كالولي طول بالك
صهيب السناطي
كالولي طول بالك وانت تشوف التغيــــــــــــــــــــــــــــــــــــــــــر
انت بس انتخبنا وراح تشوف كل الخيـــــــــــــــــــــــــــــــــــــــر
اني هم صدكت حجيهم وكلت عندالله كلشي يصيــــــــــــــــــــر
اثاريهم هما هما ليورا وحالهم مثل بول البعيــــــــــــــــــــــــــــر
يا خير الاجانا منكم غير القتل والسلب والتهجيـــــــــــــــــــــــــر
لك ناس ما عدها إيمان ما تملك ذرة ضميــــــــــــــــــــــــــــــــر
همهم بس بالكرف وحياتهم كلها تبذيــــــــــــــــــــــــــــــــــــــر
لقوة ومال الشعب بالجملة الجبير ويا الصغيـــــــــــــــــــــــــــــر
يا قانون هذا ويا عرف الخاين صاير وزيـــــــــــــــــــــــــــــــــــــر
واليصب الجاي البارحة اليوم صاير مديـــــــــــــــــــــــــــــــــــــر
هذا حال المحاصصة المجرم يتحكم بالمصيــــــــــــــــــــــــــــــر
يبنون قصور بالملايين والشعب عايش على الحصيـــــــــــــــــــر
هذه هي الحرية وهذا حال الشعب المريـــــــــــــــــــــــــــــــر
الدول تبني مترو الإنفاق واحنا لساتنا نتنقل على الحميــــــــــر
وإذا ساعتين طول المطر عدنا تلكانا نجدف على السريـــــــــــر
وما عدنا شى للشعب يستورد كلشي الي عدنا بس للتصديــر
وخيراتنا للغريب مجانا وبليا حساب وبليا تقديــــــــــــــــــــــــــر
واحنا فتافيت نأكل ونسكت وحتى خبزنا من الشعيــــــــــــــــر
وحتى الماي النشربة يتقطر بالحلك تقطيــــــــــــــــــــــــــــر
كله هذا الاجانا من الغرب بحجة التحريـــــــــــــــــــــــــــــــــــر
يا تحرير التسولف بيه واحنا واحدنا ميت فقيـــــــــــــــــــــــــــر
شوكت تصحى يا شعب دصحى وحاسب الشريـــــــــــــــــــــر
واطلب العذر من الوطن على كل هذا التقصيـــــــــــــــــــــــــر
ترا ما ظل شى بالعمر العمر كلش قصيــــــــــــــــــــــــــــــــر
وخلونا نمحي الطائفية وبالحب نكمل المسيـــــــــــــــــــــــــر