عـيدْ الطفولـَـة

[ميسون نعيم الرومي]

عـيدْ الطفولـَـة
ميسون نعيم الرّومي
 
بحْـزيَـرانْ العَـيّـدَتْ هاليوم بأولْ يوم
يا عيدْ الطفـولـَه اوفَـرْحانْ بـيـه الكون
 
تـتْـغالبْ شـعوبْ إتْـعَـدد الإنْـجـازْ
أطفـالْ البـلـَــدْ لازمْ إيـفرحــونْ
 
تروح المدارس حتما او إجبارْ
أطفال الوَطن يتعلمونْ وايدرسونْ
 
ممنوع الضَربْ والشـغلْ والتَجْـريحْ
الطفل .. مستَـقـْـبَـل للوطــن يـبْـنون
 
ياويـلي العـراقْ اوويَـلي أطفالـَـه
تتطافرْ اهنا واهناك مسؤوله عَ العيله
 
ذل اومهانه اوجـوعْ وي أمْـراضْ
خمسة امن الملايين اتيتمتْ واويله
 
أميه اوجهل .. لا خبزَه لاتعليم
أشكال أنواعْ العللْ ملفوفَـه وابسمْلـَـه
 
چا يمته الفرج وانعيش مثل الناس ؟
يـرتاح الشعب وانعينه من حِمْلـَـه
 
نـتْـهَـنـَّـــه بالنَـفـط والثَـرواتْ
بعراق الأمل ْوابْـمايَـه وابرَمْله
 
 
نكنسْ مزابلْ عَـشْعشَـتْ من ازمانْ
نـبْـني وْطـَـنـَّـه انعمره بالجمله
 
خَـلـَصّنَه العـمرْ نِـحْـلـَمْ اونِـتْـمَنَّــه
يا شَـعْـبي الأبَـدْ مايـنْجمعْ شَـمْلـَـه
 
بحْـزيَـرانْ العَـيّـدَتْ هاليوم بأولْ يوم
يا عيدْ الإمـومَـه اوفَـرْحانْ بـيـه الكونْ
 
-------------------------------------------
1 / حزيران / 2014
ســـــــــــــــتوكهولم