السلام عليكم
بحمد الله تمت المقابله و الموافقه علينا و هنا الملخص للاخوه الذين يتخوفون من المقابله و يستفسرون عن تاريخها بعد ارسال الفورمات
سوف اضع معلوماتي عسى ان تريح اعصاب البعض
تاريخ ارسال الفورمات 15-6-2015
تاريخ اتصال الامم المتحده لأبلاغي بالمقابله 4-10-2015
تاريخ المقابله 12-10-2015
وصلت للسفاره ساعه 7 و نص صباحا و تم فتح الباب و مناداة الاسماء الساعه 8:15 دقيقه
الدخول شخص بعد الاخر مع التفتيش
بعد الدخول للسفاره تنتظر ينادون عليك حتى ياخذون بصماتك و صوره ألك و ترجع تنتظر بالقاعه الى ان يصيحوك الغير غرفه على مود المقابله
تفوت كاعدين موظفه كنديه و مترجمه و اكو كرسيين للجلوس طبعا الي عدهم اطفال ميفوتون الاطفال وياهم
الموظفه راح تعرفك بنفسه و تكلك اني الي اقرر راح نوافق عليك او لا حسب الكلام مالتك و هل هو مطابق للفورمات و بعدين تبدي تسألك
اسمك
تاريخ الميلاد
مكان الولاده
تحصيلك العلمي
وظيفتك
وين جنت مسافر قبل و اي سفره طولت اكثر من 6 اشهر
هل متدرب على استخدام السلاح
هل تمتلك سلاح
هل تم اعتقالك او احد افراد عائلتك
هل منتمي الى تنظيم او جماعه
هل انت كنت في حزب البعث
اسماء اخوتك و اخواتك
الخدمه العسكريه : أني معفي من عدهه فما اعرف شنو الحجي الي يصير بس شفت واحد ناسي اسماء الظباط مالته الحد هسه صارله 6 اشهر متأخر ألى ان جاب اسامي الظباط فالي ميعرف الاسامي من هسه خلي يحاول يدبرهن شلون مجان
بعدين كالتلي احجيلي القصه حجيتهه بالتفصيل و ولا حاولت تغلطني ولا استفسرت عن مواظيع زايده و بعدين كالتلي وافقنه عليك ووقعت على القرض و طلعت سويت الفحص و هسه أنتظر الباقي و الله يسهل أليه و ألكم و أي واحد عنده استفسار اني حاضر
ها و تريد جواز السفر و الهويات و شهادة الجنسيه و الاقامه التركيه و دفتر الخدمه العسكريه النسخ الاصليه حتى تشوفهن
والسلام عليكم و رحمة الله و بركاته
