ܦܘܫ ܒܫܠܡܐ ܚܒܼܪܐ ܕܫܢ̈ܐ . . . ܕܓܘ ܕܘܪܪܐ ܘܥܠܝܼܡܘܼܬܼܐ
ܦܘܫ ܒܫܠܡܐ ܝܐ ܥܫܝܼܢܐ . . . ܡܫܡܗܐ ܗܘܹܬ ܗܘܵܐ ܒܠܒܼܝܼܒܼܘܬܼܐ
ܦܘܫ ܒܫܠܡܐ ܪܒܐ ܕܓܝܣܐ ܘܕܩܪ̈ܒܼܬܢܐ . . . ܒܐܓܼܘܢܘܬܼܐ . . . ܠܐ ܡܚܒܬ ܗܘܐ ܠܡܠܠܘܬܼܐ ܘܢܨܝܘܬܼܐ . . . ܘܕܘܪܫܘܬܼܐ
ܫܬܩܘܟܼ ܐܪܝܼܟܼܐ ܒܘܫ ܨܦܝܝܼ ܝܗ݉ܘܵܐ ܪܒܐ ܓܗ̈ܐ . . ܡܢ ܕܐܢܝ̈ ܕܪ̈ܫܐ ܕܐܢܐ ܘܐܢܐ . .ܘܐܢܝܘܬܼܐ
ܐܝܟܼ ܓܘ ܚܝܝܘܟܼ ܐܘܦ ܒܓܘ ܦܪܫܬܘܟܼ . . ܦܪܝܫܠܘܟܼ ܡܢܢ ܒܟܠ ܢܝܚܘܬܼܐ ܘܫܬܝܩܘܬܼܐ
ܦܘܫ ܒܫܠܡܐ ܓܘܪܝܐ ܕܐܪܝܐ . . ܨܦܝܐ ܡܗܝܡܢܐ . . ܒܨܒܘܬܼܐ ܕܐܘܡܬܐ
ܛܥܝܢܠܘܟܼ ܠܙܩܝܼܦܐ ܡܢ ܫܘܪܝܐ . . . ܕܠܐ ܗܢܝܢܐ ܘܕܠܐ ܝܘܬܼܪܢܐ . . ܡܓܢ ܫܩܝܠܘܟܼ . . ܡܓܢ ܝܗܒܼܠܘܟܼ ܒܐܡܝܢܘܬܼܐ
ܠܐ ܒܡܘܪܝܐ ܘܠܐ ܒܫܘܗܪܐ . . . ܐܬܼܘܪܝܐ ܒܪܝܐ ܚܐܪܐ . . ܡܒܒܐ ܚܐܪܐ
ܣܗܕܝܼ ܥܠܘܟܼ ܕܫܬܐ ܘܛܘܪܐ . . . ܘܟܠ ܓܦܝܼܬܐ ܕܐܝܼܚܝܼܕܝܐ . . ܐܦ ܐܝܼܣܵܪܐ
ܫܘܦܐ ܕܐܩܠܘܟܼ ܛܒܼܝܼܥܐ ܠܐܪܥܐ ܒܟܠ ܐܘܪ̈ܚܬܼܐ . . ܒܟܐܦ̈ܐ ܘܩܝ̈ܐ ܗܝܟ̰ ܠܐ ܡܨܐ ܡܢܝܼ ܕܗܘܐ ܩܐ ܕܫܝܦܠܗܿ ܠܫܪܝܼܪܘܬܼܐ ݂ . .
ܡܢܝܼ ܒܕܒܩ ܠܫܡܫܐ ܘܣܗܪܐ ܒܗܝ ܥܪܒܠܐ ܝܢ ܗܝ ܡܚܠܬܐ
ܠܐ ܡܨܝ ܕܫܝܦܝܼ ܠܗܘ ܕܘܪܪܐ ܘܠܗܘ ܐܓܼܘܢܐ ...
ܡܢ ܫܘܪܝܐ ܕܐܢ ܬܡܢܝܼܹܐ . . ܐ݉ܬܠܘܟܼ ܠܟܣܠܝܼ ܠܦܢܝܼܬܼܐ ܕܢܚ݉ܠܐ
ܐܢܐ ܘܐܢ݉ܬܢ ܘܣܗܕܐ ܨܢܟܼܘ . . ܪܒܐ ܕܪܫܠܢ ܡܢ ܫܘܐܠܹܐ
ܛܠܒܠܘܟܼ ܡܢܝܼ ܕܡܚܚ ܟܠܢ ܐܝܼܕܐ ܒܐܝܼܕܐ . . ܘܗܘܚ ܚܝܠܐ ܣܒܒ ܐܕܝܘܡ ܐܘܡܬܢ ܝܠܗܿ ܣܢܝܼܩܬܐ ܠܟܠܐ . . ܗܕܟܼܐ ܗܘܠܐ ܥܡ ܐܚܕܕܐ ܒܟܠ ܐܘܝܘܬܼܐ . .
ܘܒܫܪܝܼܪܘܬܼܐ . . . ܘܒܫܪܝܼܪܘܬܼܐ ܡܲܕܪܵܫܵܐ ܥܲܠ ܢܝܼܚ ܢܲܦ̮ܫܵܐ ܢܘܗܪܐ ܩܫܝܫܐ ܙܝܥܐ ܒܘܒܘ
( ܒܩܠܐ ܪܒܐ ܕܬܝܒܼ̈ܐ )
1
ܪܒــــܐ ܕܩܪ̈ܒ݂ܬ݂ܢܐ ܚܒ݂ܪܐ ܕܛـــــܘܪ̈ܢܐ .
ܫܒ݂ـــܝܩܠܗ ܠܚܒ݂ܪ̈ܢܐ ܕܠܐ ܡܛܵܝܐ ܥ݉ܕܢܗ .
2
ܕܒ݂ܝܼܚ ܢܦ̮ܫܐ ܕܐܘܡܬܼܐ ܢܦܝܼܠܐ ܒܓܘ ܫܘܝܼܬܼܐ .
ܒܚܕ݉ ܡܪܥܐ ܕܡܘܬܼܐ ܕܠܝܬܼ ܡܢܗ ܦܪܩܬܐ .
3
ܗ̇ܘ ܒܒـــــܐ ܙܗܝܐ ܩـܫܝܼܫـــܐ ܙܝـــܥܐ .
ܘܗ̇ܘ ܟܗܢܐ ܕܡܪܝܐ ܡܝܬܼܠܗ ܢܘܟ݂ܪܝܐ .
4
ܒܓܘ ܐܘܪܡܝܼ ܡܕܝܢ݉ܬܐ ܪܚܩـــܐ ܡ̣ܢ ܒܝܬܼܐ .
ܒܗܿܝ ܐܕܐ ܩܪܝܬ݂ــܐ ܩܒ݂ܪܗ ܠܗ̇ ܦܝܼܫܬܐ .
5
ܛܠܘܡܝܐ ܕܛܪܘܢܐ ܘܫܘܥܒܕ݂ ܫܘܠܛܢܐ .
ܡܘܫܚܛܠܗ ܠܟܗܢܐ ܒܥܝܼܩܘܬ݂ܐ ܕܙܒ݂ܢـــܐ .
6
ܥܒ݂ܝܪܐ ܒܣܝܒܘܬ݂ܐ ܛܪܝܕ݂ܐ ܠܓــܠــܘܬ݂ܐ .
ܘܟܠܐ ܝܩـــܪܬܼـــܐ ܥܡ ܒــܢܝ̈ ܒܝܬ݂ܘܬ݂ܐ .
7
ܐܘ ܟܡܐ ܡܪܝܼܪܐ : ܡܘܬܼܐ ܒܓܠܘܬܼܐ
ܡܦܘܠܛܐ ܡܓܘ ܒܝܬܼܐ : ܒܚܝܠܐ ܘܩܛܝܼܪܘܬܼܐ
8
ܒܕ ܒܟܼܝܐ ܩܢܝܐ : ܒܕܝܘܬܼܐ ܚܫܢܬܐ
ܕܠܐ ܡܨܝܐ ܡܓܒܝܐ : ܚܒܪ̈ܐ ܘܡܘܫܚܬܼ̈ܐ
9
ܕܠܚܡܝܼ ܩܐ ܠܘܝܐ : ܕܦܪܫܠܗ ܒܓ̰ܠܕܘܬܼܐ
ܘܩܐ ܣܢܕܝܼ ܠܒܐ : ܕܒܢܘܢ̈ܐ ܘܝܼܩܪܬܼܐ
10
ܒܓܘ ܬܠܓܐ ܘܩܪܬ݂ܐ ܕܠــܐ ܢܘܡܐ ܘܫܢܬܼـــܐ .
ܡܛܠ ܚـــــܐܪܘܬ݂ܐ ܠܗ̇ܝ ܐܬܼܘܪ ܐܘܡـܬܼـــܐ .
11
ܐܪܥܐ ܗܘܬ ܫܘܝܬܹܗ ܫـــــܡܝܐ ܬܟــܣܝܼܬܗ .
ܓܦـــܝܼܬ݂ܐ ܒــــܝܬܼܗ ܟــــܐܦܐ ܒــــܪܫــــܬܗ .
12
ܣــــܗܕܼ ܟܠ ܠܘܝܐ ܘܟܠ ܚܝܢܐ ܘܚܒ݂ܪܐ .
ܒܠܒ݂ܝܒ݂ܘܬܼܐ ܝܕܥܝܐ ܐܝܟ݂ ܚܕ݉ ܓܢ݉ܒـــــܪܐ .
13
ܦܝܫܬ ܡܩــܘܝܢܐ ܘܟـــܘܟܼܒ݂ـܐ ܠܲܘܓ̰ܢـــܐ .
ܒܫܡܝܐ ܕܐܓ݂ـܘܢܐ ܒܓܘ ܟܠ ܚܕ݉ ܙܒ݂ܢــܐ .
14
ܥܡ ܝܘܣܦ ܘܝܘܒܪܬ ܘܝܘܚܢܢ ܘܦـــܪܢܣܝܣ .
ܣܢܚܘ ܐܦ ܦܪܢܣܘ ܘܣــــܡܝܪ ܘܦـــــܝܪܣ .
15
ܥܡ ܟܠܝܗ̈ܝ ܣܗܕܐ ܕܐܘܡـــــܬܢ ܓܢ݉ܒܪــܐ .
ܡܢ ܙܒܼܢ̈ܐ ܕܫܒܘܪ ܘܗܠ ܟــــــܘܢܫــܗܪ̈ܐ .