انـذر الـْـشـَـطــّـينــَـــــك نِـذر
ميسـون نـعـيم الـرّومي
الگمـَر هـَـالذاب اوخِجَـلْ ـ من شــافْ دورة حِـسْـنـَه
واتوچـّـه عَ الغــيـَمْ اوسأل ـ لـيـشْ الحـِلـو ايـغـازلنـَه
ادمـوعْ (كـتـّـت مِـن بـِچـَه) ـ والغـيـمْ يـغـْرفْ مـِنـّــه
واتـْـمايـَلْ ابـْـوردَه اوشـِـهـَگْ ـ چـنــّه الحلو من عدنـَـه
فـَرّاشـَه واتـرفْ بالجـِنـحْ ـ والـجـِنـحْ بـيـهـه اتـغــَـنـّـه
فـخـتـايـَه گــوگــَتْ : يـاهـلــَه ـ خِـطارْ گالـَتْ عـِدْنــَـه
والــْـبلـبـِـلْ الغـَنـَّـه ابـْـفـَرَحْ ـ غِــنـوة عِـشِــگْ هـالغـنـّـه
والـنـاي هـالگامْ اوعـزفْ ـ مـَحـلـَـه الـعـِـزفْ بي ونـّـه
يـِـتمايَــل اويـمْـشي ابغنج ـ لــِـيـلو اويـضـاحِـك سِـــنـّـه
والعـيـنْ چـَنْ لونْ العـَسلْ ـ اسهامْ اوحَـربـْهـه اتـْـشـنـّـه
والعِـشِـبْ هـَـالباسْ الجـِـدم ْ ـ جـِـدمْ الــوطـن بي حنـّـه
ياحـِلــُو يالــْـكِـلــّــك دفـو ـ والـدفـو ابـحـضْنـَـكْ جـَـنــّه
ـ (حـضـنْ العراق) الـمـابـَعـدْ ـ غـيـرك أحـنـّي الـحِـنـّـه
يـاگـاعَـكْ اتـفـوحْ الـمـسِــچْ ـ بـيـهـَـه الأمَـلْ يــِـدفِـنــّـه
مـِتــْغاوي يالأســمـرْ ولك ـ بـهـــواكْ واتـْشَــرْبـَـكـْـنــَه
وانـْذر الشــطـّـيـَنـَـكْ نِـذر ـ وازحَـفْ زحِـفْ واتـعـنــّـه
ـ (عـبـّـاس) خـِـبـْـزَكْ مابـرد ـ بـيـه الـوفـَه ابـخـبزتـنـَـه*
(هـودرْ هـواچَـن ياگِـطـَه) ـ فـَيـچـَـنْ حَـدرْ سِـنــْبـِلـنـَـه
واشـْــمـوعْ صـينـيـّـه اعـلـَگـِتْ ـ والـيـاسْ من يــاسـتـنـَـه
واتـْـرابـَـكْ الـعـيـَني كِـحِـلْ ـ وارمـوشي بي تِـتـْـمَـعـْـنـَـه
ادخـيـلْ بـخـْـتـَـك ياجـبـَـلْ ـ والبـَخَـتْ بـيـك اوسـِـنـّــه**
يالحـدر جـِنـْحانـَكْ شـَـعـَـبْ ـ قـوسْ الـقـزَحْ يـتــْغـَـنــّـه
والـفـَــنْ بــِـدَه مـنـّـك بـدَه ـ (اجـواد الســـلـيـم) اوفـَـنـّـــه
ياشـَهْريـارْ اسـْــمَـكْ قـِـصَـصْ ـ لـيـلـَـه اوإلِـف واكــْتـَـبـْنـَـه
نـواّس وابـشِـعـْرَه سِــكـَـرْ ـ عَ الـغـَـزَلْ حـَرْبـَـه اوشـَـنـّـه
ـ (بـغــــــداد) يـاأم الـوفـَـه ـ مِـنـهـَـه الـوفـَــه ابـْـنـَخـْـلـَتـْـنـَـه
ياحـَيــفْ هَـدمـْهـه (الـتـتـر) ـ والـفـاسْ مـن ديـرَتــْـنـَـه
والشـَـمِـسْ بـعـراقــي شـَــمِـسْ ـ وابـْـنـورهـَـه اتـشـَـمـّـسـنـَـه
الگــمـَـر هـَـالــذابْ اوخِجـَـل ـ من شـــافْ دورَة حِـسـْـنــَـه
ـــــــــــــــــــــــــــــــــــــــــــــــــــــــــــــــــــــــــــ
*خـبـز الـعـبـّــاس
**طريق او منهج
آب / 2013
ســـــتوكهـولم
