فيزة دعوة الى كندا

[Ali AlHakim]

شباب عندي بنيه كنديه الجنسيه وتريد تسحبني كيف الطريقة وهيه لان هيه تكولي مااعرف الطريق
اني اريد منكم اتوجهوني حتى اوجها شتسوي واكون الكم شاكرنا

[شمعه 3]

شباب عندي بنيه كنديه الجنسيه وتريد تسحبني كيف الطريقة وهيه لان هيه تكولي مااعرف الطريق
اني اريد منكم اتوجهوني حتى اوجها شتسوي واكون الكم شاكرنا

 اخي

شنو علاقتك ب ( البنيه ) ؟؟؟ وين شفتها وشافتك ؟؟؟ وين اتعرفت عليها ؟؟ هههههههههههههههههههه

 لا تخاف  ما اكول لاهلك ولا لاهلها ههههههههههههههههه
 اخي  يجب ان تحدد نوع العلاقه  بينكم لكي نعطيك الجواب الصحيح يعني هل هي خطيبه لك  او  من الاصدقاء او من الاقرباء  او بنت الجيران  او ماذا ؟؟؟


 شمعه - كندا

[Ali AlHakim]

ههههههههههههههه ى اخويه اتعرفت عليها بالنت وهيه قافله عليه

[عراقجي]

هاي شسويت بيه شمعة بعد يخاف يجاوب

[alwaleed88]

أخوية العزيز شلون تسحبك من دون أي علاقة رسمية بينكم؟

[Ali AlHakim]

هو اني جاي اسئل شنو الطريقه الي تكدر تسجبني بيها شتسوي

[alwaleed88]

أخي الكريم لا يمكنها أن تسحبك لأن ليس هناك أي علاقة رسمية بينكما
أنصحك بالكفالة الخماسية، وهي أن يقوم خمسة أشخاص يحملون الجنسية الكندية بكفالتك
ولكن يتطلب ذلك أن تكون حاصلاً على صفة لاجئ من المفوضية السامية لشؤون اللاجئين
أتمنى لك التوفيق

[شمعه 3]

الاخ Ali AlHakim
ولو لحد الان ما نطيتني المعلومات الكامله والحقيقيه شلون اتعرفت بالبنيه وهاي عليها فصل عشاير وكلوص جكاير  ...  مع ذلك  اجاوبك  الجواب الصحيح :

1- بما ان العلاقه بينكم مجرد تعارف وليست علاقه رسميه وقانونيه فلا تستطيع  هي تقديم اي طلب لسحبك نهائيا (ولا تناقش وتكولي ليش  )..

2- بامكانها التقديم على طلب سحب الزوج في حالة اتفاقكم على عقد القران بينكما بشكل رسمي في اي دوله من دول العالم خارج العراق طبعا ويجب ان يكون العقد رسمي ومسجل وموثق من الجهات الرسميه والسفاره العراقيه مع وجود دلائل على حصول عقد القران مثل ( حفله وصور للحفله او فيديو ) وما شابه ذلك ..

3- تستطيع هي بعد ذلك تقديم كافة المستمسكات الثبوتيه لحصول عقد القران مع مستمسكاتك الشخصيه لتقديم طلب الى دائرة الهجره والجنسيه الكنديه على اساس (سحب الزوج) والمعامله تاخذ فتره من سنه ونصف الى سنتين تقريبا وفي بعض الحالات وصلت مرحلة الانتظار الى 3 سنوات لحصول كافة الموافقات (ولا تكولي شدعوه وليش اتطول هوايه )

4-تتعهد الزوجه بان تكون كفيلك الضامن لمدة لا تقل عن خمس سنوات وتتحمل  هي كل مصاريفك ويتم اعتبارك مهاجر وليس لاجيء ويجب ان يكون للزوجه عمل ومصدر دخل سنوي ثابت ..

 اما شغلة( قافله عليك) فهاي صايره موده بين الشباب العراقي ما شاء الله عليهم وكلها اتكول قافله عليه عبالك العالم ما بقا بيه غير بس الشباب العراقي ..

الله ينتقم منك ابو سريوه خبلت العراقيين وخليتهم كلهم قافلين .....

تحياتي

شمعه