ܡܲܘܬܐ ܒܝܼܩܵܪܐ ܝܼܠܹܗ ܚܲܝܘܼܬܐ ܘܚܲܝܘܼܬܐ ܒܟܘܼܦܘܼܬܐ ܝܼܠܵܗ̇ ܡܲܘܬܐ
ܡܠܘ̇ܐܵܐ ܒܝܲܕ ܐܲܪܕܟܼܠܐ ܡܗܝܼܪܐ ܪܵܒܝܼ ܚܲܕ̄ܒܼܫܵܒܐ ܣܘܼܠܵܩܐ
ܬܲܪܓܵܡܬܐ ؛ ܥܲܒܼܕܝܼܫܘ̇ܥ ܣܵܗ̄ܕܐ ܝܘܼܚܲܢܐ[/size]
ܣܲܓܝܼ ܡܐ ܕܲܗܘܹܐܠܹܗ ܒܕܲܥܒܲܪ ܒܬܲܫܥܝܼܬܼܐ ܕܲܛܘܼܟܵܣ̈ܐ ܦܘܼܠܝܼܛܝܼܩܵܝ̈ܐ ܓܵܘ ܥܝܼܪܵܐܩ ܘܒܐܲܬܼܪ̈ܵܘܵܬܼܐ ܐ̄ܚܹܪ̈̄ܢܹܐ ܘܒܸܒܪܵܝܐ ܝ̄ܠܹܗ ܐܸܕܝܘ̇ܡ ܒܐܲܬܼܪ̈ܘܵܬܼܐ ܣܲܓܝܼܐ̈ܐ، ܘܒܕܲܥܬܝܼܕ ܒܗܵܘܹܐ ܫܪܵܪܵܐܝܼܬܼ ܒܦܘܼܠܚܵܢܐ ܦܘܼܠܝܼܛܝܼܩܵܝܐ ܘܐܵܦ ܠܐ ܦܘܼܠܝܼܛܝܼܩܵܝܐ ܒܟܠ ܦܘܼܠܚܵܢܐ ܕܝܼܬܠܹܗ ܪܸܡܙܐ ܟܢܘܼܫܝܵܝܐ ܡܐܲܝܟܼ ܛܘܼܟܵܣ̈ܐ ܕܟܘܼܢܵܫܐ ܡܕܝܼܢܵܝܐ ܘܚܘܼܝܵܕ̈ܐ ܕܦܲܠܵܚ̈ܐ ܘܝܵܠܘ̇ܦ̈ܐ ܘܲܥܠܲܝܡ̈ܐ ܘܢܸܫ̈ܐ ܒܸܗܘܵܝܐ ܝ̄ܠܹܗ ܒܸܒܪܵܝܐ ܚܝܵܢܘܵܬܼܐ ܡܢ ܚܲܕ̄ܟܡܐ ܟܵܕܝܼܪ̈ܐ ܠܪܹ̈ܫܘܵܬܼܐ ܘܢܝܼܫ̈ܐ ܕܣܘܼܙܓܪ̈ܘܼܢ ܥܲܠܠܲܝܗܝ̈، ܘܟܹܐ ܒܵܪܹܐ ܒܚܲܕ̄ܟܡܐ ܥܕܵܢܵܬܼܐ ܣܪܲܒܼܬܐ ܕܝܲܡܝܼܢܐ ܕܡܘܼܩܪ̈ܘܼܠܗ̄ܘ̇ܢ ܒܝܹܗ ܫܵܘܬܵܦ̈ܐ ܐ̄ܚܹܪ̈̄ܢܹܐ ܠܣܲܓܝܼܐ̈ܐ ܡܢ ܥܸܠܠܵܬܼܐ ܕܡܲܘܕܝܼ ܠܚܲܕ̃ܟܡܐ ܡܢܲܝܗܝ̈ ܠܥܘܼܕܼܪܵܢܐ ܥܲܡ ܥܸܠܕܒܼܵܒܼ̈ܐ، ܒܚܲܕ̄ܟܡܐ ܓܹܢ̄ܒܵܢ̈ܐ ܬܚܘܼܬ ܡܲܥܒܕܵܢܘܼܬܼܐ ܕܚܵܙܲܝܠܹܗ ܒܢܸܓܼܕ̈ܐ(ܒܓ̮ܘܼܢܓ̮ܵܪ̈ܐ) ܕܦܲܓܼܪܐ ܘܢܲܦ̮ܫܐ ܘܓܸܙܡܐ ܒܡܲܨܦܵܝܬܐ ܕܦܲܓܼܪܐ ܐܵܘ ܡܲܚܪܵܡܬܐ ܡܢ ܡܲܒܘܼܥܐ ܕܪܸܙܩܐ ܘܠܲܚܡܐ ܕܚܲܝܘܼܬܼܐ ܒܐܸܛܪܐ ܕܲܪܕܼܘ̇ܦܝܐ ܘܲܛܪܵܕܼܬܐ ܡܢ ܫܕܲܬܐ ܘܲܫܒܼܝܼܠ̈ܐ ܐ̄ܚܹܪ̈̄ܢܹܐ ܘܡܸܨܥ̈ܐ ܕܠܲܝܬܠܗ̄ܘ̇ܢ ܫܲܦܝܼܪ ܕܘܼܒܵܪ̈ܐ، ܘܝܼܠܵܗ̇ ܨܒܘܼܬܐ ܩܪܝܼܡܬܵܗ̇ ܒܐܸܛܪܐ ܕܲܛܘܼܟܵܣ̈ܐ ܕܸܟܬܵܬܘ̇ܪ̈ܝܹܐ ܛܵܠܘ̇ܡ̈ܐ ܐܵܢܵܝ̈ܐ ܘܩܲܛܠܵܢ̈ܐ، ܘܠܲܝܬܠܗ̄ܘ̇ܢ ܫܒܼܝܼܠܐ ܐ̄ܚܹܪ̄ܢܐ ܫܒܼܘ̇ܩ ܡܢ ܡܵܘܕܲܝܬܐ ܡܐܲܝܟܼ ܕܒܵܥܝܼ ܥܸܠܕܒܼܵܒܲܝܗܝ̈ ܟܲܕܵܒܼܘܼܬܼܐ ܐܵܘ ܫܪܵܪܐ ܘܲܫܡܵܛܬܐ ܒܚܲܕ̄ܟܡܐ ܠܹܘܝ̈ܐ ܕܝܼܠܲܝܗܝ̈ ܥܲܡܲܝܗܝ̈ ܓܵܘ ܦܘܼܠܚܵܢܐ ܒܥܸܠܬܼܐ ܕܦܵܪܩܝܼ ܠܚܲܝܘܼܬܵܝܗܝ̈ ܡܢ ܡܲܘܬܐ، ܘܒܲܥܕܵܢܵܬܼܐ ܐ̄ܚܹܪ̈̄ܢܹܐ ܐܝܼܬܼ ܬܵܡܐ ܦܲܪ̈ܨܘܼܦܹܐ ܕܥܲܒܼܕܝܼ ܥܘܼܕܼܪܵܢܐ ܥܲܡ ܥܸܠܕܒܼܵܒܼ̈ܐ ܡܢ ܨܸܒܼܝܵܢܐ ܕܓܵܐܢܲܝܗܝ̈ ܕܪ̈ܵܚܩܝܼ ܡܢ ܓ̮ܘܼܢܓ̮ܵܪܐ ܕܦܲܓܼܪܐ ܘܢܲܦ̮ܫܐ ܘܓܸܙܡܐ ܒܡܲܨܦܵܝܬܐ ܦܲܓܼܪܵܢܲܝܬܵܗ̇ ܬܚܘܼܬ ܡܲܥܒܕܵܢܘܼܬܼܐ ܕܟܸܣܦܐ ܘܫܘܼܟܵܢ̈ܐ ܣܲܓܝܼܐ̈ܐ ܒܐܘܼܪ̈ܚܵܬܼܐ ܐܘܼܡܵܢܵܝ̈ܐ ܕܡܲܦܠܚܹܐ ܠܗ̄ܘ̇ܢ ܫܘܼܓܼܠܵܠ̈ܐ ܕܫܲܝܢܐ ܘܫܘܼܕܵܥܵܝ̈ܐ ܥܲܡ ܦܲܪ̈ܨܘܼܦܹܐ ܕܝܼܠܲܝܗܝ̈ ܙܲܒܘܼܢ̈ܐ ܒܢܲܦ̮ܫܵܝܗܝ̈ ܠܲܥܒܲܪܬܐ ܘܲܫܩܵܠܬܐ ܠܡܲܝܕܵܥܝܵܬܼܐ ܡܢ ܛܘܼܟܵܣ̈ܐ ܦܘܼܠܝܼܛܝܼܩܵܝ̈ܐ ܕܩܵܢܝܼ ܠܝܼܬܘܼܬܐ ܕܚܲܕ̄ ܦܵܣܘܼܥܬܐ ܩܵܬܲܝܗܝ̈ ܘܲܓܒܼܵܠܬܐ ܐܵܘ ܡܬܵܪܲܨܬܐ ܠܬܸܓܼܡ̈ܐ ܕܡܲܒܘܼܥ̈ܐ ܕܡܲܝܕܵܥܝܵܬܼܐ ܓܵܘ ܕܐܵܢܝܼ ܛܘܼܟܵܣ̈ܐ ܕܲܪ̈ܡܙܠܗ̄ܘ̇ܢ ܥܲܠܠܲܝܗܝ̈ ܒܐܸܛܪܐ ܕܣܘܼܪܓܵܕܐ ܕܥܸܠܕܒܼܵܒܼ̈ܐ ܕܝܼܠܲܝܗܝ̈ ܡܲܡܬܘܼܠܹܐ ܚܲܕ̄ ܩܸܢܛܐ ܥܲܠ ܛܘܼܟܵܣܲܝܗܝ̈ ܠܝܲܬܝܼܪܘܼܬܵܝܗܝ̈ ܒܟܠ ܡܵܐ ܕܦܵܐܹܫ ܒܸܥܝܐ ܡܢܲܝܗܝ̈ ܡܢ ܡܲܝܕܵܥܝܵܬܼܐ ܬܸܓܼܡܵܝ̈ܐ ܠܟܠ ܡܸܢܕܝܼ ܕܒܸܒܪܵܝܐ ܝ̄ܠܹܗ ܒܥܘܼܡܩܵܝܗܝ̈ ܠܲܢܛܵܪܬܐ ܕܙܲܘܥܵܝܗܝ̈ ܦܵܣܘ̇ܥܬܐ ܦܵܣܘ̇ܥܬܐ، ܘܐܵܦ ܟܹܐ ܩܵܝܡܝܼ ܒܝܼ ܫܡܵܛܬܐ ܠܗܲܕܵܡ̈ܐ ܦܪ̈ܝܼܫܹܐ ܘܥܵܒܼܘ̇ܕܹܐ ܘܡܚܲܦܛܵܢ̈ܐ ܒܐܵܢ̈ܝܼ ܛܘܼܟܵܣ̈ܐ ܒܢܝܼܫܐ ܕܕܒܼܵܩܬܲܝܗܝ̈ ܘܲܩܛܵܠܬܲܝܗܝ̈، ܘܡܢ ܓܹܢ̄ܒܐ ܐ̄ܚܹܪ̄ܢܐ ܒܸܩܝܵܡܐ ܝ̄ܠܲܝܗܝ̈ ܫܘܼܓܼܠܵܠ̈ܐ ܫܲܝܢܵܝ̈ܐ ܘܫܘܼܕܵܥܵܝ̈ܐ ܒܐܸܛܪܐ ܕܐܵܢ̈ܝܼ ܡܲܒܘܼܥ̈ܐ ܥܲܡܘܼܠܬܵܢ̈ܐ(ܐܲܠܥܲܡܲܠܝܼܵܐ) ܠܲܦܪܵܣܬܐ ܕܡܲܝܕܵܥܝܵܬܼܐ ܟܲܕܵܒܼ̈ܐ ܥܲܡܛܵܢ̈ܐ ܒܥܘܼܡܩܐ ܕܐܵܢ̈ܝܼ ܛܘܼܟܵܣ̈ܐ ܦܘܼܠܝܼܛܝܼܩܵܝ̈ܐ ܕܝܼܠܲܝܗܝ̈ ܓܵܘ ܢܝܼܫܐ ܕܦܵܝܫܝܼ ܩܪ̈ܝܼܡܹܐ ܒܥܲܡܛܵܢܘܼܬܼܐ ܕܡܲܪ̈ܚܩܹܐ ܠܗ̄ܘ̇ܢ ܡܢ ܫܪܵܪܐ ܠܦܘܼܢܵܝܐ ܕܲܥܒܼܵܕܐ(ܪܲܕ ܦ̮ܸܥܸܠ) ܕܫܲܠܝܼܛܘܼܝܵܬܼ̈ـܐ ܫܲܝܢܵܝ̈ـܐ ܥܲܠܠܲܝܗܝ̈ ، ܘܒܲܚܒܼܘܼܫܝܐ ܕܲܡܕܲܪܫܵܢܘܼܬܼܐ ܠܬܲܫܥܝܼܬܼܐ ܕܐܵܗܐ ܢܸܣܝܵܢܐ ܐܵܓܼܘ̇ܢܵܝܐ ܕܓܲܒ̈ܐ ܘܙܲܘܥ̈ܐ ܕܚܘܼܪܵܪܐ ܐܘܼܡܬܵܢܵܝܐ ܘܐܲܬܪܵܝܐ ܓܵܘ ܦܘܼܠܚܵܢܐ ܦܘܼܠܝܼܛܝܼܩܵܝܐ ܦܵܝܫܝܼ ܦܪ̈ܝܼܫܹܐ ܬܸܓܼܡ̈ܐ ܡܫܲܚܠܦ̈ܐ ܡܼܢ ܗܲܕܵܡ̈ܐ ܡܼܢ ܝܲܩܝܼܪܘܼܬܲܝܗܝ̈ ܘܪ̈ܡܙܵܝܗܝ̈ ܬܲܪ̈ܒܝܼܬܵܢܵܝܹܐ ܘܫܲܦܝܼܪ ܕܘܼܒܵܪ̈ܐ ܕܝܼܬܠܗ̄ܘ̇ܢ ܒܚܲܝܘܼܬܲܝܗܝ̈ ܐܵܢ̈ܝܼ ܥܝܵܕܹܐ ܕܩܵܡ ܩܵܢܝܼܠܗ̄ܘ̇ܢ ܡܢ ܬܲܪܒܝܼܬܲܝܗܝ̈ ܟܸܠܦܵܬܵܝܬܼܵܗ̇ ܘܡܲܚܕܘ̇ܪܐ ܫܵܘܬܵܦܵܝܐ ܕܲܪܒܹܐܠܗ̄ܘ̇ܢ ܒܝܼܵܝܗܝ̈ ܕܦܝܼܫܠܗ̄ܘ̇ܢ ܪ̈ܣܝܼܚܹܐ ܘܲܫܩܝܼܠܗ̄ܘ̇ܢ ܓܝܵܕܹܐ ܒܦܲܪܨܘܼܦܵܝܗܝ̈، ܕܫܲܠܛܘܼܢܹܐ ܝܼܠܲܝܗܝ̈ ܒܝܼ ܥܒܼܵܕܲܝܗܝ̈ ܒܨܘܼܪܬܐ ܓܘܼܒܼܪܬܵܗ̇، ܘܲܒܪܵܒܐ ܡܢ ܥܕܵܢܵܬܼܐ ܒܸܙܟܼܵܝܐ ܝܼܠܲܝܗܝ̈ ܠܡܸܢܕܝܼ ܕܩܵܡ ܩܵܢܝܼܠܹܗ ܡܼܢ ܥܝܵܕܹܐ ܘܛܲܟܼܣ̈ܐ ܐܵܓܼܘ̇ܢܵܝ̈ܐ ܒܚܲܝܘܼܬܲܝܗܝ̈ ܦܘܼܠܝܼܛܝܼܩܵܝܬܵܗ̇ ܐܝܼܡܵܢ ܕܫܵܪܝܼ ܥܲܠܠܲܝܗܝ̈ ܐܲܝܟܸܢܘܵܬܼܐ ܥܲܣܩ̈ܐ ܡܲܦܫܸܡܵܢ̈ܐ ܘܡܐܲܝܟܼ ܕܒܹܐܬܵܝܐ ܝܠܲܝܗܝ̈ ، ܐܝܼܬܼ ܗܲܕܵܡ̈ܐ ܕܣܲܝܒܸܪܝܼ ܠܟܠܲܝܗܝ̈ ܨܘܼܪ̈ܵܬܐ ܕܲܦܫܵܡܬܐ ܘܢܸܓܼܕܐ ܕܦܲܓܼܪܐ ܘܢܲܦ̮ܫܐ ܘܥܲܠ ܟܠܲܝܗܝ̈ ܩܢܵܝܵܬܼܐ ܘܫܘܼܟܵܢ̈ܐ ܕܚܲܝܘܼܬܼܐ ܘܟܹܐ ܡܲܛܝܵܗ̇ ܨܒܘܼܬܐ ܒܝܼܵܝܗܝ̈ ܗܲܠ ܩܒܵܠܬܐ ܕܡܲܘܬܐ ܘܣܲܗܕܘܼܬܐ ܕܠܐ ܩܵܒܠܝܼ ܡܲܣܠܵܝܬܐ ܘܟܘܼܦܘܼܬܼܐ ܘܠܐ ܩܵܒܠܝܼ ܡܣܵܦܝܼ ܠܓܵܐܢܲܝܗܝ̈ ܠܨܹܒܼܝܵܢܐ ܕܥܸܠܕܒܼܵܒܼ̈ܐ ܘܠܐ ܥܲܒܼܕܝܼ ܥܘܼܕܼܪܵܢܐ ܥܲܡܲܝܗܝ̈ ܘܠܹܐ ܝܵܗܒܼܝܼܠܗ̄ܘ̇ܢ ܠܡܸܢܕܝܼ ܕܒܵܥܝܼ ܡܢܲܝܗܝ̈ ܡܼܢ ܡܲܝܕܵܥܝܵܬܼܐ ܘܫܸܡܵܢ̈ܐ ܕܗܲܕܵܢ̈ܐ ܕܛܘܼܟܵܣܐ، ܘܗܵܘܝܼ ܪܵܙܝܼ ܘܩܵܒܠܝܼܠܹܗ ܠܡܲܘܬܐ ܒܲܡܠܲܒܒܼܵܢܬܐ ܘܲܓܙܝܼܪܘܼܬܼܐ ܦܪܝܼܫܬܵܗ̇ ܕܠܐ ܩܒܝܼܠܗ̄ܘ̇ܢ ܕܚܲܝܐ̄ܝܼ ܒܡܲܣܠܵܝܬܐ، ܐܲܢܹ̈ܐ ܝܼܠܲܝܗܝ̈ ܐܵܢ̈ܝܼ ܗܲܕܵܡ̈ܐ ܕܩܵܒܠܝܼ ܠܡܲܘܬܐ ܒܝܲܕܝܼܕܘܼܬܐ ܘܥܲܙܝܼܙܘܼܬܼܐ ܕܢܲܦ̮ܫܐ ܕܗܵܘܝܼ ܡܩܲܘܝܵܢ̈ܐ ܒܚܲܝܘܼܬܼܐ ܕܚܹܪ̈̄ܢܹܐ ܡܼܢ ܝܘܼܒܵܠ̈ܐ ܐܲܬܝܵܢ̈ܐ ܡܐܲܝܟܼ ܟܵܘܟܒܼ̈ܐ ܢܘܼܗܪ̈ܢܹܐ ܘܣܲܛܝܵܢ̈ܐ ܓܵܘ ܫܡܲܝܐ ܕܣܲܗܕܘܼܬܼܐ ܘܲܕܒܼܵܚܬܐ ܒܢܲܦ̮ܫܐ ܠܡܲܩܘܵܝܬܐ ܘܚܵܡܲܝܬܐ ܕܪܹ̈ܫܘܵܬܼܐ ܕܡܘܼܩܪܘܼܒܼܠܗ̄ܘ̇ܢ ܡܵܘܡܝܼܬܼܐ ܕܝܲܡܝܼܢܐ ܥܲܠܠܲܝܗܝ̈ ܕܚܵܡܝܼܠܗ̄ܘ̇ܢ ܡܢ ܟܠ ܚܪܵܒܼܐ ܘܩܐ ܕܚܲܝܐ̄ܝܼ ܐ̄ܢܵܫ̈ܐ ܐ̄ܚܹܪ̈ܢܹܐ ܒܝܼܩܵܪܐ ܘܝܲܕܝܼܕܘܼܬܼܐ ܘܚܹܐܪܘܼܬܼܐ، ܒܡܲܥܢܵܝ ܐ̄ܚܹܪ̄ܢܐ ܒܡܲܝܬܸܬ ܒܝܲܕܝܼܕܘܼܬܐ ܕܚܲܝܸܬ ܡܩܲܘܝܵܢܐ ܗܲܠ ܚܘܼܬܵܡܐ ܕܕܵܪ̈ܐ ܘܙܲܒܼܢ̈ܐ ܒܠܒܵܘܵܬܼܐ ܕܒܢܲܝ̈ ܐܘܼܡܬܘܼܟܼ ܕܫܲܪܪܸܬ ܠܐܵܗܐ ܩܲܘܠܐ ܐܵܘ ܡܹܐܡܪܐ (ܡܲܘܬܐ ܒܝܲܕܝܼܕܘܼܬܐ ܝܼܠܹܗ ܚܲܝܘܼܬܼܐ)، ܐܝܼܬܼ ܗܲܕܵܡ̈ܐ ܬܚܘܼܬ ܡܲܥܒܕܵܢܘܼܬܼܐ ܕܲܫܒܼܝܼܠ̈ܐ ܕܲܦܫܵܡܬܐ ܘܓ̮ܘܼܢܓ̮ܵܪܐ ܦܲܓܼܪܵܢܵܝܐ ܘܢܲܦ̮ܫܵܢܵܝܐ ܐܝܼܡܵܢ ܕܢܵܦܠܝܼ ܠܟܠ ܥܸܠܬܼܐ ܡܐ ܕܗܵܘܝܐ ܡܢ ܥܸܠܠܵܬܼܐ ܡܫܲܚܠܦ̈ܐ ܒܐܝܼܕܵܐ ܕܫܘܼܓܼܠܵܠ̈ܐ ܫܲܝܢܵܝ̈ܐ ܘܫܘܼܕܵܥܵܝ̈ܐ ܕܥܸܠܕܒܼܵܒܼ̈ܐ ܘܡܲܚܲܒܬܵܝܗܝ̈ ܩܐ ܚܲܝܘܼܬܐ ܡܣܵܦܝܼ ܓܵܐܢܲܝܗܝ̈ ܠܨܹܒܼܝܵܢܐ ܕܥܸܠܕܒܼܵܒܼ̈ܐ ܐܲܚܟ̮ܝܼ ܩܐ ܕܦܵܪܩܝܼ ܠܚܲܝܘܼܬܵܝܗܝ̈ ܡܢ ܡܲܘܬܐ ܡܛܠ ܟܹܐ ܩܵܒܠܝܼ ܠܥܘܼܕܼܪܵܢܐ ܥܲܡܲܝܗܝ̈ ،، ܘܟܹܐ ܡܝܲܬܼܪܢܝܼܠܗ̄ܘ̇ܢ ܒܝܼ ܡܨܵܝܵܬܲܝܗܝ̈ ܒܡܲܕܥܝܵܬܼܐ ܠܐ ܐܲܢܸܢܩܵܝ̈ܐ ܘܠܐ ܫܲܪܝܼܪ̈ܐ ܕܠܲܝܬ ܠܗ̄ܘ̇ܢ ܡܲܥܒܕܵܢܘܼܬܼܐ ܠܐܲܡܝܼܢܵܝܘܼܬܼܐ ܕܲܦܝܵܫܬܐ ܕܛܘܼܟܵܣܐ ܚܲܝܠܬܼܵܢܐ ܒܐܝܼܬܼܘܼܬܹܗ، ܘܡܲܢܦܲܠܬܐ ܠܚܲܕ̄ܟܡܐ ܡܢ ܠܹܘܝ̈ܐ ܕܐܘܼܪܚܐ ܕܝܼܠܲܝܗܝ̈ ܪܸܚܩܐ ܡܢ ܡܨܵܝܵܬܼܐ ܕܫܘܼܓܼܠܵܠ̈ܐ ܕܫܲܝܢܐ ܠܲܕܒܼܵܩܬܲܝܗܝ̈ ܒܲܪܩܘܼܒܼܠ ܛܥܵܢܬܲܝܗܝ̈ ܠܲܟܡܵܝܘܼܬܼܐ ܡܼܢ ܓ̮ܘܼܢܓ̮ܵܪܐ ܦܲܓܼܪܵܢܵܝܐ، ܘܡܐܲܝܟܼ ܕܐܵܢ̈ܝܼ ܗܲܕܵܡ̈ܐ ܝܵܕܥܝܼ ܠܲܬܚܘܼܒ̈ܐ ܕܥܘܼܕܼܪ̈ܵܢܲܝܗܝ ܥܲܡ ܡܲܪܕܘܼܬܼܐ ܠܝܲܬܝܼܪܘܼܬܼܐ ܕܥܸܠܕܒܼܵܒܼܐ ܒܝܼ ܡܨܲܝܵܬܼܐ ܒܲܨܘܼܪ̈ܐ ܠܫܘܼܓܼܠܵܠ̈ܐ ܫܲܝܢܵܝ̈ܐ ܕܥܸܠܕܒܼܵܒܼܐ، ܘܡܐܲܝܟܼ ܕܐܵܗܐ ܥܒܼܵܕܼܐ ܘܵܠܹܐ ܕܦܵܝܫܝܼ ܡܘܼܪ̈ܕܢܹܐ ܟܵܕܝܼܪܹ̈ܐ ܦܘܼܠܝܼܛܝܼܩܵܝ̈ܐ ܒܝܹܗ ܡܐܲܝܟܼ ܐܵܢ̈ܝܼ ܗܲܕܵܡ̈ܐ ܕܚܲܝܐ̄ܝܼ ܬܚܘܼܬ ܡܲܥܒܕܵܢܘܼܬܼܐ ܕܠܲܘܡܐ ܘܲܡܚܵܫܒܵܢܬܐ ܕܝܵܬܼܐ ܘܲܪܥܵܫܬـܐ ܒܬܲܢܒܐ ܕܝܼܠܹܗ ܥܲܠܠܲܝܗܝ̈ ܘܥܲܠ ܬܚܘ̇ܒ̈ܐ ܕܲܡܨܵܝܵܬܲܝܗܝ̈، ܘܠܐܲܟܼܐ ܐܝܼܬܠܲܢ ܫܘܼܐܵܠܐ ܕܝܼܠܹܗ ܡܢ ܙܸܕܩܵܢ ܩܐ ܩܵܪܘܼܝܐ ܝܲܕܝܼܕܐ ܡܵܢܝܼ ܝܼܠܲܝܗܝ̈ ܐܵܢ̈ܝܼ ܕܩܵܒܠܝܼ ܒܡܲܘܬܐ ܘܟܹܐ ܝܵܕܥܝܼ ܕܡܲܘܬܐ ܒܝܼܩܵܪܐ ܘܝܲܕܝܼܕܘܼܬܐ ܝܼܠܹܗ ܚܲܝܘܼܬܐ؛؟ ܘܡܵܢܝܼ ܝܼܠܲܝܗܝ̈ ܐܵܢ̈ܝܼ ܕܩܵܒܠܝܼ ܒܚܲܝܘܼܬܐ ܘܟܹܐ ܝܵܕܥܝܼ ܕܚܲܝܘܼܬܐ ܒܟܘܼܦܘܼܬܐ ܝܼܠܵܗ̇ ܡܲܘܬܐ،؟ ܘܲܠܢܝܼܫܐ ܕܲܦܫܝܼܛܘܼܬܐ ܕܦܘܼܢܵܝܐ ܥܲܠ ܕܐܵܢ̈ܝܼ ܫܘܼܐܵܠ̈ܐ ܒܕܵܥܪܲܚ ܠܡܹܐܡܪܐ ܕܐܵܡܘ̇ܡܐ ܥܲܠܝܼ ܒܪܘܼܢܐ ܕܐܵܒܘܼ ܛܵܐܠܸܒ ܕܒܹܐ̄ܡܵܪܐ ܝܼܠܹܗ ܒܝܹܗ ، ((ܒܥܝܼ ܠܒܘܼܪ̈ܟܵܬܼܐ ܡܢ ܟܲܪ̈̄ܣܹܐ ܕܲܣܒܼܝܼܥܠܗ̄ܘ̇ܢ ܒܵܬܪ ܗܵܕܹܝܟܼ ܟܦܝܼܢܠܗ̄ܘ̇ܢ ܡܛܠ ܒܘܼܪܟܬܼܐ ܦܝܼܫܬܐ ܝܠܵܗ̇ ܒܥܘܼܡܩܲܝܗܝ̈، ܘܠܐ ܒܵܥܹܝܬ ܠܒܘܼܪ̈ܟܵܬܼܐ ܡܢ ܟܲܪ̈̄ܣܹܐ ܕܲܟܦܝܼܢܠܗ̄ܘ̇ܢ ܘܒܵܬܪ ܗܵܕܹܝܟܼ ܣܒܼܝܼܥܠܗ̄ܘ̇ܢ ܡܛܠ ܒܘܼܪܟܬܼܐ ܒܥܘܼܡܩܲܝܗ̈ܝ ܝܼܠܵܗ̇ ܒܲܨܘܼܪܬܵܗ̇،)) ܟܸܢܫܐ ܩܲܕ̄ܡܵܝܐ ܕܝܵܕܥܝܼ ܡܲܘܬܐ ܒܝܲܕܝܼܕܘܼܬܐ ܝܼܠܹܗ ܚܲܝܘܼܬܐ ܐܵܢ̈ܝܼ ܝܼܠܲܝܗܝ̈ ܡܵܪ̈ܘܵܬܐ ܕܟܲܪ̈̄ܣܹܐ ܕܲܣܒܼܝܼܥܠܗ̄ܘ̇ܢ ܒܵܬܪ ܗܵܕܹܝܟܼ ܟܦܝܼܢܠܗ̄ܘ̇ܢ ܡܛܠ ܒܘܼܪܟܬܼܐ ܝ̄ܠܵܗ̇ ܦܝܵܫܐ ܒܥܘܼܡܩܲܝܗܝ̈، ܡܛܠ ܒܫܸܪ̈ܫܲܝܗܝ̈ ܐ̄ܬܹܐܠܗ̄ܘ̇ܢ ܡܼܢ ܟܲܪ̈̄ܣܹܐ ܡܐܲܝܟܼ ܕܝܼܠܲܝܗܝ̈، ܟܸܢܫܐ ܬܪܲܝܵܢܐ ܕܝܵܕܥܝܼ ܕܚܲܝܘܼܬܐ ܒܟܘܼܦܘܼܬܐ ܝܼܠܵܗ̇ ܡܲܘܬܐ ܝܼܠܲܝܗܝ̈ ܡܵܪ̈ܘܵܬܼܐ ܕܟܲܪ̈̄ܣܹܐ ܕܲܟܦܝܼܢܠܗ̄ܘ̇ܢ ܒܵܬܪ ܗܵܕܹܝܟܼ ܣܒܼܝܼܥܠܗ̄ܘ̇ܢ ܡܛܠ ܒܘܼܪܟܬܼܐ ܒܥܘܼܡܩܲܝܗܝ̈ ܝܼܠܵܗ̇ ܒܲܨܘܼܪܬܵܗ̇، ܘܡܛܠ ܒܫܸܪ̈ܫܲܝܗܝ̈ ܐ̄ܬܹܐܠܗ̄ܘ̇ܢ ܡܐܲܝܟܼ ܟܲܪ̈ܣܹܐ ܡܐܲܝܟܼ ܕܝܼܠܲܝܗܝ̈، ܘܠܐܲܟܼܐ ܒܸܡܛܵܝܐ ܝ̄ܘܲܚ̈ ܠܚܘܼܡܣܵܢܐ ܕܟܸܢܫܐ ܩܲܕ̄ܡܵܝܐ ܝܼܠܹܗ ܝܵܗ̄ܒܼܵܢܐ(ܡܸܥܛܵܐܐ) ܘܲܡܛܲܝܒܼܵܐ ܩܐ ܕܒܼܵܚܬܐ ܘܡܲܘܬܐ ܒܓܵܐܢܹܗ ܡܛܠ ܚܲܝܘܼܬܼܐ ܒܝܼܩܵܪܐ ܘܝܲܕܝܼܕܘܼܬܼܐ، ܘܟܸܢܫܐ ܬܪܲܝܵܢܐ ܒܗܵܘܹܐ ܐܵܢܵܝܐ ܘܢܲܪܓܸܣܵܝܐ(ܢܲܪܓ̮ܣܝܼ) ܘܦܲܢܕܵܢܐ ܡܙܲܒܸܢ ܩܵܐ ܟܸܢܫܐ ܩܲܕ̄ܡܵܝܐ ܒܛܝܼܡܐ ܒܲܨܘܼܪܐ ܘܩܵܒܸܠ ܠܚܲܝܘܼܬܼܐ ܒܟܘܼܦܘܼܬܼܐ، ܣܲܒܼܪ̈ܢ ܝܼܠܹܗ ܕܗܵܘܝܼ ܣܲܓܝܼܐ̈ܐ ܡܢ ܒܢܲܝ̈ ܐܘܼܡܬܲܢ ܘܒܢܲܝ̈ ܥܲܡܡܲܢ ܥܝܼܪܵܐܩܵܝܐ ܡܼܢ ܟܸܢܫܐ ܩܲܕ̄ܡܵܝܐ ܘܗܵܘܹܐ ܝܲܬܝܼܪܘܼܬܼܐ ܠܡܸܢܝܵܢܲܝܗܝ̈ ܝܵܘܡܐ ܒܵܬܪ ܝܲܘܡܐ، ܘܒܵܥܘܼܬܲܢ ܝܼܠܵܗ̇ ܕܒܲܨܸܪ ܟܸܢܫܐ ܬܪܲܝܵܢܐ ܘܛܲܠܩܵܗ̇ ܐܝܼܬܘܼܬܹܗ ܠܥܵܠܵܡ ܕܠܐ ܕܥܵܪܬܐ ،،،
ܬܲܪܓܵܡܬܐ ؛ ܥܲܒܼܕܝܼܫܘ̇ܥ ܣܵܗ̄ܕܐ ܝܘܼܚܲܢܐ
[/size]
