ممكن مساعدتنا

[sara_altmemy]

مرحبا

اني وزوجي  تم رفضنا من المحلف بعد التعليق وكانت الهجرة او اللجوء الى امريكا نحتاج اهل الخبرة ان يفيدونا بمعلومات التقديم الى كندا او اي دولة اخرى ويفضل كندا او استراليا يرجى الرد وشكرا

[texasddddd]

اول شي اعترضو ماكو خسارة قدمو بسرع وقت لان تطول وخلوها على صفحة
انشالله الأعضاء يساعدوج
تحياتي

[sara_altmemy]

احنة راح علينا الاستئناف وهسه ماعدنا بس ننتظر اي دولة توافق علينا والدول  الي بيها لجوء مثل استراليا يطلب كفيل يحمل الجنسية الاسترالية واحنة ماعدنا احد عنده جنسية ولا نعرف احد وكندا هم منعرف الاجراءات بس رجلي يكول لازم يكون عدنه خمس اشخاص يحملون الجنسة الكندية واني رايده توجيهاتكم لاتبخلون عليه

[alwaleed88]

أختي الكريمة بالنسبة للكفالة الخماسية في كندا هي أن يقوم خمسة أشخاص يحملون الجنسية الكندية أو مقيمين دائمين في كندا بكفالة شخص واحد بشرط أن يكون معترف به مسبقاً كلاجئ في المفوضية السامية لشؤون اللاجئين

إن كنتم مقدمين على IOM وتم رفضكم من أمريكا أنصحكم تسافرون إلى الأردن وتقدمون على الـ UN ويارب الله يسهل لكم

[sara_altmemy]

احنة اصلا بالاردن مقدمين يو ان وتم تحويلنا الى الاي او ام وقابلنا المحلف وانطانا تعليق وبعدين رفض عني انرقضنا الى امريكا وهسه امرنا الى الله بس احنة انريد مفتهم الطرق للدول الباقية شنو لان يكولون استراليا عن كفيل مجنس وكندا هم كفيل مجنس واحن لا نعرف كفيل ولا نعرف احد هاي شلون تنحل

 اني رايدة مساعدة اتعلومنا طرق الماعندة كفيل بكندا شلون والماعندة كفيل باستراليا شلون او شلون نطلع قانوني الى اوربا عن طريق اليو ان

[outtoother]

اخي الكاتب
على أوربا طريق اليو ان يأخذ سنين طويلة جدا
أفضل حل تنتظرون اليو ان يحول بلد التوطين اي بلد اخر و خلال هذه الفترة تتحركون لإجراء معاملة الكفالة الكندية
و هناك طريقين للكفالة
ام خمس أشخاص يعملون و المعاملة لها شروط يجب تحقيقها
او كفالة المنظمات او الجمعيات او الكنيسة و ماشابه ذالك

هناك في المنتدى موضوع خاص حول اسماء المنظمات الانسانية التي تستطيع ترويج معاملة الكفالة
وحسب ما هو مبين من الاخوان في عمان اصحاب الكفالات بان المعاملة تحتاج الي سنتين من الوقت او اكثر
 و كل واحد هو و حظه

تحياتي