استفسار بخصوص الكفاله الكنائسيه

[hishamalamri]

السلام عليكم شباب عندي كم استفسار بخصوص الكفاله الكنائسيه للعلم اني عندي اخويه عايش بكندا

1- يصير اخويه يروح للكنيسه يسويلي كفاله كنائسيه علما احنه مسلمين مو مسيحيين
2- شنو مميزات الكفاله الكنائسيه عن الكفاله الخماسيه ومنو افضل

[كاية]

و عليكم السلام اخوي hishamalamri
 اخوية حسب معلوماتي المتواضعة , اي يصير اخوك يقدم لك على كفالة كنائسية و حتى لو انت مسلم , لان الكفالة لكل الاديان و ليست حصرا للمسيحيين ...
 وبالنسبة لمميزات الكنائسية هي انها اسرع من الخماسية و ذلك لان الكنائسية تحتاج بيها لكفيل واحد و موافقة كنيسة او منظمة معتمدة من الحكومة الكندية , بينما الخماسية تحتاج الى 5 كفلاء و هي تتأخر لان الحكومة الكندية تقوم بتدقيق اوضاع الكفلاء الخمسة بدقة من الناحية المادية و قدرتهم على الكفالة ....
الاخت كنداوية نزلت موضوع بيه شرح مفصل عن الكفالات الخماسية و الكنائسية , ادخل و شوفه واكيد راح تتكون عندك فكرة مناسبة عن الموضوع

اخوية مثل ما قلتلك هالمعلومات حسب معرفتي , و يا ريت الاخوة يزودوك بالمعلومات الدقيقة بشكل اكثر ....

اتمنى لك كل التوفيق يا رب
تحياتي لك
كاية

[شمعه ونور]

السلام عليكم شباب عندي كم استفسار بخصوص الكفاله الكنائسيه للعلم اني عندي اخويه عايش بكندا

1- يصير اخويه يروح للكنيسه يسويلي كفاله كنائسيه علما احنه مسلمين مو مسيحيين
2- شنو مميزات الكفاله الكنائسيه عن الكفاله الخماسيه ومنو افضل

 نعم اخي يجوز ان يقدم اخوك على طلب فتح كافله كنائسيه لك ويجوز ايضا ان يكون اخوك نفسه هو الكفيل المعتمد لدى الكنيسه نفسها  والكفاله الكنائسيه  اسرع من الكفاله الخماسيه  ..  ولكن  ..  اذا كنت داخل العراق  لا تستطيع التقديم على الكفاله الكنائسيه لان من شروطها ان تكون حاصل على ورقة او كارت او بطاقة اللجوء من مفوضية شؤؤن اللاجئين التابعه للامم المتحده ( UNHCR) وهذاذ معناه انك يجب ان تكون موجود خارج العراق في اي دوله من دول الجوار ..


تحياتي

[hishamalamri]

اشكركم اخوان على الرد بارك الله بيكم

[hishamalamri]

زين بلا زحمه تعرفون الاجئ بكندا شكد ينطوه فلوس بالبدايه من يدخل كندا ؟

[شمعه ونور]

زين بلا زحمه تعرفون الاجئ بكندا شكد ينطوه فلوس بالبدايه من يدخل كندا ؟

اخي

اذا كان دخولك الى كندا على نظام الكفالات فليس فيه اي مساعدات او  اموال وانما كل شيء سيكون على حسابك الخاص