ساعدوني اخواني اصحاب الخبره راح اروح الكندا وكلشي ما اعرف

[Medoo mohammed]

السلام عليكم ورحمة الله
اخواني الاعزاء عندي اسئله
وارجو منكم الرد عليهه
واتمنى الي يرد عليه يكون رده متاكد منه
لان راح اعتمر على ردودكم


اخوان انا بليونان حاليا راح اطلع لكندا بجواز برازيلي شبيه
الرحله مالتي حتكون ترانزيت يعني مو مباشر للبرازيل ف اسالتي هيه
1- من اطلع من الدوله الي اطير بيهه اشك الجواز بلطياره لو ابقي - الجواز البرازيلي قصدي
2- من اوصل للمطار  شنو الاجرائات اول ما انزل - يعني المطار مفتوح لو بي سيكيورتي ؟؟؟
3-اذا سلمت نفسي واني بقاعة الترانزيت خوما يصعدوني بلرحله الرايحه البرازيل ؟؟
4- شنو الاجرائات الي راح يتخذوهه بحقي من اكلهم اني داخل تهريب
من الاخير اريد تشرحولي شسوي وشنو الطرق السليمه
حتى اتجنب المشاكل
فدوه اروحلكم ردو عليه

[Medoo mohammed]

ليش محد يرد ؟؟؟
هاي لو بنيه جان الدنيه احتركت بلردود
عود اععتمدت عليكم

[شمعه 3]

السلام عليكم ورحمة الله
اخواني الاعزاء عندي اسئله
وارجو منكم الرد عليهه
واتمنى الي يرد عليه يكون رده متاكد منه
لان راح اعتمر على ردودكم


اخوان انا بليونان حاليا راح اطلع لكندا بجواز برازيلي شبيه
الرحله مالتي حتكون ترانزيت يعني مو مباشر للبرازيل ف اسالتي هيه
1- من اطلع من الدوله الي اطير بيهه اشك الجواز بلطياره لو ابقي - الجواز البرازيلي قصدي
2- من اوصل للمطار  شنو الاجرائات اول ما انزل - يعني المطار مفتوح لو بي سيكيورتي ؟؟؟
3-اذا سلمت نفسي واني بقاعة الترانزيت خوما يصعدوني بلرحله الرايحه البرازيل ؟؟
4- شنو الاجرائات الي راح يتخذوهه بحقي من اكلهم اني داخل تهريب
من الاخير اريد تشرحولي شسوي وشنو الطرق السليمه
حتى اتجنب المشاكل
فدوه اروحلكم ردو عليه

اخي

راح اجاوبك  نقطه نقطه  من كلامك

1-انا بليونان حاليا راح اطلع لكندا بجواز برازيلي شبيه

الجواب : الشرطه الفدراليه الكنديه عباقره في اكتشاف المزورين وكشف الوثائق المزوره واذا لزموك اقرا على نفسك السلام حبيبي تنسجن وتنحكم بعدين بغرامه وبالطرد والمنع من دخول كندا لمدة عشر سنوات على الاقل ...

2-- من اطلع من الدوله الي اطير بيهه اشك الجواز بلطياره لو ابقي - الجواز البرازيلي قصدي

الجواب :  سالفة اتشك الجواز صارت قديمه وما تعبر عليهم ويلزموك بيها لو تطير مثل عباس ابن فرناس  هم يلزموك وراها يكولوك الله وياك عبوسي وتنسجن وتنحال محكمه وتنطرد بعدين ..

3--اذا سلمت نفسي واني بقاعة الترانزيت خوما يصعدوني بلرحله الرايحه البرازيل ؟؟

الجواب لا ما يصعدوك باول رحله رايحه للبرازيل  بس ايصعدوك باول تاتا  لو كوستر  رايح للبرازيل لان التاتا والكوسترات  ارخص وايطشون وراك سطله ماي وكيلو جكليت ..

4-  من اوصل للمطار  شنو الاجرائات اول ما انزل - يعني المطار مفتوح لو بي سيكيورتي ؟؟؟

الجواب  : عمي انت تحجي صدك لو تتشاقه ؟؟؟اكو مطار بالعالم ما بيه سيكيورتي ؟؟؟ المطارات الكنديه مو مطارات العراق  ...

المطارات الكنديه كولها من اقوى المطارات بالعالم بالاجراءات الامنيه والسيكيورتي وكاميرات المراقبه ترصد حتى  ملابسك الداخليه .. انت وين اتسولف ؟؟؟ وربك  حتى امريكا  كل مطاراتها  ما بيها اجراءات سيكورتي  مثل المطارات الكنديه وكلها مخفيه ما تحس بيها ولا تدري وين .. واي  مخالفه او شك راح تشوف  يطوقوك ويحاوطوك عشيره  من الشرطه ..

4- شنو الاجرائات الي راح يتخذوهه بحقي من اكلهم اني داخل تهريب

الاجراءات سهله كلش مو صعبه لا تخاف وهي :
راح تنضرب كلبجه محترمه وتنسجن وتنحال محكمه وتنطرد وتمنع من دخول كندا عشرة سنوات بس مو اكثر ...

5- من الاخير اريد تشرحولي شسوي وشنو الطرق السليمه حتى اتجنب المشاكل

الجواب :هاي احلى فقره بالسالفه مالتك كولها هههههههههههه
يعني جوازك  جواز شبيه وتهريب وشسوي بالمطارات وتاليها اتكول من الاخير اريد تشرحولي طريقه ما بيها مشاكل ؟؟؟
ههههههه
الطريقه الوحيده بدون مشاكل بيها دربونتين

الدربونه الاولى عن طريق الامم المتحده لجوء
والدربونه الثانيه عن طريق الكنائس  كفالات

نصيحه لوجه الله انصحك لا اتفكر باي طريقه تهريب او دخول بجواز مزور لكندا تره مصيرك تنشمر بالبحر الاسود يعني لا بالبحر الاحمر ولا بالبحر الابيض  وانما عدل على البحر الاسود وداعتك ..جوازك المزور هذا احتمال تكدر تدخل بيه اوربا وهواحتمال ضعيف  بس كندا شيلها من بالك ...

هاي نصيحتي  وانت حر  ...

بالمتاسبه تره المنتدى ما بيه بنات  لان كلهن انقبلن لجوء  وما بقا غير بس الزلم بالحديقه هههههه

تحياتي

شمعه

[outtoother]

طريقك اعوج و نهايته ظلمة ولذلك محد انطاك رد
و الموضوع ماله علاقة بالبنات حتى تحترك الردود

[alwaleed88]

ههههههههههههههههههه والله ضحكتني

[outtoother]

اخوية الوليد مكانك خالي وغايب ماكو انت . انشاء الله خير عليكم بجاه هذه السنة الجديدة

[alwaleed88]

اخوية الوليد مكانك خالي وغايب ماكو انت . انشاء الله خير عليكم بجاه هذه السنة الجديدة

الأخ العزيز Outtoother
أشكرك على كلامك الطيب، ابتعدنا عن المنتدى لكي لا نعمق جراحنا من طول الانتظار، أعتقد نحن حطمنا الرقم القياسي بطول المدة ولا نعلم متى الرحيل، الحمدلله على كل حال لا نيأس من روح الله
أسأل الله أن يرزقك ما تتمنى