ܣܽܘܘܳܚܳܐ
ܣܕ̥ܺܝܪ ܒ̊ܝܰܕ̥ ܒ̊ܰܫܺܝܪ ܡܰܬ̊ܰܝ ܛܽܘܪܳܝܳܐ
ܥܰܠ ܟ̊ܰܝܠܳܐ ܪܒ̥ܺܝܥܳܝܳܐ
ܛ ܚܙܺܝܪܳܢ ܫܢܰܬ̥ ܒ̄ܟ
ܣܘܶܐ ܐ̱ܢܳܐ ܠܡܳܬ̥ܳܐ
ܣܘܶܐ ܐ̱ܢܳܐ ܠܚܰܒ̥ܪ̈ܰܝ
ܣܘܺܝܚ ܐ̱ܢܳܐ ܠܝܰܘܡ̈ܶܐ
ܕ̊ܰܥܠܰܝܡܽܘܬ̥ܳܐ
ܣܘܺܝܚ ܐ̱ܢܳܐ ܠܛܽܘܪܳܐ
ܠܢܶܒ̥ܥܳܐ ܕ̥ܡܰܝ̈ܳܐ
ܚܰܠܝܳܐ ܨܠܺܝܠܳܐ
ܟ̊ܡܳܐ ܒ̥ܰܣܺܝܡܳܐ
ܠܫܶܥܝܳܐ ܒ̥ܶܐܕ̥ܪ̈ܶܐ
ܒ̊ܰܦܫܺܝܛܽܘܬ̥ܳܐ
ܠܗܺܝܩ ܐ̱ܢܳܐ ܠܓ̥ܰܢ̈ܶܐ
ܕ̊ܗܳܠܶܝܢ ܕ̊ܙܰܝ̈ܬܶܐ
ܡܠܶܝܢ ܒ̊ܽܘܪ̈ܟ̊ܳܬ̥ܳܐ
ܠܙܽܘܩܙܳܩ ܨܶܦ̊ܪ̈ܶܐ
ܠܰܢܗܽܘܡ ܝܰܘ̈ܢܶܐ
ܒ̊ܥܰܡܺܝܩ ܫܰܦ̥ܪܳܐ
ܣܘܶܐ ܐ̱ܢܳܐ ܠܰܩܪܺܝܬ̥ܝ
ܩܪܺܝܬ̥ܰܢ ܚܠܺܝܬ̥ܳܐ
ܩܪܺܝܬ̥ܰܢ ܦ̊ܐܺܝܬ̥ܳܐ
ܩܪܺܝܬ̥ܰܢ ܪܚܺܝܡܬ̊ܳܐ
ܩܪܺܝܬ̥ܰܢ ܙܗܺܝܬ̥ܳܐ
ܘܡܰܠܝܰܬ̥ ܛܳܒ̥ܬ̥ܳܐ
ܡܰܠܝܬ̥ ܚܽܘܒ̊ܳܐ
ܡܰܠܝܰܬ̥ ܫܰܝܢܳܐ
ܒ̊ܰܝܢܳܬ̥ ܐ̱ܢܳܫ̈ܳܐ
ܣܘܶܐ ܐ̱ܢܳܐ ܠܢܰܚܠܳܐ
ܣܘܶܐ ܠܫܰܠܒ̥ܳܐ
ܣܘܶܐ ܐ̱ܢܳܐ ܠܥܺܕ̊ܬ̊ܰܢ
ܚܰܠܝܰܬ̥ ܙܡܳܪܳܐ
ܒ̊ܰܙܒ̥ܰܢ ܥܺܐܕ̥ܳܐ
ܣܘܺܝܚ ܐ̱ܢܳܐ ܠܢܶܫܡܰܝ̈
ܨܰܦ̥ܪ̈ܶܐ ܘܪ̈ܰܡܫܶܐ
ܣܘܶܐ ܐ̱ܢܳܐ ܠܚܰܝ̈ܶܐ
ܒ̊ܪܺܝܪ̈ܶܐ ܦ̥ܫܺܝ̈ܛܶܐ
ܒ̊ܰܝܢܳܬ̥ ܘܰܪ̈ܕ̊ܶܐ
ܐܳܦ̥ ܗܰܒ̊ܳܒ̥̈ܶܐ
ܒ̊ܢܺܝܣܳܢ ܝܰܪܚܳܐ
ܡܰܠܟ̊ܳܐ ܕ̥ܫܰܢ̱ܬ̊ܳܐ