جماعة اللجوء عن طريق un ... سؤال شيصير لمن نوصل لكندا

[سرى القطان]

السلام عليكم
السؤال واضح بالعنوان .. اريد اعرف شيصير من اوصل لكندا
وهل يعوفوك وحدك لو شلون اكو احد يوديك ويجيبك لمكان
السكن اكو وصلوا لكوه جاهز لو الكل ينتظر وبعدين ياجر
زين الشقق بمناطق انت تختارها لو همة ومنو ياجر بالتحديد .. وشلون من ناحية النظافة
وشنو سمعت بالصراصر اني عقدتي الصراصر وكلها هيج لو مكان يفرق عن مكان
علما اني بمونتريال ... وللاسف كل هذا المنتدى مابيه اي معلومة تخص مونتريال
ما اعرف هو حظي لو شنو .. وفوكاها وحدي وما اعرف المن اسال
عفية كل معلومة عدكم تفيدني
اختكم الوحيدة .. سرى

[alwaleed88]

وعليكم السلام ورحمة الله وبركاته

أختي توكلي على الله ولا تقلقين من هاي الأمور طبعاً راح تنزلين بالولكم هوم وبعد 10 أيام تكدرين تكوليلهم شوفولي شقة أو انتي تدورين
هناك الدنيا أمان وتكدرين تشوفين شقة مرتبة بعمارة نظيفة
ما شاء الله انتي ممتازة بالفرنسي وكد المسؤولية
الله يحفظج ويحفظ أطفالج يا أختي

[مهاجر بلدي]

لتقلقين اختي العزيز جبتلج هذا الموضوع قديم منقول من الاخ كاندي لما وصل لمونتريال
السلام عليكم اخواني الاعزاء اليوم اني مراسلكم من كيبك
الحمد لله وحده لقد وصلنا الى كيبك امس  بعد رحلة دامت 16 ساعة من مطاردمشق الى مطار باريس الدولي ولقد وصلنا بعد 4ساعات ونصف طيران متواصل وبقينا 5ساعات لعب وتكمز مثل المخابيل في المطار (ترانزيت ) وبعد ان قلبنا المطار سأسا على عقب ولقد استقبلنا موضفي اليوان طبعا واكملوا لنا كل الاجراءات توجهنا الى الطيارة التالية من باريس الى مونتريال كيبيك وبعد ساعة تاخير لهبوب عاصفة ثلجية اقلعت الطائرة اخيرا وبعد 6ساعات ونصف وصلنا مطار مونتريال الدولي بحمد الله وايضا كان موضف اا IOM ينتضرنا ولكمل كل الاجراءات وسلمنا  الولابس الشتوية ثم سلمنا الى موظفة أجرت لنا 2من السيارات الموزين لتنقلنا الفنندق وتنقل اغراضنا الكثيرة  فذهبنا بعد ان اشترت لنا الطعام ونقلتنا الى الفندق ولا اعرف كيف اصف لكم الوضع بشكل عام غير بجملتين (من النار الى الجنة ) وانا الان اكتب لكم من غرفتي بالفندق ومنذ الساعة 9 نزلنا للافطار وهو بوفي مفتوح ومجاني طبعا والغداء من مطعم قريب بجانب الفندق وتابع له واما نذهب الى هناك او نطلب ويجلبوا لنا الطعام واليوم هو اول يوم حيث ذهبنا البعض الدوائر مع الموضفة المسؤلة عنا واستلمنا مبلغ من المال عبارة عن رتب الشهر الاول بحدود1900دولار  ورجعنا الى الفندق وقيل لنا غدا اجراءات اخرى وغدا ساكمل التقرير
اخوكم ابو عبد الله (كاندي مان )

[سرى القطان]

اشكرك اخوية الوليد تسلم ومهاجر بلدي الله يطمنكم اني زينة فرنسي وانكليزي يعني امشي اموري والله يسهل ان شاء الله
وسالت  هم دلوني على اماكن بمونتريال زينة ...  اضافة الى موقع اخذ بيه فكره عن الاماكن والشقق واسعارها


بس سؤال اخر
هناك شلون اتصل باهلي اول ما اوصل ...  واطمنهم
شوية دوختكم اني بس دماغي مديبطل تفكير حتى نوم ماكو

[alwaleed88]

إن شاء الله أول ما توصلين بالسلامة ثاني يوم راح ياخذكم موظف من دائرة الهجرة لإكمال إجراءات استخراج بطاقة الإقامة الدائمة وإنشاء حساب بنكي
من تاخذين البطاقة روحي لأي محل تابع لإحدى شركات الاتصالات واشتري خط جديد، أو ستجدين كشك صغير تابع للاتصالات في أحد المولات بأمكانه مساعدتك لاستخراج شريحة ... يعني الأمور سهلة



أما بالنسبة للصراصر اطمني اتصلت بواحد صديقي بكندا وكلتله سرى القطان جاية لمونتريال كال خلاص راخ اخبر كل الصراصر بكندا حتى يسوولج خوش استقبال بالمطار الله وكيلج حتى بالجنط يدخلون

[سرى القطان]

ههههههههه لا عفية الله يخليك كله ولا الصراصر دخيلك
اشكرك جدا الوليد على الاجابة ...

[فادي المحمد]

مشكورة عالموضوع اختي سرى
فعلا نحنا بحاجة بعض المعلومات  لنعرف كيف نتصرف

ولو ممكن احد الاخوة يساعدني بالاجابة على هالسؤال

كم يعطو راتب شهري للشب العازب  وكم يعطو راتب للعائلة
ومشكورين جميعا

[outtoother]

بالنسبة للصراصير هي موجودة في العمارات القديمة رغم كل المكافحات التي تجري من قبل شركة السكن
و العمارات الحديثة خالية من الصراصر و أكيد هناك فرق بين أسعار الايجار من منطقة الى اخرى و من شركة الى شركة و من عمارة الى عمارة
يعني بختصار كلشي بسعرة

تحياتي

[Suha-John]

حمدالله عالسلامه وبالتوفيق

[فهدالفهد]

بالتوفيق ان شاء الله