ܠܐܦ̈ܝ ܡܝܩܪܘܬܗܘܢ ܕܗܕܡ̈ܬܐ ܘܗܕܡ̈ܐ ܕܐܝܩܪܬܗ ܕܡ

[A D O]

ܡܛܟܣܬܐ ܐܬܘܪܝܬܐ ܕܝܡܩܪܛܝܬܐ
Assyrische Demokratische Organisation (ADO)

ܠܐܦ̈ܝ ܡܝܩܪܘܬܗܘܢ ܕܗܕܡ̈ܬܐ ܘܗܕܡ̈ܐ ܕܐܝܩܪܬܗ ܕܡܢܚܐ ܢܝܢܘܣ ܐܚܐ ܓܘܢܐܝܬ، ܠܒܪܬܙܘܓܐ، ܠܒܢܘ̈ܗܝ ܘܠܒܢ̈ܬܗ ܦܪܝܫܐܝܬ،

ܫܘܒܚܐ ܠܡܪܝܐ، ܟܕ ܢܒܝܘܬܐ ܠܓܕܫܐ ܗܢܐ ܣܗܕܐ. ܚܕ ܡܢ ܡܫܬܐܣܢ̈ܐ
ܕܡܛܟܣܬܐ ܐܬܘܪܝܬܐ ܕܝܡܩܪܛܝܬܐ ܗܘܝܬ، ܕܐܦ ܒܝܘܡ ܡܘܠܕܗ̇ ܗܘܐ ܫܘܢܝܟ.

ܛܒܐ ܡܚܫܢܐ ܕܥܘܢܕܢܗ ܕܡܢܚܐ ܚܫܝܫܐܝܬ ܢܦܠ ܒܐܕܢ̈ܝܢ، ܐܟܡܐ ܕܢܦܠ ܡܟܪܙܢܐ ܕܐܬܘܪ ܡܢ ܐܣܛܘܢܪܐ ܠܘܝܢ. ܒ15 ܬܡܘܙ 6763 ܐܬܘܪܝܬܐ 2013 ܡܪܢܝܬܐ ܐܬܬܒܪ ܠܗ ܠܫܝܦܘܪܐ ܕܢܘܚܡܐ ܘܕܚܘܕܬܐ ܕܡܬܐ ܕܐܬܘܪ، ܙܪܥ ܠܪ̈ܓܫܐ ܕܚܫܐ ܘܕܟܪܝܘܬܐ ܒܠܒܘ̈ܬܐ ܕܟܘܠ ܪܒ ܘܙܥܘܪ. ܒܗܢܐ ܝܘܡܐ ܫܒ ܠܗ ܐܝܠܢܐ ܕܡܦܪܝܢܘܬܐ، ܫܒܩ ܠܕܘܟܬܐ ܣܦܝܩܬܐ ܒܣܕܪ̈ܐ ܕܐܬܘܪܝܘܬܐ. ܒܗܢܐ ܝܘܡܐ ܕܥܟ ܠܗ ܟܘܟܒܐ ܒܓܠܘܬܐ، ܕܡܨܡܚ ܗܘܐ ܙܠܓܗ ܠܢܝܢܘܝܘܬܐ. ܒܗܢܐ ܝܘܡܐ ܢܦܠ ܠܗ ܢܒܝܐ ܕܐܬܘܪܝܘܬܐ، ܟܕ ܡܬܢܒܐ ܗܘܐ ܒܩܘܝܡܗ̇ ܕܐܬܘܪ ܡܢ ܓܠܘܬܐ. ܒܗܢܐ ܝܘܡܐ ܐܬܬܒܪ ܪܘܡܚܗ ܕܐܓܘܢܝܣܛܐ ܒܐܓܘܢܐ، ܟܕ ܡܕܪܪ ܘܡܩܪܒ ܗܘܐ ܕܐܬܘܪ ܠܩܘܝܡܐ. ܒܗܢܐ ܝܘܡܐ ܢܦܠ ܠܗ ܐܪܝܐ ܐܬܘܪܝܐ ܒܡܕܒܪܐ، ܟܕ ܪܕܦ ܗܘܐ ܠܒܥܠܕܒܒܐ ܕܢܫܕܪܗ ܠܩܒܪܐ. ܟܕ ܥܠ ܡܠ̈ܐ ܗܠܝܢ ܙܩܪܝܢܢ ܘܐܡܪܝܢܢ، ܩܘܠܣ̈ܐ ܥܠ ܐܦ̈ܝ ܬܫܡܫܬܟ ܡܗܕܪܝܢܢ ܘܓܕܠܝܢܢ. ܒܥܠܬ ܫܘܢܝܟ ܡܢ ܥܠܡܐ ܗܢܐ ܥܒܘܪܐ ܚܫܢܢ، ܕܐܬܬܢܝܚܬ ܡܢ ܠܐܘܬܗ ܠܟ ܛܘܒܐ ܝܗܒܝܢܢ. ܟܕ ܡܢ ܥܩ̈ܬܐ ܕܗܢܐ ܥܠܡܐ ܐܬܚܪܪܬ، ܠܐܬܪܐ ܕܡܠܐ ܓܐܘ̈ܬܐ ܠܘܬ ܡܪܟ ܐܬܘܥܕܬ. ܙܠ ܒܫܠܡܐ ܐܘ ܐܓܘܢܝܣܛܐ، ܐܡܘܪܐ ܘܦܘܐܝܛܐ، ܡܩܘܐ ܐ̱ܢܬ ܒܠܒܘ̈ܬܐ ܕܟܘܠܢ ܥܒܝܛܐ. ܟܕ ܒܠܝܬܝܘܬܟ ܪܓܫܝܢܢ، ܕܢܦܠܬ ܚܕܐ ܡܢ ܓܘܢܘ̈ܬܐ ܕܒܢܝܢܐ ܕܐܬܘܪ ܚܙܝܢܢ. ܟܕ ܒܣܒܪܐ ܗ̱ܘ ܣܘܟܝܢ، ܕܢܦܪܥ ܢܘܪܒܐ، ܠܕܘܟܬܝܟ ܕܢܬܡܠܐ ܚܠܡܝܢܢ. ܬܘܕܝ̈ܬܐ ܘܩܘܒܠܛܝܒܘ̈ܬܐ ܥܠ ܐܦ̈ܝ ܬܫܡܫܬܟ ܡܩܪܒܝܢܢ.
ܟܕ ܒܪܘܚܐ ܐܘܡܬܢܝܐ ܘܒܨܒܝܢܐ ܐܠܗܝܐ، ܫܒܩܬ ܠܥܠܡܐ ܗܢܐ ܐܘ ܐܬܘܪܝܐ. ܐܫܩܠܬ ܓܦܐ ܠܥܠܡ ܥܠܡܝܢܝܐ، ܠܐܬܪܐ ܗܘ ܪܘܚܢܝܐ. ܕܒܘܣܡ̈ܘܗܝ ܠܐ ܐܘܦܝܐ، ܛܘܒ̈ܘܗܝ ܠܐ ܦܛܪܝܐ.

ܟܕ ܒܝܕ ܓܦ̈ܐ ܩܠܝܠ̈ܬܐ ܕܪܘܚܐ ܒܥܘܦܝܟ ܘܒܠܘܘܝܟ ܥܡ ܟܘܠܗ̇ ܠܘܝܬܐ ܐܬܘܪܝܬܐ ܫܟܝܚܝܢܢ ܘܠܚܫܐ ܕܐܝܩܪܬܟ ܘܕܐ̱ܚܝܢ̈ܝܟ ܡܫܘܬܦܐܝܬ ܦܠܓܝܢܢ. ܡܢܗ ܗܘ ܕܒܢܦܫ̈ܬܢ ܠܣܒܪܐ ܕܩܝܡܬܐ ܕܚܘܕܬܐ ܘܕܚ̈ܝܐ ܫܪܪ ܡܦܝܣܝܢܢ، ܕܠܢܦܫܝܟ ܡܢܚܬܐ ܕܡܢ ܒܝܢܬܢ ܦܪܫ ܢܢܝܚ ܘܢܚܣܐ، ܒܓܢܘܢܗ ܪܘܚܢܝܐ ܕܡܛܝܒ ܠܓܒܘ̈ܗܝ ܘܠܥܒܕ̈ܝ ܨܒܝܢܗ ܢܒܣܡ، ܚܝ̈ܐ ܢܓܝܪ̈ܐ ܡܫܪ̈ܛܚܝ ܛܒ̈ܬܐ ܘܪ̈ܣܡܝ ܗܢܝܐܘ̈ܬܐ ܥܠ ܟܘܠܗ̇ ܐܝܩܪܬܟ، ܒܢܝ̈ܐ ܘܒܢ̈ܬܟ ܓܘܢܐܝܬ ܢܫܦܥ ܒܪ̈ܚܡܘܗܝ ܫܦܝܥ̈ܐ ܘܚܢܢܗ ܐܠܗܝܐ.

ܪܝܫܐ ܒܣܝܡܐ ܠܐܝܩܪܬܟ ܘܠܟܘܠܗ̇ ܠܘܝܬܐ ܐܬܘܪܝܬܐ

17. ܬܡܘܙ 2013 ܡܪܢܝܬܐ 6763 ܐܬܘܪܝܬܐ

ܡܛܟܣܬܐ ܐܬܘܪܝܬܐ ܕܝܡܩܪܛܝܬܐ