الفحص الطبي دوخني

[abu abd 84]

السلام عليكم
طبعا قبل اسبوعين تقريبا عملت الفحص الطبي عائلتي و الحجيه و بعض العوائل و الشباب ووره 5 ايام فتحت صفحة الحجيه على الانترنت و جان مكتوب تم استلام النتائج الطبيه و احنه بالفحص اخذنه رقم عائله و رجال و مره
كلهم خابتهم و فاتوا للموقع و مستلمه السفاره نتيجة الفحص مالتهم أله أني و عائلتي الحد هسه ماكو بالموقع خابرت على الدكتوره " لالي " السكرتيره مالتهه كالت خابر على السفاره بالنسبه ألنه دزينه النتائج كلهن
وهسه اني دايخ اخاف لا مضيعين نتيجتي او ناسيته الدكتوره او او او شنو توقعكم للموضوع ؟

[سارونه1]

وعليكم السلام
اخي ابو عبد لو سمحت ممكن تعلمني شلون ادخل ع الموقع لمعرفه فحصنا الطبي  وجزاك الله خير
بنسبه لموضوك الافضل انك تستفسر من السفاره

[abu abd 84]

وعليكم السلام
اخي ابو عبد لو سمحت ممكن تعلمني شلون ادخل ع الموقع لمعرفه فحصنا الطبي  وجزاك الله خير
بنسبه لموضوك الافضل انك تستفسر من السفاره

أختي تفوتي الهذا الموقع

https://services3.cic.gc.ca/ecas/viewcasestatus.do?app=https%3A%2F%2Fservices3.cic.gc.ca%2Fecas%2F%3Bjsessionid%3DEFF1C739D87C51D349CF011BA6E206C7

تختارين login بعدين كونتنيو بعدين تحطين اشارة صح على موافقه الشروط و تدوسين كونتنيو
حيفتح صفحه
اول شي تختارين أبلكيشن نمبر / كيس نمبر
و تكتبين الجي نمبر مالتج بالكامل وويه حرف الجي
وتكتبين اللقب و تاريخ الميلاد و بلد الولاده
وتدوسين كونتنيو راح يفتحلج صفحتج و تشوفين منهه

[alwaleed88]

نفس الشي صار ويانا
وصلت نتائجنا إلا فرد واحد من أفراد عائلتنا وبعد 3 أشهر طلع بالموقع تم استلام نتائج الفحص
برأيي ماكو داعي تخابر السفارة ولا تسأل أي جهة لأن ماراح تحصل نتيجة، انتظر وكلشي يتسهل إن شاء الله

[تمر برحي]

يالتوفيق اخي ابو عبد وانشاءالله ربنا ييسرها...

واعتقد ان الموضوع سهل انشاءالله وكثير من الاخوة صار بنفس هالموقف ولكن الامور مشت..


تحياتي لك

[mnkamala2000]

طبعا سالت الدكتورة بالنسبة للنتائج ... كلتلي  النتائج تروح لندن ومناك يجيكون وماكو تدقيق قوي للاجئين .
فعادي اخويه انتظر