ ܕܐܘܡܬܘܗ
ܒܣܝܩܘܡ 5 ܝܪܚܐ ܕܫܒ̣ܛ 2012 ܝ̣ܠܗ ܕܟ̣ܪܐ ܕ 82 ܥܠ ܫܘܢܝܐ ܪܡܙܐ ܘܡܗܕܝܢܐ ܐܘܡܬܢܝܐ ܡܠܦܢܐ ( ܢܥܘܡ ܦ̮ܝܩ ) ܒܐܬܪܐ ܕܓܠܘܬܐ ܐܡܪܝܟܐ ،
ܐܚܘܢܘܬܝ̣ ܒܐܘܡܬܐ ؛ ܐܗܐ ܡܠܘܐܐ ܠܝܠܐ ܚܕ ܦܘܫܩܐ ܦܘܠܛܝܩܝܐ ܝܢ ܬܚܡܢܬܐ ܦܪܨܘܦܝܬܐ ܥܠ ܚܝ̈ܐ ܕܡܢܚܐ ܐܝ̣ܢܐ ܝ̣ܠܗ̇ ܡܢܗܪܬܐ ܕܚܒ̣ܫܐܝ̣ܠܗ̇ ܒܓܘܗ̇ ܡܐܡܪ̈ܐ ܘܥܒ̣ܕ̈ܐ ܘܗܲܕܝܵܬ̈ܐ ܕܦܝܫܐܝ̣ܢܐ ܡܘܦܠܚܐ ܒܝܕ ܐܓ̣ܘܢܘܣܛ̈ܐ ܫܪܝ̣ܪ̈ܐ ܓܘ ܚܩܠܐ ܕܦܠܚܢܐ ܐܘܡܬܢܝܐ ܐܕܝܘܡ ܝܘܡܐ ܘܒܚܕ ܪܘܚܐ ܡܠܝܬܐ ܡܢ ܚܘܬܬ̣ܐ ̣ ̣ ܘܗܪܟܐ ܦܝܐܫܐܝ̣ܘܢ ܡܦܘܠܓ̣ܐ ܐܗܐ ܡܠܘܐܐ ܥܠ ܬܠܬ̣ ܣܡ̈ܐ ܐܢܝ ܕܡܓܘܒܝܐܠܝ̣ ܡܢ ܟܬܒ̣ܐ ܕܝ̣ܠܗ ܬܚܘܬ ܫܡܐ ( ܢܥܘܡ ܦ̮ܝܩ ، ܕܟ̣ܪܐ ܘܡܩܲܘܝܵܢܘ̣ܬ̣ܐ ) ܒܩܠܡܐ ܡܘܪܕ ܦ̮ܘܐܕ ܚܩܝ̣ ܒܠܫܢܐ ܥܪܒܝܐ ܘܒܣܒ̣ܪܐܝ̣ܘܢ ܗܘܝ ܓܲܠܝܵ̈ܐ ̣ ̣
ܣܪܛ̈ܐ ܥܠ ܡܘܠܕܗ ܘܓܠܝܘܢ̈ܗ ؛ ܒܪܐܝ̣ܠܗ ܡܠܦܢܢ ܪܒܐ ܢܥܘܡ ܦ̮ܝܩ ܒܪ ܐܠܝܣ ܒܪ ܝܥܩܘܒ ܒܝܪܚܐ ܕܫܒܛ 1868 ܠܡܪܢ ܒܡܕܝ̣ܢ̄ܬܐ ( ܐܡܕ ) ܕܡܥܢܝܘܐܝ̣ܠܗ ( ܦܪܝ̣ܩܐ ، ܫܪܝ̣ܛܐ ) ܘܦܝܫܐܝ̣ܠܗ ܡܫܘܚܠܦܐ ܐܗܐ ܫܡܐ ܐ̄ܣܘܪܝܝܐ ܥܠ ܠܫܢܐ ܬܘܪܟܝܐ ܗܘ ܕܝ̣ܠܗ ܐܕܝܘܡ ܝܘܡܐ ( ܕܝܪ ܒܟܪ ) ̣ ̣ ܫܢ̄ܬܐ 1881 – 1889 ܒܠܓܠܗ ܡܠܦܐܢܐ ܒܩܪܝܢܐ ܘܝ̣ܠܦܐ ܠܫܢ̈ܐ ܐ̄ܣܘܪܝܝܐ ، ܥܪܒܝܐ ، ܬܘܪܟܝܐ ܘܦ̮ܪܢܣܝܐ ܘܗܪ ܗܕܟ̣ ܩܪܝܬܐ ܕܥܠܡ̈ܐ ܐ̄ܚܪ̈ܝܢܐ ܐܟ̣ ܡܢܝܘܬܐ ܘܝܘܠܦܢ ܟܝܵܢܵܝܘ̣ܬܐ ̣ ̣ ܫܢܬ̄ܐ 1908 ܫܘܬܐܣܠܗ ܐܗܐ ܛܢܢܐ ، ܟܢܘܫܬܐ ܓܘ ܬܘܪܟܝܐ ܬܚܘܬ ܫܡܐ ( ܥܝ̣ܪܘܬܐ ) ܘܒܬܪ ܗܕܐ ܦܪܣܠܗ ܥܠ ܣܦܪܝܘܡܐ ( ܟܘܟ̣ܒ̣ܐ ܕܡܕܢܚܐ ) ̣ ̣ ܒܝܘܡ 22 ܐܝܠܘܠ 1912 ܚܙܩܠܗ ܢܥܘܡ ܦ̮ܝܩ ܥܠ ܡܕܝܢ̄ܬܐ ܕܒܝܪܘܬ ܘܒܬܬܪܕܟ̣ ܥܠ ܐܬܪܐ ܕܐܡܪܝ̣ܟܐ ܒܝܘܡ 5 ܟܢܘܢ ܩܕ̄ܡܝܐ 1915 ، ܒܫܘܪܝܐ 1916 ܦܪܣܠܗ ܓܠܝܘ̇ܢܐ ܬܚܘܬ ܡܚܲܘܝܵܢܘ̣ܬ̣ܐ ( ܒܝܬ ܢܗܪܝܢ ) ܒܠܫܢܐ ܐ̄ܣܘܪܝܝܐ ܘܬܘܪܟܝܐ ܘܐܗܐ ܓܠܝܘ̇ܢܐ ܦܫܠܗ ܢܦܩܐ ܡܬܚܐ ܕ 13 ܫܢ̈ܬ̄ܐ ̣ ̣ ܘܫܢ̄ܬܐ 1921ܪܐܫܠܗ ܣܝܘܡܘܬܐ ܣܦܪܝܘܡܐ ܕ ( ܚܘܝܕܐ ) ܗܝ ܕܦܫܬܐܝ̣ܘܐ ܦܪܣܬܐ ܒܝܕ ܟܢܘܫܬܐ ܐܬܪܝܬܐ ܟܠܕܝܬܐ ܐܬܘܪܝܬܐ ܠܦܘܬ ܢܝ̣ܫ̈ܐ ܐܘܡܬܢܝ̈ܐ ܘܐܬܪܝ̈ܐ ̣ ̣ ̣
ܥܒ̣ܕ̈ܐ ܕܡܠܦܢܐ ܒܚܩܠܐ ܕܣܦܪܝܘܬܐ ؛
ܐ ـ ܬܪܓܡܬܐ ( ܪܒ̣ܝܥܝܘܬܐ ܥܘܡܪ ܐܠܚܝܐܡ ) ، ܗܘ ܡܚܘܪܐ ܦܪܣܝܐ ܡܫܡܗܐ ܥܠ ܠܫܢܐ ܐ̄ܣܘܪܝܝܐ ̣ ̣
ܒ ـ ܟܬܒ̣ܬܐ ܡܢܝܢܐ ܡܢ ܡܠܘܐ̈ܐ ܐܟ̣ ܛܘܦܣܐ ، ܛܒ̣ܝ̣ܥܵܬ̣̈ܐ ، ܡܕܢܚܐ ܘܓܘܢܚ̈ܐ ، ܘܡܠܘܐܐ ܣܦܪܝܘܡ̈ܐ ܘܝܘܬܪܢܘܗܝ ܗܘ ܕܟܝ ܐܡܪ ܒܓܘܗ ( ܟܠܐ ܟܝ ܝܕܥܝ̣ ܟܕ ܣܦܪܝܘܡܐ ܝ̣ܠܗ ܗܘ ܠܫܢܐ ܡܠܠܐ ܕܟܠܐ ܥܡܐ ܝܢ ܐܘܡܬܐ ، ܘܥܡܐ ܟܝ ܦܐܫ ܝ̣ܕܥܝܐ ܒܣܦܪܝܘܡ̈ܐ ܕܐܝ̣ܬܠܗ ܘܕܠܐ ܣܦܪܝܘܡ̈ܐ ܐܘܡܬܐ ܒܕ ܦܝܫܐ ܪܦܝܬܐ ܘܕܠܐ ܕܟ̣ܪܐ ܘܡܘܬܠܩܬܐ ܠܐܝ̣ܩܪܘܗ ܐܘܡܬܢܝܐ ܘܠܟܠ ܡܝܬܪܘܬܐ ܥܠܡܝܬܐ ܣܦܪܝܬܐ ܘܐܘܦ ܬܫܥܝ̣ܬܢܝܬܐ ، ܘܣܦܪܝܘܡ̈ܐ ܠܹܐ ܗܘܝ̣ ܡܢܬܝܢ̈ܐ ܘܢܨܝ̣ܚ̈ܐ ܐܢ ܠܐ ܥܕܪܝ̣ܠܗ̇ ܩܪܝܢܘܗ ܘܟܠܐ ܒܢܘܢ̈ܐ ܕܐܘܡܬܐ ̣ ̣ ܫܠܡ ) ، ܡܠܘܐܐ ܬܚܘܬ ܫܡܐ ، ܡܐ ܒܛܠܒܐܝ̣ܢܐ ܘܡܐ ܒܛܠܒܐܝ̣ܘܚ ، ܚܢܢ ܘܢܨܝ̣ܚܘܬܐ ܕܒܓܘܹܐ ܬܢܘܝܐܝ̣ܠܗ ( ܠܚܘܡܬܐܝ̣ܠܗ ܒܪܝܸܫܢ̈ܢ ܘܦܩܘܕܸ̈ܢ ܕܚܦܛܝ̣ ܡܛܠ ܡܪܥܫܬܐ ܝܢ ܡܩܝܡܬܐ ܕܐܘܡܬܢ ܘܗܝܪܬܝܗܘܢ ܥܠ ܒܢܝܬܐ ܕܡܕܪܫܝܬ̈ܐ ܘܫܬܐܣܬܐ ܕܡܛܒ̣ܥܝܬ̈ܐ ܘܓܠܝܘܢ̈ܐ ܐܢܝ̣ ܕܐܝ̣ܢܐ ܡܨܥ̈ܐ ܐܣܝ̈ܐ ܘܩܕ̄ܡܝ̈ܐ ܩܐ ܡܲܪܕܲܢܬܵܐ ( ܪܵܕܝܘ̣ܬ̣ܵܐ ) ܗܘܢܐ ܕܙܥܘܪ̈ܐ ܘܓܒ̣ܪ̈ܐ ܡܣܒܒ ܒܗܠܝ̣ܢ ܒܕ ܪܝܡܐ ܘܡܢܬܝܐ ܐܘܡܬܢ ̣ ܘܗܕܟ̣ܐ ܒܕ ܡܗܕܪܝ̣ ܐܢܝ̣ ܦܩܘܕ̈ܐ ܠܚܕ ܥܡܡܐ ܐܝ̣ܬܠܗ ܡܨܥܝܬ̈ܐ ܠܦܪܡܘܝܐ ܚܕ ܠܗܘ ܐ̄ܚܪ̄ܝܢܐ ܘܠܡܛܝܐ ܠܚܘܝܕܐ ܘܗܪ ܒܗܢ ܥܕܢܐ ܝܲܕܥܝ̣ ܠܘܠܝܬ̈ܝܗܘܢ ܠܘܩܒܠ ܐܘܡܬܝܗܘܢ ܘܐܬܪܝܗܘܢ ܘܠܫܢܝܗܘܢ ̣ ̣ ܫܠܡ )
ܡܐܡܪ̈ܐ ܡܥܒܕܢ̈ܐ ܕܡܠܦܢܐ ܢܥܘܡ ܦ̮ܝܩ ؛
ܐ ـ ܒܬܠܬ̣ ܟܝ ܚܝܐ ܐܘܡܬܐ ؛ ܩܠܡܐ ܕܟܬܒ̣ܐ ، ܒܝܬ ܓܙܐ ܕܬܓܪܐ ، ܚܩܠܐ ܕܐܟܪܐ
ܒ ـ ܥܠܝܡܐ ܕܓܒ̣ܪ ܡܢ ܢܩܒ̣ܐ ܢܘܟ̣ܪܝܬܐ ܟܝ ܬܵܝܹܟ ( ܡܢܚܣ ) ܐܘܡܬܘܗܝ
ܓ ـ ܗܘ ܕܠܐ ܩܪܐ ܒܠܫܢܘܗܝ ܠܐ ܝܐܕܥ ܠܡܐ ܐܬܒܪܝ̣
ܕ ـ ܝ̣ܨܦ ܒܬܠܬ̣ ؛ ܒܝܬܘܟ̣ ، ܐܘܡܬܘܟ̣ ، ܐܬܪܘܟ̣
ܗ ـ ܕܥܬܝ̣ܕܢ ܝ̣ܠܗ ܒܐܝ̣ܕܬ̣̈ܐ ܕܫܒ̣ܪ̈ܢ ܡܣܒܒ ܐܝ̣ܠܘܢ ܓܒ̣ܪ̈ܐ ܕܨܦܪܐ ( ܩܘܕܡܐ )
ܘ ـ ܚܘܝܕܐ ܕܐ̄ܣܘܪܝܝ̈ܐ ܝ̣ܠܗ ܦܘܪܩܢܐ ܡܢ ܙܠܝ̣ܠܘܬ̣ܐ
ܒܚܘܬܡܐ ܕܐܗܐ ܡܠܘܐܐ ܩܪܝܢ̈ܢ ܡܗܝ̣ܪ̈ܐ ܘܵܠܹܐ ܝ̣ܠܗ̇ ܕܝܕܥܝ̣ܬܘܢ ܟܕ ܡܠܦܐܢܢ ܪܒܐ ( ܢܥܘܡ ܦ̮ܝܩ ) ܐܝ̣ܬܠܗ 34 ܟܬܒ̣̈ܐ ܡܦܘܠܓ̣ܐ ܒܝܢܬ ( ܠܟܣܝܩܘܢ ، ܬܪܓܡ̈ܐ ، ܡܡܠܠ̈ܐ ، ܡܚܪ̈ܐ ، ܡܟܪܙܝܬ̈ܐ ̣ ̣ ̣ ܘܫܪܟܐ ) ̣ ܐܗܐ ܝ̣ܗܘܐ ܚܕܐ ܓܕܡܬܐ ܟܪܝ̣ܬܐ ܥܠ ܚܝ̈ܐ ܕܡܢܚܐ ܡܬܘܡܝܐ ܘܡܠܦܢܐ ܛܢܢܐ ( ܡܪ ܩܝ̣ܪܬ ) ܢܥܘܡ ܦܝܩ ܒܦܘܪܣܐ 82 ܫܢ̈ܬܐ ܥܠ ܕܟ̣ܪܘܗܝ ܕܝܑ̣̇ܘܢ ܫܩܝ̣ܠܘܗ ܡܢ ܟܬܒ̣ܐ ܒܠܫܢܐ ܥܪܒܝܐ ܬܚܘܬ ܫܡܐ ( ܢܥܘܡ ܦ̮ܩ ، ܕܟ̣ܪܐ ܘܡܩܘܝܢܘ̣ܬ̣ܐ ) ̣ ̣ ̣
ܓܵܘܟ̣ ܗܘܐܠܝ̣ ܘܓܘܟ̣ ܒܥܝ̣ܢ ܡܝܬܝ̣ܢ ܘܒܣܒ̣ܪܐܝ̣ܘܢ ܬܚܘܬ ܥܦܪܘܟ̣ ܦܐܫ ܛܘܡܪܐ ܓܘ̣ܫܡܝ̣
ܢܥܘܡ ܦ̮ܝܩ
ܐܒ̣ܝܐ ܐܒ̣ܪܗܐ
ܡܠܒܘܪܢ
Ramin12_79 @yahoo.com
