شعر غنائي آخْ الگـمـَرْ لا يالگـمَرْ

[ميسون نعيم الرومي]

شعر غنائي
 
آخْ الگـمـَرْ لا يالگـمَرْ
ميسون نعيم الرّومي
 
لـَگــْعـدْ عـلى دَرْبْ اليـِمـرْ – واتـْنـَطــَرَه ايـهـلْ الگـمـَرْ
اتـْـنـَطــَرَه بـَلكـَتْ يــِمـرْ – لـيـلـيـَّه والـْحـَد الفـجــرْ
گـمـَرْنـَه بـي فـَدْ شـارَه
بـاگــَتـَّـه مـنـّي الجـارَه
گـمـَرْنـَـه كـلـّـشْ قـاســي – خــلاّني أَحـْچـي اوبالشـــعـرْ
يـَمـْـتـَه تـِهـلْ عـيـَنـي الگــمـَرْ
************
فـَزّ الگـمـَرْ نـِـصْ الليـلْ – صـاحـَتْ النـَجـْمـَه يـا ويـَـلْ
رايـِحْ  گـمـَرْنـَه اوما إجـَه – يـمْـكـِنْ خـذاه نـَجـِمْ اسـْهـيـَـلْ
الويـلْ صاحـَتْ ياويـَـلْ
هذا الحـَچـي هـَدّ الحـيـَـلْ
ضايــِعْ گـمـَرْنـَه بـالسـمـَه – حـِصـَتـْنـَه مـِنـَّه بـَس سـَهـَرْ
وَگــّفْ اشـْوَيـَّه يـاگـمـَرْ
************
گـمـَرْنـَه عـالي بـَذاتْ – گـاعـِدْ ايـوَزْعْ بـوسـاتْ
جـيـَتْ اسـألـَه خـَلــَّه اوراحْ – لـِزمـَنْ سـرَه يـَبـْنـَيـاتْ
إتـْهـَدَه واگــْعـدْ ياگـمـَرْ
اشـْكـيـكْ لـَ الله امـنْ القــَدرْ
چـِنـتْ اعـْتـقـدْ انـْتَ التـبـرْ – مـَغـْشـوشْ واعـْيـارَكْ صـفـرْ
ويـَنْ انـْتَ رايـحْ ياگـمـَرْ
************
ليـَشْ انـْتَ خـايـنْ ياگـمـَرْ ؟ – تـِتـْمـايـَـلْ اوتـِمـْشـي اوتـِـفـرْ ؟
مـِنـَّكْ خـِذوْ كـلْ السـِـحـرْ – نـوبـَه شـگـرْ سـاعـَه ســمـرْ
اهـلال نـوبـات اوبــَـدر
آخْ الـگـمـَرْ آخْ الـگـمـَرْ
أَشـكـيـكْ مـنـَّـكْ للبـَشـَرْ – مـلـّيـت أنـه امْـن الصـبـرْ
ادْخـيـلْ بـَخـْـتـَـكْ يالگـمـَرْ - اتـْنـَطــَرَكْ يـَمـْـتــَه تـمـرْ
لـَگــْعـدْ عـلى دَرْبْ اليـِمـرْ
آخْ الـگـمـَرْ آخْ الـگـمـَرْ
***********
نوفمبر / 2013
ســـــــــــتـوكـْهـولـمْ